- Department of Unemployment Assistance
- Executive Office of Labor and Workforce Development
- Massachusetts Emergency Management Agency
Boston — Ajans Federal pou Jesyon Ijans (F Massachusetts Emergency Management Agency, FEMA) te apwouve aplikasyon Massachusetts pou resevwa finansman sibvansyon pou peye yon alokasyon chomaj anplis chak semèn pou moun ki fè reklamasyon yo anba Pwogram Federal Asistans Peman Siplemantè (Lost Wages Supplemental Payment Assistance, LWA). Ajans pou Jesyon Ijans nan Massachusetts (MEMA) te soumèt aplikasyon an nan fen semèn pase a, nan yon kowòdinasyon ak Depatman Asistans pou Chomaj (Department of Unemployment Assistance, DUA).
Selon otorizasyon FEMA, sibvansyon an pral finanse yon lòt $300 nan peman chak semèn bay moun ki kalifye pou twa semèn ki fini nan 1ye out, 8 out, ak 15 out 2020 yo. Depatman Asistans pou Chomaj nan Massachusetts te deja kòmanse travay sou egzijans teknoloji ki nesesè pou pwogram sa a epi li prevwa li pral kapab bay finansman yon fason retwo-aktiv pou moun ki fè reklamasyon avan 15 septanm yo. Moun ki fè reklamasyon ki kalifye k ap resevwa avantaj kounye a pa bezwen fè anyen paske Commonwealth la ap otomatikman ajoute LWA nan peman avantaj chak semèn yo yon fason retwo-aktif nan dat yo kalifye yo.