Mesaj CCM pou Fanmi yo (Haitian Creole)

La a w ap jwenn kopi imèl MassHealth an kreyòl ayisyen pou manm Community Case Management (CCM) ak fanmi yo.

Mizajou enpòtan : MassHealth ogmante limit nan sèvis enfimye / enfimyè kalifye kontini nan yon peryòd 24 è pou enfimye / enfimyè endepandan. - 5/10/24

5/10/24

Onè manm e fanmi CCM,

MassHealth chanje dènyèman kantite èdtan yon enfimye / enfimyè endepandan gendwa founi sèvis enfimye / enfimyè konpetan kontini (CSN) nan yon peryòd 24 èdtan. Anvan sa, règleman MassHealth te gen yon 12 èdtan limit pou enfimye / enfimyè endepandan founi sèvis CSN nan yon peryòd 24 èdtan.

Depi 24 avril, 2024, enfimye / enfimyè endepandan gendwa founi alèkile jouk 16 èdtan sèvis CSN nan yon peryòd 24 èdtan, nan sitiyasyon ki annapre la yo :

1. Nan yon ijans, lè pa gen lòt moun fòme pou okipe ki peye oubyen pa peye disponib pou okipe manm lan. Nan sitiyasyon sa a,
   1. enfimye / enfimyè endepandan an gendwa travay jouk 16 èdtan nan yon peryòd 24 èdtan depi manm lan gen èdtan CSN ki disponib ; epi
   2. enfimye / enfimyè endepandan an dwe di CCM opita pwochen jou travay la e eksplike pou ki rezon li te gen pou l travay plis pase 12 èdtan nan yon peryòd 24 èdtan.
2. Lè yon manm CCM oubyen fanmi l founi CCM konfimasyon alekri oubyen aloral li aksepte pou enfimye / enfimyè endepandan an travay pou jouk 16 èdtan nan yon peryòd 24 èdtan, depi
   1. enfimye / enfimyè endepandan an pa travay pou yon lòt manm oubyen konpayi travay pandan rès uit èdtan nan menm peryòd 24 èdtan an ; epi
   2. enfimye / enfimyè endepandan an soumèt CCM yon deklarasyon li siyen ki di li pa p chèche lòt anplwa pandan uit èdtan ki rete yo nan peryòd 24 èdtan an.

Nan toude sitiyasyon sa yo, enfimye / enfimyè endepandan gendwa travay sèlman pou jouk 16 èdtan nan yon peryòd 24 èdtan si manm lan oubyen fanmi l aksepte.

Fanmi gendwa chwazi mete yon limit 12 èdtan sou orè yon enfimye / enfimyè endepandan.

Si w vle poze kesyon sou chanjman sa a, kontakte tanpri responsab klinik CCM lan nan [phone] oubyen ekri l yon imèl bay [e-mail]. Epitou ou ka li sou chanjman an nan Bilten 18 pou enfimye / enfimyè endepandan.

 

Ak tout respè,

 

Annie Kazarnovsky

Direktris pwogram sèvis CSN

MassHealth Office of Long-Term Services and Supports

Executive Office of Health and Human Services

One Ashburton Place, 5th Floor

Boston, MA 02108

Imèl : [e-mail]

Avi sou odyans piblik: Sèvis enfimyè kalifye e kontini - 04/26/24

04/26/2024

Onè manm e fanmi CCM,

Biwo egzekitif pou sèvis sante piblik e sèvis imen (Executive Office of Health and Human Services, EOHHS) ap gen yon odyans piblik sou chanjman ki pwopoze nan atik 130 CMR 438.000 : Ajans enfimye e enfimyè kalifye e kontini e 130 CMR 414.000 Enfimye ou enfimyè endepandan.

Amannman ki pwopoze nan 130 CMR 438.000 mete oklè e reyoganize seksyon nan règleman an e yo ajoute kondisyon pou founisè ajans enfimye e enfimyè kalifye e kontini, sa gen ladan achivis, rapò sou ensidan e aksidan, kritè klinik pou sèvis enfimyè, limit sou sèvis ki kouvri yo, kondisyon sipèvizyon chak de semèn pou asistan swen konplèks. sèvis, rankont fas a fas, sipleman tarif gwo teknoloji CSN, ak kondisyon anyèl rapò sou anplwaye yo.

