Mensajis di CCM pa famílias (Cape Verdean Creole)

Mensajis di CCM pa famílias

Atualizasãu Inpurtanti: MassHealth Omenta Limite di Sirvisus Kontinu di Enfermajen Kualifikadu di Infermerus Indipendenti pa un Priudu di 24 óra - 5/10/24

5/9/24

Karus Menbrus y Famílias di CCM,

Ten poku tenpu ki MassHealth muda óras ki un infermeru/a indipendenti ta pode presta sirvisu kontinu di enfermajen kualifikadu (CSN) nun priudu di 24 óra. Antis, regulamentus di MassHealth ta limitaba sirvisu kontinu di enfermajen kualifikadu di infermerus indipendenti pa 12 óra nun priudu di 24 óra.

A partir di 24 di Abril di 2024, infermerus/as indipendenti pode faze 16 óra di sirvisu kontinu di enfermajen kualifikadu (CSN) nun priudu di 24 óra, dentu di kes sirkunstansia li:

1. Na kazu di urjénsia, óra ki ninhun otu kuidador trenadu, ki ta pagadu o nãu, sta prontu pa tuma konta di kel menbru. Nes kazu li,
   1. kel infermeru/a indipendenti pode trabadja te 16 óra dentu di un priudu di 24 óra desdi ki kel menbru ten otorizasãu pa uzu di kes óra dispunível di CSN; y
   2. kel infermeru/a indipendenti ten ki informa CCM logu kel otu dia di trabadju y splika pamódi el trabadja mas ki 12 óra nun priudu di 24 óra.
2. Óra ki menbru di CCM ó se familia kumunika CCM konfirmasau, ku ses bóka o na papel, ma es ta konsinti pa kel infrimera indipendenti trabadja te 16 óra na un priudi di 24, desdi ki
   1. kel enfermeru indipendenti ka ta trabadja pa otu menbru o patrãu duranti kes oitu óra di kel mesmu priudu di 24 óra; y
   2. kel enfermeru/a indipendenti ta prizenta CCM un diklarasãu sinadu ki ta fla ma el ka ta buska otu inpregu duranti kes oitu óra di kel priudu di 24 óra.

Na tudu kes dos kazu la, enfermerus/as indipendenti pode trabadja so te 16 óra na un priudu di 24 óra, si kel menbru o se familia aprova.

Famílias pode skodje limita tenpu di trabadju di enfermeru/a indipendenti pa 12 óra.

Si nhos ten dúvida sobri kel mudansa li, pur favor, nhos kontakta diretor klíniku di CCM pa nunbru [phone] o nhos manda un email pa [e-mail]. Nhos pode tanbe le sobri kel mudansa li na Bulitin 18 di Enfermajen Indipendenti (Independent Nurse Bulletin 18).

Mantenha,

 

Annie Kazarnovsky

Program Manager of CSN Services

MassHealth Office of Long-Term Services and Supports

Executive Office of Health and Human Services

One Ashburton Place, 5th Floor

Boston, MA 02108

Email: [e-mail]

Avizu di odiénsia públiku - 04/26/24

04/26/24

Karus menbrus di CCM y famílias,

Dipartamentu Izikutivu di Sirbisu di Saúdi y di Sirbisu Umanu (EOHHS) sta ta promove un odiénsia públiku sobri kes prupósta di mudansa na 130 CMR 438:000:  Ajénsia di Sirbisu Kontinu di Enfermajen Spesializadu y na 130 CMR 414.000: Enfermeru/a Indipendenti.

Kes alterasãu ki sta prupodu na 130 CMR 438.000 y na 130 CMR 414.000 ta esklarese y ta riorganiza kes seksãu di kel rugulamentu y ta kresenta kuzas ki ta izijidu pa Enfermeru/as  ki ta presta sirbisu inkluindu arkivu, relatórius di insidentis y asidentis, otorizasãu ki ta dadu, di trabadju éstra, limitasãu di óras, konplementu di taxa di altu teknolujia di CSN, pruibisãu di atividadis di marketing y prestasãu di sirbisu di CSN fóra di Stadu.

