ដោយសារតែកំណើនលើសពីការរំពឹងទុកនៅក្នុងកម្មវិធី Commonwealth Cares for Children C3 ក្នុងរយៈពេលប៉ុន្មានខែកន្លងមកនេះ EEC ត្រូវតែធ្វើការកែតម្រូវលើការទូទាត់ប្រចាំខែ សម្រាប់កម្មវិធី C3 មួយចំនួនក្នុងខែឧសភា និងមិថុនា ដើម្បីបន្តធ្វើសកម្មភាពក្នុងកម្រិតថវិកា ដែលបានកំណត់សម្រាប់ឆ្នាំសារពើពន្ធ (FY) 2024 ។
កម្មវិធីទាំងអស់ដែលបច្ចុប្បន្នចូលរួមក្នុងកម្មវិធី C3 នឹងបន្តទទួលបានមូលនិធិរហូតដល់ខែមិថុនា ឆ្នាំ 2024 ហើយអភិបាល Healey បានស្នើសុំបន្តកម្មវិធី C3 ក្នុងឆ្នាំសារពើពន្ធ FY 2025 បន្តទៀត។ ឆ្នាំសារពើពន្ធ 2025 របស់រដ្ឋចាប់ផ្តើមនៅថ្ងៃទី 1 ខែកក្កដា ឆ្នាំ 2024។
យើងនឹងចែករំលែកព័ត៌មានលម្អិតបន្ថែមទៀតអំពីចំនួនទឹកប្រាក់ដែលកម្មវិធីជាក់លាក់នៃការផ្តល់មូលនិធិ C3 អាចរំពឹងថានឹងទទួលបានក្នុងខែឧសភា និងមិថុនាក្នុងពេលអនាគតដ៏ខ្លី។
1. តើនៅពេលណាដែលខ្ញុំចាប់ផ្តើមឃើញការថយចុះនៃទឹកប្រាក់កម្មវិធី C3 របស់ខ្ញុំ?
កម្មវិធីមួយចំនួននឹងចាប់ផ្តើមឃើញការថយចុះនៃទឹកប្រាក់កម្មវិធី C3 ប្រចាំខែរបស់ពួកគេ នៅខែឧសភា ឆ្នាំ 2024 ។
ព័ត៌មាន SVI និងការចុះឈ្មោះទទួលជំនួយហិរញ្ញវត្ថុថែទាំកុមារ មាននៅលើពាក្យសុំកម្មវិធី C3 របស់អ្នក។ កម្មវិធីនានានឹងទទួលបានការជូនដំណឹងពី EEC រួមជាមួយនិងក្រុម C3 របស់ពួកគេ។
2. ហេតុអ្វីបានជាទឹកប្រាក់កម្មវិធី C3 របស់ខ្ញុំថយចុះ?
ចាប់ផ្ដើមដោយ ការចំណាយលើកម្មវិធី C3 ពីខែឧសភា ឆ្នាំ 2024 កម្មវិធីថែទាំនិងអប់រំកុមារតូចមួយ ចំនួននៅទូទាំងរដ្ឋនឹងមានការ កាត់បន្ថយ នូវចំនួនទឹកប្រាក់ចំណាយប្រចាំខែរបស់ពួកគេដូច ខាងក្រោម៖
- គ្មានការផ្លាស់ប្ដូរ៖
- កម្មវិធីដែលការចុះឈ្មោះរបស់ខ្លួនកើតឡើងដោយមានកុមារជាង 33% ដែល ទទួលបានជំនួយហិរញ្ញវត្ថុថែទាំកុមាររបស់ EEC (ដែលត្រូវបានស្គាល់ថាជា "ប័ណ្ណធានា" ឬ "កិច្ចសន្យា")។
- កម្មវិធី Head Start (Head Start) និងកម្មវិធី Early Head Start (Early Head Start)។
- ថែរក្សា 55% នៃការចំណាយលើកម្មវិធី C3 ប្រចាំខែជាទៀតងទាត់៖
- កម្មវិធីដែលការចុះឈ្មោះរបស់ខ្លួនកើតឡើងដោយមានកុមារតិចជាង 33% ដែលទទួលបានជំនួយហិរញ្ញវត្ថុថែទាំកុមាររបស់ EEC (ដែលត្រូវបានស្គាល់ថាជា "ប័ណ្ណធានា" ឬ "កិច្ចសន្យា") ប៉ុន្តែកំពុងបម្រើកុមារយ៉ាងហោចណាស់ម្នាក់ដែលទទួលបានជំនួយហិរញ្ញវត្ថុពី EEC និង/ឬ