Amanman ki pwopoze nan 130 CMR 414.000 mete oklè e reyoganize seksyon nan règleman an e yo ajoute kondisyon pou founisè enfimye e enfimyè endepandan, sa gen ladan achivis, rapò sou ensidan e aksidan, otorizasyon alavans, endamnite pou è siplemantè, limit èdtan, sipleman tarif gwo teknoloji CSN, aktivite maketin ki entèdi, e founi sèvis CSN andeyò Massachusetts.

Amanman nan règleman an pwopoze avèk yon dat pou li an vigè ki se vandredi 30 out 2024.

Ap gen yon odyans piblik vityèl:

• 130 CMR 438.000 vandredi 17 me 2024 ant 12:00 e 2:00 p.m.
• 130 CMR 414.000 vandredi 17 me 2024 ant 2:00 e 4:00 p.m.

W ap jwenn yon kopi odyans piblik la e lyen elektwonik pou enskri pou ka temwaye nan odyans lan, isit la :

• 130 CMR 438.000 Avi sou yon odyans piblik
• 130 CMR 414.000 Avi sou yon odyans piblik

W ap jwenn yon kopi chanjman e règleman ki pwopoze yo, isit la :

• Chanjman ki pwopoze nan 130 CMR 438.000
• Chanjman ki pwopoze nan 130 CMR 414.000

Si w vle poze kesyon, kontakte tanpri direktè klinik CCM ou an.

Avèk tout respè,

 

Annie Kazarnovsky

Direktris pwogram sèvis CSN

MassHealth, OLTSS

Fon pou èd edan natirèl CCM - dat limit pou resevwa fon yo - 04/23/2024

Anvwa onon Massachusetts

Onè manm e fanmi CCM,

Pataj sou enfòmasyon ki konsène fon pou èd CCM.

Nan mwa novanm 2022, MassHealth kòmanse distribye fon pou èd pou edan natirèl CCM. Se American Rescue Plan Act (ARPA) ki te finanse fon pou èd sa yo. Nan kòmansman chak seri, MassHealth kolabore avèk UHealthSolutions pou founi kat seri fon pou èd, voye lèt pa lapòs bay manm e fanmi yo ki admisib. Dat e admisiblite pou chak seri te :

• Premye seri : Te disponib 29 novanm 2022 pou manm ki te enskri nan CCM nan mwa septanm 2022
• Dezyèm seri : Te disponib 20 jen 2023 pou manm ki te enskri nan CCM nan mwa avril 2023
• Twazyèm seri : Te disponib 17 oktòb 2023 pou manm ki te enskri nan CCM nan mwa out 2023
• Katriyèm seri : Te disponib 13 fevriye 2024 pou manm ki te enskri nan CCM nan mwa desanm 2023

MassHealth p ap founi plis seri fon pou èd. Katriyèm seri fon pou èd la, ki te founi 13 fevriye ane sa a, te dènye seri fon pou èd la.

Si fanmi w oubyen oumenm te admisib pou n nenpòt nan kat seri fon pou èd yo, men ou pa t resevwa fon pou èd, konnen alò ou admisib toujou. Manm e fanmi gendwa soumèt yon fòmilè atestasyon opita 1^e jen 2024 pou yo resevwa fon pou èd pou tout seri yo admisib. Tanpri, voye fòmilè ou ranpli a pa lapòs oubyen nan lyen elektwonik sekirize a opita 1^e jen 2024. Men manm e fanmi ki pa soumèt yon fòmilè opita 1^e jen 2024 p ap ka resevwa okenn fon pou èd.

Si w gen kesyon ou ta renmen poze sou fon pou èd yo e si w admisib pou youn nan seri fon pou èd anvan yo, kominike tanpri avèk responsab klinik CCM la swa nan nimewo [phone] oswa voye yon imèl bay [e-mail]. UHealthSolutions e CCM ap òganize tou aktivite sou sansibilizasyon avèk fanmi ki pa resevwa fon pou èd nan seri anvan yo.