Es alterasãu di rugulamentu ta ten ifeitu a partir di 30 di Agostu di 2024.

Ta ten un odiénsia públiku virtual dia 17 di Maiu di 2024:

• 130 CMR 438.000 di 12:00 pa 2:00 di tardi.
• 130 CMR 414.000 di 2:00 pa 4:00 di tardi.

Un kópia di Anúnsiu pa Odiénsia Públiku y links pa algen rijista pa da testemunhu na odiénsia públiku ta atxadu na: 

• 130 CMR 438.000 Anúnsiu pa Odiénsia Públiku.
• 101 CMR 414.000 Anúnsiu pa Odiénsia Públiku.

Nhos pode odja kópia di mudansa ki fazedu y rugulamentu ki sta prupodu ali: 

• Prupóstas di kurriji 130 CMR 438.000.
• Prupóstas di kurriji 130 CMR 414.000.

Si nhos ten kalker dúvida, nhos kontakta nhos Diministrador Klíniku di CCM.

Nos mantenha,

 

Annie Kazarnovsky

Diretor di Prugrama pa Sirbisus di CSN

MassHealth, OLTSS

Konferénsia online, di três in três mês, ku Menbru y Família di CCM – Abril y Maiu di 2024

Karus Menbrus y Famílias di CCM,

Nhos sta ta resebe es email li pamódi nhos é Menbru di Jestãu di Kazu Kumunitáriu (CCM) o pamódi nhos é Família di un Menbru di CCM ki ta resebe sirvisus di Infermajen Kualifikadu Kontinu (CSN) di MassHealth.

MassHealth sta ta ben ten un Konferénsia online, di três in três mês, ku Menbrus di CCM y Família di CCM pa fala di tudu kuza novu ligadu ku midjoria di prestasãu di sirvisu di CCM y pa da Menbru di CCM y Famílias di CCM oportunidadi di da ses opiniãu sobri Sirvisus di CSN.

Es konferénsia ta fazedu duranti dôs dia: Térsa-fera, dia 23 di Abril, di 10:00 pa 11:30 di plamanhan y Kinta-fera, 2 di Maiu di 5:00 pa 6:30 di tardi. Nhos partisipa na kalker di kes óra di konferénsia, di akordu ku nhos konviniénsia, má nhos sta a vontadi na partisipa na tudu dôs.

 

Ajénda:

Térsa-fera, 23 di Abril

10 – 10:30 di plamanhan

• Atualizasãu sobri tudu midjoramentu ki fazedu na Prestasãu di Sirvisu di CSN

10:30 – 11:30 di plamanhan

• MassHealth ta gostaba di pasaba, duranti es restu di óra, ta obiba kuza ki menbrus y famílias di CCM ta pensa sobri es konferénsia.

 

Kinta-fera, 2 di Maiu

5 – 5:30 di tardi

• Atualizasãu sobri tudu midjoramentu ki fazedu na Prestasãu di Sirvisu di CSN

5:30 – 6:30 di tardi

• MassHealth ta gostaba di pasaba, duranti es restu di óra, ta obiba kuza ki menbrus y famílias di CCM ta pensa sobri es konferénsia.

 

Tudu kes konferénsia li ta kontise via Zoom y ta ten sirvisu di intérpreti na spanhol. Pur favor, nhos uza informasãu na email original pa participar.

 

 

Nu ta spera ma nhos ta partisipa!

 

Atensiozamenti,

 

Annie Kazarnovsky

Diretor di Prugrama di Sirvisus di CSN

MassHealth Office of Long Term Services and Supports

Executive Office of Health and Human Services

Nhos Inskreve gósi li na Lista di Kontaktus di Enfermerus/as di MassHealth CCM! - 7 di Marsu di 2024

Nhos Inskreve gósi li na Lista di Kontaktus di Enfermerus/as di MassHealth CCM! March 7, 2024

Karu Menbru di CCM y Família

Nu kre da-nhos kes últimu informasãu sobri kel Lista di Kontaktus di Enfermerus/as di CCM, ki komesa na Abril di 2023. Txeu menbru y família, y enfermerus/as y ajénsias indipendenti ta atxa-l mutu útil y nu ta spera ki nhos ta pensa na inskreve na el pa nhos pode binifisia di el tanbe!