- កម្មវិធីដែលប្រតិបត្តិការនៅក្នុងសហគមន៍ SVI ខ្ពស់បំផុតមួយ។
- ថែរក្សា 30% នៃការចំណាយលើកម្មវិធី C3 ប្រចាំខែជាទៀតងទាត់៖
- កម្មវិធីដែលបច្ចុប្បន្នមិនបម្រើកុមារណាម្នាក់ដែលទទួលបានជំនួយផ្នែកហិរញ្ញវត្ថុ សម្រាប់ការថែទាំកុមារពី EEC ប៉ុន្តែមានកិច្ចព្រមព្រៀងប័ណ្ណធានា ឬកិច្ចសន្យា សម្រាប់ជំនួយហិរញ្ញវត្ថុរបស់ EEC ហើយមិនប្រតិបត្តិការនៅក្នុងសហគមន៍ SVI ខ្ពស់បំផុត។
- ថែរក្សា 25% នៃការចំណាយលើកម្មវិធី C3 ប្រចាំខែជាទៀតងទាត់៖
- កម្មវិធីដែលបច្ចុប្បន្នមិនបម្រើកុមារណាម្នាក់ដែលទទួលបានជំនួយផ្នែកហិរញ្ញវត្ថុ សម្រាប់ការថែទាំកុមារពី EEC មិនមានកិច្ចព្រមព្រៀងប័ណ្ណធានា ហើយមិន ប្រតិបត្តិការនៅក្នុងសហគមន៍ SVI ខ្ពស់បំផុត។
កម្មវិធី C3 គឺជាអ្នកផ្លាស់ប្តូរហ្គេមសម្រាប់កម្មវិធីថែទាំ និងអប់រំកុមារតូច - ឆ្នាំនេះរួមចំណែក ឳ្យមានកំណើន 7% នៅក្នុងកម្មវិធីថែទាំកុមារ ដោយបន្ថែមកន្លែងថែទាំកុមារជាង 10,600 នៅទូទាំងរដ្ឋ។ រូបមន្តកម្មវិធី C3 គឺផ្អែកទៅលើចំនួនកម្មវិធីនិងកុមារដែលបានបម្រើ។ ជោគជ័យរបស់កម្មវិធី C3 ក្នុងការគាំទ្រការបើកកម្មវិធីនិងថ្នាក់រៀនថ្មីៗ គឺបង្កើតឳ្យមាន កំណើនច្រើនជាងការរំពឹងទុក។ នេះមានន័យថា ចំនួនថវិកាសម្រាប់កម្មវិធី C3 នឹងចាំបាច់ ត្រូវបែងចែកក្នុងចំណោមអ្នកផ្ដល់ការថែទាំច្រើនថែមទៀត។ ដោយមានការផ្លាស់ប្តូរទាំងនេះ EEC កំពុងធានាថា C3 បន្តចូលដល់កម្មវិធីទាំងអស់ជាសកល ក្នុងពេល ដឹកនាំធនធានកាន់ តែច្រើនទៅកាន់កម្មវិធីដែលបម្រើដល់គ្រួសារធ្វើការងារដែលមានប្រាក់ចំណូលទាប និង មធ្យម។
EEC នឹងត្រូវបញ្ចេញទឹកប្រាក់គ្រប់ចំនួន 475 លានដុល្លារដែលបានរក្សាទុកសម្រាប់កម្មវិធី C3 ក្នុងថវិកាសារពើពន្ធឆ្នាំ FY 2024 ។ ការផ្លាស់ប្ដូរទាំងនេះមិនមែនជាការកាត់មូលនិធិកម្មវិធី C3 នោះឡើយ។ ចំនួនទឹកប្រាក់មូលនិធិសរុបដូចគ្នានឹងត្រូវចំណាយតាមផែនការ។
3. តើអ្វីដែលត្រូវបានចាត់ទុកថាជាសហគមន៍ SVI ខ្ពស់បំផុតសម្រាប់ការផ្លាស់ប្តូរទាំងនេះ ហើយតើខ្ញុំអាចរកមើលថា តើកម្មវិធីរបស់ខ្ញុំត្រូវបានចាត់ទុកថាជាសហគមន៍ SVI ខ្ពស់បំផុតនៅឯណា?