 

Annie Kazarnovsky

Direktris pwogram sèvis CSN

MassHealth Office of Long Term Services and Supports

Executive Office of Health and Human Services

One Ashburton Pl. 5^th floor

Boston, MA 02108

Imèl : [e-mail]

Apèl trimestriyèl pou manm e fanmi CCM - avril e me 2024

Onè manm e fanmi CCM,

Ou resevwa imèl sa poutèt ou se swa manm oubyen fanmi nan Community Case Management (CCM) k ap resevwa sèvis enfimyè konpetan kontini (Continuous Skilled Nursing, CSN) nan MassHealth.

MassHealth ap òganize yon apèl trimestriyèl avèk manm epi fanmi nan CCM pou pale sou mizajou tout pwogrè nan livrezon sèvis CSN epi pou bay manm epi fanmi CCM yo chans pou yo pataje opinyon sou sèvis CSN yo.

Apèl la ap fèt pandan de jou : Madi 23 avril ant 10 a.m. jouk 11:30 a.m. epi jedi 2 me ant 5 p.m. jouk 6:30 p.m. Tanpri, patisipe nan apèl ki konvni w la, men ou ka vin nan toulede tou.

 

Ajanda :

Madi 23 avril

10 a.m. – 10:30 a.m.

• Mizajou nan tout amelyorasyon nan livrezon sèvis CSN yo.

10:30 a.m. – 11:30 a.m.

• MassHealth ta renmen pase rès apèl la pou l koute kòmantè manm epi fanmi CCM yo.

 

Jedi 2 me

5 p.m. – 5:30 p.m.

• Mizajou nan tout amelyorasyon nan livrezon sèvis CSN yo.

5:30 p.m. – 6:30 p.m.

• MassHealth ta renmen pase rès apèl la pou l koute kòmantè manm epi fanmi CCM yo.

 

Apèl sa yo ap fèt nan Zoom e ap gen sèvis entèprèt espayòl. Tanpri itilize enfòmasyon ki nan imèl orijinal la pou rantre nan apèl yo.

Nou pa ka tann pou w vin jwenn nou!

 

Ak tout respè,

 

Annie Kazarnovsky

Direktris pwogram sèvis CSN

MassHealth Office of Long Term Services and Supports

Executive Office of Health and Human Services

Enskri nan anyè enfimye e enfimyè MassHealth CCM - 7 mas 2024

Enskri nan anyè enfimye e enfimyè MassHealth CCM March 7, 2024

Bonjou manm e fanmi CCM,

Nou ta renmen enfòme w sou anyè enfimye e enfimyè CCM lan, ki te kòmanse depi nan mwa avril 2023. Gen manm e fanmi, ansanm ak enfimye e enfimyè endepandan e ajans, pou ki li vreman itil e n espere w ap reflechi pou w enskri ladan l pou w benefisye tou.

Anyè enfimye e enfimyè CCM lan konekte manm e fanmi avèk enfimye e enfimyè CSN ki nan katye pa yo a. Manm e fanmi CCM gendwa chèche enfimye e enfimyè endepandan e ajans tou ki baze sou rejyon kote manm e fanmi a rete epi sou ekspètiz enfimye e enfimyè a.

Si w pa ko fè l, nou ankouraje w enskri e kòmanse yon pwofil nan anyè a. Menmsi ou pa bezwen yon enfimye oubyen enfimyè kounyela, l ap toujou itil pou w gen profil ou a la. Kèlkeswa ki lè li ye, li fasil pou w konekte pou w wè detay e ekspètiz enfimye e enfimyè ki nan rezo nou a e ki lè yo disponib.

Pou enskri, klike sou Lyen elektwonik enskripsyon nan anyè enfimye e enfimyè a. Epitou, ou ka mande responsab klinik la oubyen yon moun nan CCM ede w enskri. Si w vle poze kesyon oubyen bezwen èd avèk anyè a, kontakte tanpri responsab klinik ou a.

Nou trè kontan ou renmen opòtinite sa a!

Ak tout respè,

Ekip MassHealth OLTSS

Sonje : Lè uouvèti MassHealth DME e fen è biwo CCA - 4 mas 2024

Onè manm e fanmi Community Case Management (CCM),

Ekip MassHealth Durable Medical Equipment (DME) vin aprann gen kèk manm ki gen difikilte pou yo jwenn DME e founiti, oksijèn e aparèy respiratwa e founiti, e pwodui òtotik / pwostetik. Pou ede rezoud pwoblèm sa yo, ekip DME a òganize chak vandredi yon orè sèvis nan telefòn e anliy ant 4:30 p.m. e 5:00 p.m. Pandan tan sa a, MassHealth ap koute sa w gen pou w di epi l ap eseye jwenn solisyon.