Kel Lista di Kontaktus di Enfermerus/as di CCM ta liga menbrus y famílias ku enfermerus/as ki ta presta sirbisu di CSN na ses zóna. Menbrus di CCM y ses família pode prokura enfermerus/as indipendenti y ajénsia di enfermerus/as baziadu na lokalidadi y na konpiténsia di enfermeru/a.

Si inda nhos ka inskreve, nu ta enkoraja-nhos pa faze-l y kria un perfil na kel lista di kontaktu. Mésmu ki nhos ka meste sirbisu di un enfermeru/a gósi, ter nhos perfil la é útil! Nhos pode faze login, kalker óra y sen difikuldadi, pa odja mas informasãu y konpiténsia di enfermerus/as na nos redi y kuandu es ta sta dispunível.

Pa inskreve, kalka li na Nurse Directory Enrollment Link. Nhos pode pidi nhos Jestor Klíniku o algen na CCM pa djuda-nhos inskreve. Si nhos ten kalker dúvida o nhos meste ajuda ku kel lista di kontaktu, pur favor nhos kontakta nhos Jestor Klíniku.

Obrigadu pa nhos ten in kónta es grandi oportunidadi!

Atensiozamenti,

MassHealth OLTSS Team

Pa nhos lenbra: Priudu di funsionamentu di Skritóriu di DME y Fin di Priudu di Funsionamentu di CCA - 4 di Marsu di 2024

Karus Menbrus y Familias di Jestãu di Kazus di Kumunidadi (Community Case Management):

Ikipa di MassHealth di Ikipamentu ki ta Dura Txeu (DME) diskubri ma alguns menbrus ten stadu ku difikuldadi na ten DME material, abstesimentu di oksijénu y ikipamentu respiratóriu y ainda ortóze/ prótezes. Pa djuda resolve kes prubléma li, ikipa di DME ta sta online o na telefóni duranti tenpu di sirbisu tudu térsa-fera di 4:30 pa 5:00 di tardi. Duranti es tenpu li, MassHealth ta obi kuza ki nhos ta fla-l y nhos priokupasãu y el ta tenta atxa sulusãu pa es.

Nóta Inpurtantl: Si nhos meste ajuda pa un prubléma, nhos lenbra di kumunika primeru ku nhos diretor di nhos klínika di CCM. Diretor di nhos klínika di CCM ta ba trabadja ku spesialistas ki é própi pa nhos kazu (Terapeuta Okupasional, Terapeuta Fíziku, Terapeutas ki ta trata algen ku difisiénsia na fala, Terapeuta pa Respirasãu) y, si nesesáriu, el ta kontakta ku MassHealth.

Ali sta tudu informasãu sobri módi ki nhos ta kontakta ku skritóriu di DME pa sabe óras di funsionamentu.

• Óras di funsionamentu di DME:

Tudu térsa-fera di 4:30 di tardi pa 5:00 óra

Nhos pode tanbe email Ikipa di DME di MassHealth pa [e-mail] na kalker mumentu sobri prublémas o dúvida sobri DME.

Nhos presta atensãu: MassHealth ka ten más óras di funsionamentu pa apoia sirbisus di kazus más konplikadu (CCA) pamódi partisipasãu limitadu. Kes Menbrus y Famílias ki ten kalker dúvida sobri sirbisus di CCA meste kontakta ku ses diretor klíniku di CCM. Si ten más otus priokupasãu, kes menbrus y famílias pode email Annie Kazarnovsky na [e-mail].

Tudu sugunda-fera, nu ta manda menbrus di CCM y familia un email pa lenbra-nhos óra di funsionamentu di es Skritóriu.