សម្រាប់កម្មវិធី C3 ក្រសួង EEC បច្ចុប្បន្នកំណត់លក្ខណៈសហគមន៍មានតម្រូវការខ្ពស់ដោយប្រើ សន្ទស្សន៍ភាពងាយរងគ្រោះសង្គម (SVI)។ SVI ពិនិត្យមើលសូចនាករសេដ្ឋកិច្ច និងសង្គមជាច្រើន រួមទាំងអត្រាភាពក្រីក្រ និងភាពអត់ការងារធ្វើ និងកម្រិតទទួលបានការអប់រំ និងប្រាក់ចំណូលរបស់សហគមន៍។ SVI ខ្ពស់បំផុតត្រូវបានកំណត់ចាប់ពី 0.75 ឡើងទៅ។
កម្មវិធីដែលកំពុងចូលរួមអាចស្វែងរកព័ត៌មានបន្ថែមអំពី SVI របស់ពួកគេនៅលើពាក្យសុំជំនួយកម្មវិធី C3 ប្រចាំខែរបស់ពួកគេ។
4. តើកម្មវិធីរបស់ខ្ញុំអាចចាប់ផ្តើមទទួលយកជំនួយហិរញ្ញវត្ថុថែទាំកុមាររបស់ EEC ដោយរបៀបណា?
កម្មវិធីដែលចាប់អារម្មណ៍ក្នុងការចាប់ផ្តើមដំណើរការដើម្បីទទួលយកជំនួយហិរញ្ញវត្ថុសម្រាប់ថែទាំកុមាររបស់ EEC គួរតែទាក់ទងទៅកាន់ទីភ្នាក់ងារធនធានថែទាំកុមារនិងការបញ្ជូនបន្ត (CCR&R) ក្នុងតំបន់របស់ពួកគេ។ អ្នកអាចរកឃើញ CCR&R ក្នុងតំបន់របស់អ្នកតាមតំណភ្ជាប់៖ https://childcare.mass.gov/eec_ccrrsearch។
5. តើខ្ញុំនឹងឃើញការថយចុះទឹកប្រាក់កម្មវិធី C3 របស់ខ្ញុំនេះរយៈពេលប៉ុន្មាន??
រហូតមកដល់ពេលនេះ ការផ្លាស់ប្តូរទាំងនេះគឺសម្រាប់ខែឧសភានិងខែមិថុនា ឆ្នាំ 2024 (ឧ. ឆ្នាំសារពើពន្ធបច្ចុប្បន្ន)។
អភិបាល Healey បានស្នើបន្តកម្មវិធី C3 ក្នុងឆ្នាំសារពើពន្ធ FY 2025។ EEC កំពុងធ្វើការជាមួយ អង្គនីតិបញ្ញត្តិ ដើម្បីទ្រទ្រង់កម្មវិធីដ៏សំខាន់នេះទៅក្នុងឆ្នាំសារពើពន្ធ FY 2025 និងលើសពីនេះថែម ទៀត ដែលខណៈពេលនោះក៏មានការកែសម្រួលកម្មវិធីសំខាន់ៗ ដើម្បីឆ្លុះបញ្ចាំងអំពីការផ្លាស់ប្តូរ ពីស្ថិរភាពនៃសម័យកូវីដ ទៅជាការវិនិយោគប្រតិបត្តិការដែលកំពុងដំណើរការ។
6. ប្រសិនបើកម្មវិធីរបស់ខ្ញុំមិនទាន់បានចូលរួមក្នុងកម្មវិធី C3 ពីមុនមក ប៉ុន្តែមានបំណងចង់ចូលនាពេលនេះ តើខ្ញុំអាចទទួល បានការផ្ដល់មូលនិធិដែរឬទេ?
ដោយសារមូលនិធិថវិកាមានកំណត់ កម្មវិធីថ្មីៗមិនអាចអនុវត្តបានទេនៅពេលនេះទេ។
7. កម្មវិធីរបស់ខ្ញុំជាកម្មវិធី Head Start តើនេះមានន័យយ៉ាងណាសម្រាប់ខ្ញុំ?
កម្មវិធី Head Start (Head Start) និងកម្មវិធី Early Head Start (Early Head Start) ដែលបច្ចុប្បន្ន កំពុងចូលរួមជាមួយកម្មវិធី C3 នឹងមិនមានការផ្លាស់ប្ដូរចំនួនទឹកប្រាក់កម្មវិធី C3 របស់ពួកគេក្នុង ឆ្នាំសារពើពន្ធ 2024 ឡើយ។
8. តើខ្ញុំអាចនិយាយជាមួយអ្នកណាបានដើម្បីសុំជំនួយ?
- សូមទាក់ទង ផ្នែកជំនួយជំនួយរក្សាស្ថេរភាពការថែទាំកុមារ ពេលមានបញ្ហា ឬសំណួរណាមួយ ឬប្រសិនបើអ្នកត្រូវការជំនួយបច្ចេកទេស ដោយហៅទូរស័ព្ទទៅលេខ 1-833-600-2074 ឬផ្ញើអ៊ីមែលទៅ eecgrantsupport@mtxb2b.com
- Mass.gov/C3Grants និង Mass.gov/C3GrantsFAQ នឹងត្រូវបានធ្វើបច្ចុប្បន្នភាបជារឿយៗ។