Enpòtan : Si w bezwen èd poutèt yon pwoblèm, sonje pou kontakte responsab klinik CCM lan. Responsab klinik CCM lan pral travay ansanm avèk espesyalist CCM apwopriye a (ègoterapèt, fizyoterapèt, òtofonist, terapèt risparatwa) epi, si sa nesesè, kontakte MassHealth.

Men detay sou kòman pou konekte nan peryòd tan biwo DME yo.

• Orè biwo DME :

Chak madi ant 4:30 p.m. – 5:00 p.m.

Nenpòt lè, si w gen pwoblèm oubyen kesyon ou vle poze sou DME, ou ka voye imèl tou bay ekip MassHealth DME a nan [e-mail].

Konnen tanpri : MassHealth pa gen orè biwo ankò pou sèvis asistans nan swen konplèks (complex care assistant, CCA) poutèt mank patisipasyon. Manm e fanmi ki vle poze kesyon sou sèvis CCA yo ta dwe kontakte responsab klinik CCM pa yo a. Si manm e fanmi yo lòt enkyetman,nou gendwa voye imèl bay Annie Kazarnovsky nan [e-mail].

Chak lendi, n ap voye bay manm e fanmi CCM yo yon imèl pou fè n sonje orè biwo sa yo.

Mèsi,

 

Annie Kazarnovsky

Direktris pwogram sèvis CSN

MassHealth Office of Long Term Services and Supports

Mizajou sou admisiblite nan ranbousman prè CSN lan - pataje tanpri avèk enfimye e enfimyè ou yo - 28 fevriye 2024

Onè fanmi CCM,

MA-Repay (ranbousman MA) : Pwogram ranbousman prè frè etidyan (Continuous Skilled Nursing, CSN) dènyèman fè mizajou kondisyon li yo. Enfimye e enfimyè ki founi manm Masshealth yo sèvis swen enfimye e enfimyè gendwa admisib alèkile pou yo resevwa lajan pou ranbouse prè frè etidyan pa yo a depi yo diplome nan yon pwogfam swen enfimye e enfimyè agreye apre 1^e janvye 2018. Anplis, enfimye e enfimyè ki enskri alèkile nan yon pwogram swen enfimye e enfimyè ki sipoze diplome 1^e jiyè 2024, oswa anvan sa, gendwa fè aplikasyon tou. MassHealth ajoute tou yon opsyon prim twazyèm tyè pou enfimye e enfimyè ki dakò pou yo bay omwen 12 è sèvis CSN pa semèn pandan 45 semèn chak lane. Tanpri, wè lyen elektwonik FAQ ki annapre a pou w jwenn plis detay.

Alèkile, MassHealth ap kontinyèlman aksepte aplikasyon jouk vandredri 19 avril 2024, a 5:00 p.m., oubyen jouk tan tout lajan an distribye, selon sa ki rive an premye a. Prim yo ap atribye ofiramezi. Nou vreman ankouraje enfimye e enfimyè yo soumèt aplikasyon pa yo a osito li posib.

Enfimye e enfimyè ki admisib dwe founi sèvis CSN bay manm MassHealth kòm yon enfimye oubyen enfimyè endepadan nan kontra avèk MassHealth oubyen kòm yon ajans CSN admisib ki enskri nan MassHealth oubyen yon ajans swen lakay ki enskri nan MassHealth k ap founi sèvis CSN.

An echanj pou yon angajman pou sèvis a plen tan pou de oubyen twa lane*, pwogram lan pral founi yon maksimòm :

• $35,000 pou chak enfimye oubyen enfimyè otorize (registered nurse, RN) ki angaje pou twa lane sèvis.
• 20,000$ pou chak enfimye oubyenenfimyè otorize (registered nurse, RN) ki angaje pou de lane sèvis.
• $30,000 pou chak enfimye oubyenenfimyè oksilyè otorize (licensed practical nurse, LPN) ki angaje pou twa lane sèvis.
• $15,000 pou chak enfimye oubyen enfimyè oksilyè otorize, (licensed practical nurse, LPN) ki angaje pou de lane sèvis.