Obrigadu,

 

Annie Kazarnovsky

Diretor di Prugrama di Siribisus di CSN

Skritóriu di Apoiu y Sirbisus di Longu Prazu di MassHealth

Ilejibilidadi Atualizadu pa Rienbolsu di Enpréstimu di CSN – Pur favor, nhos da nhos Enfermerus/as Kunhisimentu - 28 di Fevereru di 2024

Karu Família di CCM,

Rienbolsu di MA: Prugrama di Rienbolsu di Enpréstimu di Studanti di Enfermajen Spesializadu Kontinu (CSN) atualiza, ka mutu tenpu, kes kondisãu di ser skodjedu. Enfermerus/as ki ta trabadja na kuidadu kontinu spesializadu (CSN) pa menbrus di MassHealth gósin es pode ten direitu di resebe dinheru pa kaba di paga ses enpréstimu komu studanti, si es finda ses kursu di enfermajen ki ten un prugrama ki ten kréditu dipos di 1 di Janeru di 2018. Más ainda, kes enfermerus/as ki sta matrikuladu nes mumentu nun prugrama di enfermajen ki ta forma dia 1 di Julhu di 2024, o más sédu, pode tanbe kandidata. MassHealth tanbe krisenta un opsãu di un prémiu di tirseru nível pa enfermerus/as ki aseita trabadja ku sirbisus di CSN pa 12 óra pa sumana duranti 45 sumana pa anu. Pur favor nhos spia kel link li dibaxu ki ten kes Purgunta Más Frekuenti (FAQ) pa sabe más informasãu.

MassHealth sta ta seta inskrisãu di módu kontinu te 19 di Abril di 2024, te 5:00 óra di tardi, o te ki tudu kes fundu sta konprometidu, kel ki kontese primeru. Kes prémiu ta ser distribuídu di módu kontinu. Ta enkorajadu enfermerus/as pa manda ses kandidatura mas fasi ki es pode.

Enfermerus/as ki skodjedu ten ki konpromete ma es ta presta sirbisu di CSN pa menbrus di MassHealth komu enfermeru indipendenti (IN) kontratadu di MassHealth o nun ajénsia di CSN ki pode ser skodjedu y el sta inskritu na MassHealth o nun ajénsia ki ta presta sirbisu di CSN na kaza y el sta rijistadu na MassHealth.

In tróka di un konprumisu di sirbisu tenpu-interu pa dôs o três anu es prugrama ta paga te:

• 35.000 dóla pa kada enfermeru/a lisensiadu (RN) ki pode ser ileitu y ki konpromete pa da três anu di sirbisu
• 20.000 dóla pa kada (RN) ilejível ki pode ser ileitu y ki konpromete pa da dôs anu di sirbisu
• 30.000 dóla pa kada ausiliar prátiku di enfermeru/a (LPN) ki pode ser ileitu y ki konpromete pa da três anu di sirbisu
• 15.000 dóla pa kada LPN ki pode ser ileitu y ki konpromete pa da dôs anu di sirbisu

 

*Prémiu pa tenpu-parsial tanbe sta dispunível dun módu proporsional. Pa más informasãu, pur favor nhos vizita https://www.marepay.org/continuous-skilled-nursing-csn.

Pa odja un fulhetu ku más informasãu, nhos kalka li.

Si nhos ten kalker dúvida, nhos kontakta nhos Diministrador Klíniku di CCM.

Obrigadu.

Partilia di informasãu inpurtanti sobri Fundus di Ajuda di Jestãu di Kazus na Kumunidadi (CCM) - 22 di Fevereru di 2024

Karus Menbrus di CCM y Famílias, 

A partir di 15 di Fevereru, UHealthSolutions (UHS) sta ta manda menbrus y famílias di CCM un informasãu inpurtanti sobri kel kuartu rónda di Jestãu di Fundus di Ajuda. Kel kuartu rónda di fundu di ajuda ta dadu pa kes algen ki é kuidador/a natural di menbrus di CCM y ki sta inskritu na un sirbisu desdi mês di Dizénbru di 2023. Kel karta li sta ta mandadu na nómi di Dipartamentu Izikutivu di Sirbisu di Saúdi y di Sirbisu Umanu (EOHHS).

Fundus di Ajuda di Jestãu di Kazus na Kumunidadi é pa apoia menbrus di família di CCM y otus algen ki ka pagadu (“kuidadoris natural”) ki ta djuda menbrus di CCM toma kónta di nisidadis ki es ten. Kes pagamentu li “alíviu” — finansiadu pa Lei di Planu Merkanu di Ajuda — ta fazedu diretamenti pa kes kuidadoris natural di menbrus di CCM. Mas informasãu sobri pagamentus di ajuda pa kes kuidadoris ta inkluidu na kartas ki mandadu pa menbrus di família.

