Limitason di Idadi Mínimu
Ningen ku menus di 12 anus di idadi ka pôdi anda ku lanxa, a non ser ki es sta kunpanhadu y kontroladu di forma dirétu pa un algen ku 18 anu ô más. Inda, kênha ki sta uza môta di mar (PWC) débi teni pélu menus 16 anu di idadi pa pôdi uza-l, sen iseson.
Sertifikason di Idukason na Siguransa
Jovens ki ten di 12 ti 15 anu di idadi débi fazi un kursu di navegason pa pôdi anda ku un lanxa sen supervizon di adultu. Dipôs di finda kursu, alunus ta resébi un “sertifikadu di siguransa nautiku” stadual, ki débi sta ku operador sertifikadu duranti viaja. Kênha ki krê anda ku môta di mar y ki ten 16 ô 17 anu di idadi tanbé débi fazi es kursu di navegason. Jovens ku menus di 16 anu di idadi ka sta autorizadu pa anda ku môta di mar.
Rilatóriu di Asidentis
Kondutor di kualker lanxa involvidu na asidenti ki rizulta na pankáda gravi, na môrti ô na strágus material (más di 500 dóla) débi infôrma Pulisia Anbêntal di Massachusetts imidiatamenti y manda rilatóriu di asidenti apropiadu dêntu di prazu izijidu. (2 dia - fatalidadi; 5 dia – tudu ôtus asidentis)
Ekipamêntus di Siguransa
Maioria di rikizitus stadual pa transpórti di ekipamêntus é igual ku leis federal. Kê-l lista prinsipal li ta inklui kolêtis salva-vida, istintor di insêndiu, dispuzitivu di sinalizason, sinalizason vizual di ajuda y lus di navegason. Na Massachusetts, kolêtis salva-vida débi ser uzadu pa:(1) mininus ku menus di 12 anu di idadi (2) kênha ki sta anda ku môta di mar (3) kênha ki ta pratika ski akuatiku (4) kênha ki ta anda ku kanôa/kayaki di 15 di Seténbru ti 15 di Maiu. Kênha ki sta kunduzi barku é risponsavel pa garanti ki pasajêrus ki sta dêntu di barku uza kolêtis salva-vida, di akordu ku nisisidadi. Para alen di kêla, stadu ta iziji ki tudu lanxa (difôra barkus partikular) sta ekipadu ku ánkura, fiador manual y linha. Na barkus ku menus di 16 pé di kunprimêntu, é nisisariu teni un rêmu. Lanxas ki ta raboka skiadoris tanbé ten ki sta ekipadu ku skada di inbarki. Tudu barku ki ta trabadja ku mákina ten ki teni rejistu y númeru.
Atividadis Proibidu
Kê-s sigintis tipus di operason li é stremamenti prigu y proibidu:
- Anda ku kualker inbarkason sôbri influênsia di bebida alkóliku ô drógas. Un kuantidadi di alkual na sangi di 0,08 BAC (Taxa di Alkual na Sangi) é padron atual di intokisikason na Massachusetts. Penalizason ta aumenta faxi y pôdi lêba a kazus di pérda di karta di konduson pa veíkulus ki ten mutôr.
- Kondutor di un lanxa ki ten menus di 150 pé na un aria di natason, séja lugar públiku ô privadu.
- Anda na un velosidadi izajeradu, lebandu en konta kondisons di ténpu, movimentu di barkus y ôtus prigu. Na âgus intêrnu, anda na un velosidadi más ki 45 mph é konsideradu un diskuidu.
- Anda ku lanxa ki lus ka sta funsiona drétu.
- Anda ku lanxa di nôti óra ki bu sta raboka skiadoris akuatiku, tubérkulus, y ôtus.
- Anda na un velosidadi más ki velosidadi di avansu (6 mph ô menus)ô na un distansia di 150 pé di un nadador, di un algen ki sta pratika ski akuatiku, di aria di atráka inbarkason, di marina, lansamentu di barku ô óra ki vizon di operador sta limitadu di algun forma.
- Anda ku karga txeu dimas (karêga pézu total ki dja pasa kê-l rakumendadu na plaka di kapasidadi ô si é izajeradu têndu en konta kondisons di âgu)
- Anda ku pasajêrus na prôa, na armaduras ô na kualker ôtu lugar ki pôdi kai na mar.
Operason di Inbarkason Pisual
Môtas di âgu (PWC) é konsideradu lanxas pa lei y es débi kunpri tudu kê-s leis nautiku y rêgras di navegason, inkluindu indikason di velosidadi y operason ki sta di riba. Para alen di kêla, Kênha ki sta anda ku PWC débi lêba en konta regulamentus stadual spesífiku pa anda ku môtas di mar:
- Uza kolêtis salva vida aprovadu (PFD) sénpri (kênha ki sta kunduzi ku pasajêrus).
- Prêndi kordon di siguransa na kondutor y na xavi di fitxa/disliga.
- Anda sénpri na un velosidadi moderadu y sen arankadas brutu (6 mph ô menus)ô ti 150 pé di un nadador, di kôsta, di un algen ki sta pratika ski akuatiku, di un lanxa, di un djangada ô flutuador ô un barku atrakadu.
Nunka ka bu anda ku un môta di mar:
- Si bu ten menus ki 16 anu di idadi
- Si bu sta môku
- Di óra ki sol kânba ti óra ki sol nansi
- Ku velosidadi altu, na lugar ki sta txeu inbarkason
- Na âgu ku baxu di 75 akri
- Enkuantu bu sta raboka algen na ski, tubu, ets.
Obuservason
Es li é só un rizumu di leis nautiku. Tudu algen ki ta navêga na mar débi kônxi analiza tudu leis lokal, stadual y federal. Pa bu ten más informason sôbri leis nautiku, idukason nautiku ô pa bu ten asésu a formulariu di rilatórius di asidenti, entra en kontákitu ku Pulisia Anbêntal di Massachusetts pa númeru (508) 564-4961