 

*Prim pou tan pasyèl disponib tou nan kad pworata. Pou plis enfòmasyon, monte tanpri nan https://www.marepay.org/continuous-skilled-nursing-csn.

Pou konsilte yon depliyan ki gen enfòmasyon siplemantè, klike isit.

Si w vle poze kesyon, kontakte tanpri direktè klinik CCM ou an.

 

Mèsi.

Pataj sou enfòmasyon ki konsène fon pou èd CCM - 22 fevriye 2024

Onè manm e fanmi CCM,

 

Apati 15 fevriye, UHealthSolutions (UHS) ap voye pa lapòs enfòmasyon enpòtan bay manm e fanmi Community Case Management (CCM) sou katriyèm seri fon pou èd CCM. Katriyèm seri fon pou èd la disponib pou edan natirèl manm CCM ki te enskri nan CCM e gen tan gen nan mwa desanm 2023 a yon dosye sèvis. Lèt sa a voye onon Biwo egzekitif pou sèvis sante piblik e sèvis imen (Executive Office of Health and Human Services, EOHHS).

Fon pou èd CCM lan se pou soutni manm fanmi e lòt moun ki pa peye (« edan natirèl ») ki ede manm CCM yo jwenn swen yo bezwen. Peman « pou èd » sa yo - finanse pa Lwa Etazini sou plan soulajman (American Rescue Plan Act) - y ap peye an dirèk bay edan natirèl prensipal manm CCM lan. Detay siplemantè sou peman èd la e edan admisib make nan lèt ki voye bay manm e fanmi yo.

Edan natirèl ki admisib pral resevwa yon peman pou èd ki $3 500 pou ede nan bezwen yo. Edan natirèl manm CCM ki gen otorizasyon MassHealth pou plis pase 84 èdtan sèvis enfimye e enfimyè konpetan kontini (continuous skilled nursing, CSN) pa sèmèn ap resevwa $1 000 anplis.

Tanpri, wè imaj ki la nan anvlòp manm e fanmi CCM dwe siveye nan bwat postal ou a, ap gen ladan yon lèt k ap bay plis detay sou fon pou èd CCM lan. Lèt la ap gen tou yon « fòmilè pou atestasyon » ou dwe ranpli pou w resevwa fon pou èd la.

Pou ede fanmi jwenn fon pou èd la, EOHHS tabli de faon pou w voye yon fòmilè pou atestasyon ou ranpli.

1. Voye fòmilè a tounen pa lapòs nan anvlòp tenbre ou resevwa avèk lèt ou a.
2. Telechaje fòmilè a elektwonikman nan lyen sekirize ki make nan lèt ou a e ki la tou : https://commonwealthmedicine.my.site.com/CaregiverRelief

Nou mete la tou yon kopi lèt la e fòmilè k ap avèk lèt ou resevwa a, pou sizoka ou pito sèvi avèk fòmilè elektwonik oubyen si kopi sou papye a pèdi oubyen egare.

Konnen tanpri : Si w resevwa yon lèt pou yon fon pou èd anvan, men ou pa t soumèt yon fòmilès atestasyon, konnen alò ou toujou admisib. Tanpri, soumèt fòmilè ou ranpli a pa lapòs oubyen nan lyen sekirize elektwonik la. UHealthSolutions ap kontakte w pou konfime ou ta renmen resevwa yon fon pou èd ki te distribye anvan.

Si w gen kesyon ou ta renmen poze sou peman soulajman an, lèt sa a, oubyen fòmilè atestasyon an, kominike tanpri avèk responsab klinik CCM la nan at [phone] oubyen voye yon imèl bay [e-mail]

 

Annie Kazarnovsky

Direktris pwogram sèvis CSN

MassHealth Office of Long Term Services and Supports

Executive Office of Health and Human Services

One Ashburton Pl. 5^th floor

Boston, MA 02108

Imèl : [e-mail]

Anons sou odyans piblik e ogmantasyon gouvènè a pwopoze pou sèvis CSN - 21 fevriye 2024

Onè manm e fanmi CCM,

Bidjè FY25 ki pwopoze a gen ladan $38.8 milyon fon siplemantè pou sèvis enfimye e enfimyè konpetan kontini (continuous skilled nursing, CSN). Tanpri, konnen kwak gouvènè a rekòmande ogmantasyon nan tarif sa a, bidjè a dwe gen otorizasyon lejislati a. Jan bagay yo ye alèkile, MassHealth vize pou l pibliye chanjman nan règleman yo e fè mizajou sou tarif yo apati 16 out 2024 ; sepandan, dat sa gendwa chanje.