Kes kuidadoris natural kualifikadu ta resebe ($3.500) três mil y kinhentus dóla pa djuda ku ses nisidadi. Kuidadoris natural ki MassHealth otoriza pa más di 84 óra di sirbisu kontinu di enfermajen spesializadu (CSN) pa sumana ta resebe más mil dóla ($1,000).

Pur favor spia dretu kel imajen di kel envelópi ki menbrus y famílias di CCM ten ki spera na nhos karta ki nhos ta rasebe, ki ta ten déntu del un karta ki ta splika tudu purmenor kuzé ki é Fundu di Ajuda di CCM. Déntu kel karta ta sta tanbe un “Furmuláriu di Diklarasãu” ki nhos ten ki prienxe pa nhos pode resebe Fundu di Ajuda.

Pa djuda famílias atxa kel Fundu di Ajuda, EOHHS kria dôs manera di manda kel Furmuláriu di Diklarasãu.

1. Manda di vólta kel furmuláriu pa kurreiu na kel envelópi ki ta ba déntu nhos karta ki nhos ka meste paga sélu
2. Uza kel link li ki é suguru https://commonwealthmedicine.my.site.com/CaregiverRelief ki ta ben na nhos karta pa manda kel furmuláriu iletronikamenti.

Nu manda tanbe un kópia di karta y furmuláriu ki sta déntu di nhos karta, na kazu di nhos prifiri prienxe kel furmuláriu iletronikamenti o si kópia ki nu manda pa kurreiu perde o stravia.

Pur favor, nhos presta atensãu: Si nhos dja resebeba un karta pa un rónda antis di es li, má nhos ka manda Furmuláriu di Atestadu, nhos ta kontinua ta ser ilejível. Pu favor, nhos manda nhos furmuláriu konplétu pa kurreiu o na kel link ki é suguru. UHealthSolutions ta ben kontakta-nhos pa konfirma si nhos ta gostaba di resebe algun di kes rónda di fundus di ajuda ki dja mandada antis.

Si nhos ten kalker dúvida sobri Fundu di Ajuda di CCM dipos di le es karta, pur favor nhos kontakta nhos CCM Clinical Manager pa nunbru [phone] o email [e-mail]

 

Annie Kazarnovsky

Diretor di Prugrama di Sirbisu di CSN

MassHealth Office of Long Term Services and Supports

Executive Office of Health and Human Services

One Ashburton Pl. 5^th floor

Boston, MA 02108

Email: [e-mail]

Anúnsiu di Odiénsia Públiku y Prupósta fetu pa Governador pa Omenta Sirbisus ki CSN ta presta - 21 di Fevereru di 2024

Karus menbrus di CCM y famílias,

Prupósta di orsamentu di FY25 (Anu Fiskal di 2025) ta inkluí un omentu di 38.8 miliãu di dóla distinadu pa sirbisu kontinu di enfermajen spesializadu (CSN). Pur favor, nhos ten in kónta ma inkuantu orsamentu di Governador ta rekumenda omentu di taxa, kel orsamentu ta iziji aprovasãu di kongrésu. Te gósi li, MassHealth kre publika mudansa di kel rugulamentu y atualiza taxa pa pasa ta vigora a partir di 16 di Agostu di 2024, má kel data li pode muda.

Kes prupósta di alterasãu ta inkluí un média di 33% di omentu di taxa di sirbisu di infrimerus/as linsensiadu/as (RNs) y un média di 11% di omentu di taxa di sirbisu ki ausiliar prátiku di infrimeru/as (LPNs) ta presta. Pa len des omentu, kes alterasãu ki prupodu ta stabelese omentu di taxa di uzu di teknolojia di altu nível, dispunível pa infrimerus/as ki ta presta sirbisu pa menbrus ki operadu na trakeia pa ar pode pasa na pulmon, ventilador e/o pa kuidadus nesesáriu ku trabadju na linha sentral. Kel omentu ki propodu pa alta-teknolojia é di $2/15-minutu pa kada unidadi, o $8/pur óra. Omentu di uzu di alta-teknolojia ta omenta taxa, na un média di 41% pa RN y pa 21% pa taxas di LPN.

Dipartamentu Izikutivu di Sirbisu di Saúdi y di Sirbisu Umanu (EOHHS) sta ta promove un odiénsia públiku sobri kes prupósta di mudansa na 101 CMR 361:00: Taxas pa Ajénsia di Sirbisu Kontinu di Enfermajen Spesializadu y Sirbisu di Enfermajen Indipendenti. Si nhos kre, nhos pode inskreve na kel odiénsia públiku pa nhos fla kusa ki nhos ta pensa sobri kes prupósta/o skrebe un testemunhu pa manda pa EOHHS sobri propósta di alterasãu na 101 CMR 361.00. Kes komentáriu y testemunhus skritu debe mandadu te 5 óra di tardi di sésta-fera, dia 8 di Marsu di 2024.

Ta ten un odiénsia públiku virtual dia 8 di Marsu di 2024, di 9:30 pa 11:30 di sédu.

Un kópia di Anúnsiu pa Odiénsia Públiku y links pa algen rijista pa da testemunhu na odiénsia públiku ta atxadu na: 101 CMR 361.00 Anúnsiu pa Odiénsia Públiku.

Nhos pode odja kópia di mudansa ki fazedu y rugulamentu ki sta prupodu ali: Prupóstas di kurriji 101 CMR 361.00.

Si nhos ten kalker dúvida, nhos kontakta nhos Diministrador Klíniku di CCM.

 

Nos mantenha,

Annie Kazarnovsky

Diretor di Prugrama pa Sirbisus di CSN

MassHealth, OLTSS

Mensaji di Testu pa avizu y pa po algen en dia – ta Pididu Rispósta--5 di Fevereru di 2024

RE: Email pa Menbrus/Famílias/Kuidadoris

Nobu Mensaji di Testu pa avizu y pa po algen en dia – ta Pididu Rispósta

Data: 5 di Fevereru di 2024

Karus Menbrus di MassHealth, Familias y Kuidadoris,

Masshealth tuma kunhisimentu di rispóstas di menbrus y famílias ma ta serba bon pa MassHealth pasaba ta mandaba via mensaji na testu pa lenbra algen di algun kuza o pa da informasãu atualizadu. É ku mutu satisfasãu ki nu ta informa ma gósi li nu ta pode manda mensaji komu un otu fórma di kumunikasãu pa alerta-nhos di un email ki mandadu sobri un runiãu ki sta ba tendu brévi, pa atualizasãu di pulítika y kuzas nobu ki nu ta krisenta na nos pájina di internéti.

Si nhos ta gostaba di rasebeba kes mensaji di alérta, pur favor, nhos prienxe es furmuláriu li pa nhos da nhos konsentimentu y nhos kontaktu prifiridu. https://forms.office.com/g/hYqQX0c17t Si nhos ka prienxe kel furmuláriu li, MassHealth ka ta pode manda-nhos mensaji di alérta.

Dja nu krisenta un mudelu di mensaji ki nhos pode mandadu. Kes mudelu debe sta di akordu ku nórma di privasidadi di MassHealth. Móda nhos pode odja na mudelu, ninhun informasãu pesoal ta mensionadu y kel mensaji ta sirbi só komu un alérta pa nhos sta sienti di un email o di un prósimu runiãu.

Pur favor, nhos konpleta kel furmuláriu te dia 16 di Fevereru di 2024 pa el pode ser inkuídu na mensaji di testu. Si nu ka rasebe rispósta, nhos telefóni ka ta podu na lista di mensajens pa alérta.

Mudelu di nóta di lenbransa di prósimu Runiãu

Lenbransa: Si nhos é un Menbru di CCM o Família, nhos ta rasebe un xamada dia [Date] pa [Time]. Mas purmenor mandadu pa email dia [date].

Alguns konpanhia di telemóvel pode kobra algun taxa di mensaji y dadus.