Gen nan chanjman ki pwopoze yo an mwayèn 33% ogmantasyon nan tarif pou sèvis enfimye e enfimyè otorize (RN) founi e yon 11% ogmantasyon nan tarif pou sèvis enfimye e enfimyè oksilyè otirize (LPN) founi. Anplis, chanjman ki pwopoze yo tabli yon sipleman nan tarif nan gwo teknoloji, ofri bay enfimye e enfimyè ki sèvi manm ki bezwen yon trakeyotomi, vantilatè, oubyen yon katetè santral. Ajoutman tarif gwo teknoloji ki pwopoze a se $2/15 pa minit oubyen $8 pa è. Ajoutman tarif gwo teknoloji a an mwayèn gen yon ogmantasyon 41% pou tarif RN e 21% pou tarif LPN.

Biwo egzekitif pou sèvis sante piblik e sèvis imen (Executive Office of Health and Human Services, EOHHS) ap gen yon odyans piblik sou chanjman ki pwopoze nan atik 101 CMR 361.00 : Tarif pou ajans enfimye e enfimyè kalifye e kontini e sèvis enfimye e enfimyè endepandan. Si w vle, ou gendwa enskri pou temwaye nan odyans piblik la e / oubyen soumèt EOHHS yon temwayaj alekri sou chanjman ki pwopoze yo nan 101 CMR 361.00. Kòmantè e temwayaj alekri gen pou yo resevwa opita 5 p.m. vandredi 8 mas 2024.

Ap gen yon odyans piblik vityèl vandredi 8 mas 2024 ant 9:30 e 11:30 a.m.

W ap jwenn yon kopi odyans piblik la e lyen elektwonik pou enskri pou ka temwaye nan odyans lan, isit la : 101 CMR 361.00 Avi sou yon odyans piblik

W ap jwenn yon kopi chanjman e règleman ki pwopoze yo, isit la : Chanjman ki pwopoze nan 101 CMR 361.00

Si w vle poze kesyon, kontakte tanpri direktè klinik CCM ou an.

 

Avèk tout respè,

Annie Kazarnovsky

Direktris pwogram sèvis CSN

MassHealth, OLTSS

Nouvo, avètisman e mizajou sou fòm mesaj tèks - li obligatwa pou w reponn- 5 fevriye 2024

OSIJÈ : Imèl pou manm, fanmi, e moun ki founi swen

Nouvo, avètisman e mizajou sou fòm mesaj tèks - li obligatwa pou w reponn

Dat : Fevriye 5, 2024

Bonjou manm, fanmi, moun ki founi swen MassHealth

MassHealth tande kòmantè manm e fanmi ki di li ta itil pou MassHealth voye rapèl oubyen mizajou nan mesaj tèks. Se yon gran plezi pou n anonse bay tout moun nou ka voye mesaj tèks depi kounyela kòm lòt metòd kominikasyon pou n fè w konnen nou voye yon imèl sou yon reyinyon k ap fèt byento, mete w ajou sou chanjman nan politik e lòt sipleman nan sit wèb nou a.

Si w ta renmen resevwa avètisman sa yo nan mesaj tèks, ranpli tanpri fòmilè ki annaprè la pou w bay otorizasyon e kowòdone ou pito a. https://forms.office.com/g/hYqQX0c17t Si w pa ranpli fòmilè a, MassHealth pa p ka voye avètisman ba ou sou fòm mesaj tèks.

Nou ajoute yon modèl pou kèk mesaj tèks nou gendwa voye ba ou. Egzanp sa yo dwe koresponnn ak estanda MassHealth sou vi prive. Kòm ou wè nan egzanp yo, pa gen enfòmasyon pèsonèl ki site e mesaj la inikman sèvi kòm avètisman pou fè w konnen w ap resevwa yon imèl oubyen ap gen yon reyinyon.