Atualizasãu na pájina di Sirbisus di CCM

Si nhos ta rasebe Sirbisus di CCM, publikadu novus material na www.mass.gov/ccm.

Atas di runiãu y slides na Power Point di runiãu di [Date] pa [Time] publikadu na www.mass.gov/ccm.

Pur favor, nhos xa-nu sabe si nhos ten kalker dúvida.

 

 

 

Oportunidade pa Famílias di Sudesti di Mass participá na Treinamentu di Enfermagem di CSN 31/1/24

Pa: Familias di Rijiãu Sudésti di Massachusetts (somenti)

Di: Nightingale Northern Nest, LLC.

Karus Menbrus y Famílias,

Nu ten un grandi notísia, Nightingale Northern Nest, LLC rasebê, kómu prémiu, un fundu di American Relief Plan Act (ARPA) pa konduzi un inisiativa di Formasãu Kontinu na ária di Infrimaji Kualifikadu “CSN” di MassHealth y anos, nu dja kumesâ nos primeru kursu. Es formasãu ta kontinuâ te fin di 2025.

Un parti inpurtanti di nos kurriklu é formasãu ki nu ta da pa kes nos infrimerus/as ki sta ku famílias. Nu sabe ki nhos é inpurtanti na formasau di CSN pa infrimerus ki sta matrikuladu ku famílias! Purtantu, nu ta konvida-nhos pa nhos partisipâ na Prugrama di Formasãu di CSN na Rijiãu di sudésti ku siginti:

• Klínikas spesializadu: Ta da kes seksãu di klínikas spesializadu matéria através di informasãu ki ta djuda prende mas fasi na kaza.
• Distaki di Menbrus di Família: Ta distakadu opurtunidadis ki du ten ku fotus y informasãu pa pode omentâ kunhisiméntu di pupulasãu di CCM.
• Informasãu konkrétu di planu di kuidadu: Ta da informasãu di planu di kuidadu pa kes argen ki sta ta forma pode ten un ideia di kuzé ki é un planu típiku di kuidadus ki infrimeru ten ki faze. Tudu informasãu ki é pesual ta tradu móda nómi di pasienti, se morada, nómi di se dotor, etc.

Na kazu nhos sta interesadu, nhos rasponde kel email li, pur favor, pa nhos prendê mas sobri es prugrama y sobri nhos partisipasãu pa es email li: [e-mail].

Southeast Region CNS Training Program fazedu pa Nightingale’s Northern Nest - un inpreza ki ta trabadja pa konstruí un ninhu di duentis ku formasãu na Kuidadus di Duentis na ses kaza ku Altu Nível. Es kurríklu fazedu pa prienxe falta ki ten na ária di kuidadus di saúdi di duentis na kaza, pa pode prienxê kel falta di kunhisiméntu y di spriénsia na es ária di spesializasãu. Partisipasãu na un prugrama konplétu ta oferese tres kamada ku Prendizaji Online, Dimonstrasãu Prizensial y Sesãu di observasãu na kaza.

Tanbe, si nhos ta vivê na Rijiãu di Sudésti (Plymouth, Cape Cod o Islands) y nhos ta gostaba di nhos kaza sérba un Spasu di Observasãu dumisiláriu/ na kaza pa kursus di Verãu/Otonu, pur favor, nhos kontakta-nu pa mas informasãu.

Si nhos ta vivê na otus zóna di Massachusetts, nhos podê kontakta ku General Hospital Institute of Health Professionals “MGH IHP” di Massachusetts pa sabê mas sobri manera ki nhos podê sta nes prugrama di formasãu Nhos kontakta-nu pa email: [e-mail].

Atensiozamenti,

Dirétor di Prugrama

Nightingale Northern Nest, LLC

Konviti pa Nhos y Nhos Família pa alguns Sesãu di Auskultasã di MassHealth sobri Apoiu di Kuidadu/Jestãu di Kazus - 1/17/24

1/17/24

Karus Menbrus y Famílias di Jestãu di Kazu Kumunitáriu

Nes últimu Otonu li, MassHealth kria un Pididu di Informasãu (RFI) pa rekolia di informasãu di ses menbrus, famílias y organizasãu sobri sirbisu di kuidadu di saúdi y di jestãu di kazus pa apoia pupulasãu ki ta faze jestãu di kazus kumunitáriu. Kes respósta di RFI ta ben ajuda MassHealth kontrata un organizasãu pa presta menbrus y ses família sirbisus di kuidadu di saúdi y di jestãu di kazus. Famílias pode skodje si el kre trabadja ku es novu organizasãu di kuidadu di saúdi y di jestãu di kazus. Menbrus y família ta kontinua ta trabadja ku ses administrador klíniku di CCM pa ses avaliasãu anual y ses otorizasãu préviu.

MassHealth obi informasãu di alguns apoiantis di menbrus y famílias ki fla ma prusésu di pididu di informasãu (RFI) foi difísel pa famílias y es pidi MassHealth pa kria otu manera di família partilia ses respósta. Pur isu MassHealth sa ta promove kuatu sesãu pa obi kuza ki menbrus di CCM y ses familia ten pa fla sobri sirbisus di kuidadu di saúdi y di jestãu di kazus ki ta ben ser prestadu pa un novu organizasãu. Kes sesãu di obi-s kuza ki es ta pa fla ta rializadu sugundu es kalendáriu li.

26 di Janeru di 2024, di 10 pa 11 di plamanhan 29 di Janeru di 2024 di 5 pa 6 di tardi

30 di Janeru di 2024 di 2:00 pa 3:00 di tardi 31 di Janeru di 2024 di 6:00 pa 7:00 di noti

MassHealth sa ta faze un Pididu pa Respósta (RFR) pa faze kontratu ku un organizasãu apoia sirbisus di kuidadu di saúdi y di jestãu di kazus pa pupulasãu di CCM. Inkuantu MassHealth ta sta ta trabadja na RFR, nu kre obi menbrus y famílias kal ki é tipu di sirbisus ki es kre y ki ta pode ben sirbi-s y ses família. Izenplu di alguns sirbisu ki MassHealth kre pa es novu entidadi oferese ta inklui:

• Oferese un sistema ki ta garanti rikizisãu y renovasãu pontual di pididu di material médiku
• Kordena ramédi ku farmásias
• Djuda navega y da apoiu ku prugramas di suguru y benifísiu
• Djuda na rekrutamentu dirétu di pesoal, inkluíndu infrimerus/as, ajudantis di kuidadus pesoal (PCAs) y pesoal ki ta ajuda na kaza etc.
• Ajuda pa atxa déntu di redi prufisional di saúdi, médikus di saúdi konportamental, dentista y oftalmolojista
• Ajuda pa atxa rekursus déntu kumunidadi
• Kopera ku ospital pa planeia alta
• Ajuda na transferénsia di un médiku pediatra pa médiku di adultu
• Trabadja ku skólas di distritu na faze planu di idukasãu individualizadu (IEPs)

Kes li é só un izenplu di alguns atividadi ki MassHealth ten intensãu di inklui na RFR.

Na kes sesãu di auskultasãu, MassHealth sta dispunível pa obi opiniãu di menbrus y di família sobri apoius ki sérba bon pa sirbisu di kuidadu/jestãu di kazus. Es informasãu ta ser uzadu anton pa RFR midjora ku objétivu di satisfaze nisidadi di pupulasãu di CCM. Alguns purgunta pa djuda menbrus y famílias prepara pa kes sesãu di auskultasãu ta atxadu na inkéritu ki MassHealth kria pa kes menbru y famílias ki ka ta pode asisti kes sesãu di auskultasãu, o pa kes ki ta prifiri da ses feedback pur skritu. Kel inkéritu ta inklui sinku prugunta sobri apoius di sirbisu di kuidadu/jestãu di kazus pa menbrus y ses família. Si pusível, pur favor, analiza kel inkéritu antis di kes sesãu pa djuda-nhos orienta nhos feedback y discusãu na kes sesãu. | https://forms.office.com/g/0xqZxh56wR |

Pur favor nhos manda kes respósta da kel inkéritu ate sésta-fera, dia 2 di Fevereru ate 5:00 di tardi.