Tanpri, ranpli fòmilè a opita vandredi 16 fevriye 2024 pou w pa resevwa mesaj tèks. Si nou pa resevwa yon fòmilè repons, nimewo telefòn ou an pa p ajoute nan mesaj tèks yo.

Egzanp pon rapèl sou yon reyinyon

Sonje : Si w se manm CCM oubyen fanmi yon manm, gen yon apèl nan telefòn k ap fèt le [Date] a [Time]. Nou te voye detay sou sa pa imèl le [date].

Gen sèten konpayi selilè ki fè peye pou resevwa mesaj tèks e pou done elektwonik ki itilize.

Mizajou paj wèb CCM lan

Si w ap resevwa CCM Services, gen nouvo enfòmasyon ki afiche nan www.mass.gov/ccm.

Kontrandi reyinyon e dyapozitif Power Point sou reyinyon [Date] la a [Time] afiche nan www.mass.gov/ccm.

Tanpri, kite n konnen si w gen kesyon ou vle poze.

 

MassHealth CSN OLTSS

Opòtinite pou Fanmi Mass Sidès yo patisipe nan fòmasyon enfimyè CSN-31 janvye 2024

12 janvye 2024

POU : Fanmi nan rejyon sidès (sèlman) Massachusetts

DELAPA : Nightingale Northern Nest, LLC.

Onè manm e fanmi ki resevwa swen konplèks,

Men gwo nouvèl. Nightingale Northern Nest, LLC resevwa finansman nan men American Relief Plan Act (ARPA) pou direksyon yon inisyatif fòmasyon kontini pou swen enfimye e enfimyè kalifye nan MassHealth (MassHealth Continuous Nursing Skilled “CSN” Training) e nou kòmanse premye kou yo. Fòmasyon sa a pral kontinye jouk nan lane 2025.

Yon pati enpòtan nan pwogram etid nou a se fòmasyon n ap founi enfimye e enfimyè nou yo ki enskri avèk fanmi. Nou konnen trè byen ou dinamik nan fòmasyon enfimye e enfimyè CSN nan swen a domisil. Se pou sa, n ap envite w patisipe nan pwogram fòmasyon CSN nan rejyon sidès la (Southeast Region CSN Training Program) avèk :

• Pèl klinik ekspè : Founi kontni pou seksyon pèl klinik la (Clinical Pearls) ki ofri enfòmasyon pou fasilite aprantisaj nan anviwònman a domisil.
• Pwen fò fanmi manm yo : Posiblite pou an evidans avèk foto e enfòmasyon pou ka gen plis konesans sou popilasyon CCM lan.
• Detay sou plan swen : Founi enfòmasyon sou plan swen pou estajyè ka gen yon apèsi sou plan swen enfimye e enfimyè ki tipik. Tout idantifyan pèsonèl tèlke non pasyan, adrès, non doktè, etc., ap siprime.

Tanpri, si sa enterese w, reponn imèl sa a e mande resevwa plis enfòmasyon sou pwogram lan e sou patisipasyon bay : [e-mail].

Southeast Region CNS Training Program devlope pa Nightingale’s Northern Nest - yon konpayi ki konsakre nan konstriksyon yon filè avèk edikasyon nan High Acuity Homecare. Pwogram lan konsevwa pou satisfè mank ki gen nan sa ki konsène aprantisaj nan domèn swen a domisil, avèk yon pwen fò sou mank nan matyè ekspètiz e konesans nan domèn espesyalize sa a. Patisipasyon konplè nan pwogram lan ofri twa nivo aprantisaj anliy, demonstrasyon an pèsòn, e seyans obsèvasyon a domisil.

Epitou, si w rete nan rejyon SE (Plymouth, Cape Cod, oubyen Islands) e w ta renmen pou lakay ou konsidere kòm yon In-Home Observation Site pou kou dete e kou dotòn, kontakte n tanpri pou plis enfòmasyon.

Si w nan lòt rejyon Massachusetts, ou ka kontakte Massachusetts General Hospital Institute of Health Professionals “MGH IHP” pou w jwenn plis enfòmasyon sou kijan pou w patisipe nan pwogram fòmasyon an. Kontakte n pa imèl nan : [e-mail].

Ak tout respè,

Direktè pwogram

Nightingale Northern Nest, LLC