Mensajis di CCM pa famílias (Cape Verdean Creole)

Mensajis di CCM pa famílias

Résumu di Tchamada Trimestral di CCM – 9 di Outubru, 2025

Keridus Membros di CCM i Famílias di CCM,

MassHealth organizó un tchamada trimestral pa Membros di CCM i famílias di CCM na 9 di Outubru. Nu já publikaba os slidis i un gravaçon di apresentason ke MassHealth fazeba na momentu, i nu mandaba es pa famílias na 10 di Outubru. Agóra, résumu di fidjéras i perguntas di partisipantis tanbê sta diponível na pájina di membros di CCM na CCM Member and Family Stakeholder Calls.

Obrigadu,

Annie Kazarnovsky

Jestora di Programa di Servisus CSN

MassHealth, Gabineti di Servisus di Longu Prasu i Apoyus

Ejecutivu di Servisus di Saúdi i Umánus

Audiensia di MassHealth sobri Mudansas na Prugrama di PCA

Karus Menbru y Família di CCM,

MassHealth sta ben ten dôs audiensia undi es ta ben diskuti sobri mudansas ki ta ben kontisi na prugrama di PCA.

Kes sesãu ta ser na es dia li:

Data: Sugunda-fera, 17 di Nuvenbru di 2025

Óra: 2:00 – 4 di tardi

Asuntu: Sesãu Públiku di Informasãu di PCA 1

Data: Sésta-fera, 21 di Nuvenbru di 2025

Óra: 2:00 – 4 di tardi

Asuntu: Sesãu Públiku di Informasãu di PCA 2

Nhos pode atxa kel informasãu di Zoom na pájina di Events page on Mass.gov. Kes informasãu sobri kes mudansa na prugrama di PCA ki ta ta ben kontise tanben ta ben partilhadu ku tudu uzuáriu di PCA nun kumunikadu pa tudu menbru na prósimus sumana.

Si nhos ten dúvida, pur favor nhos kontakta nhos jestor klíniku di CCM.

Mantenha,

Annie Kazarnovsky

Program Manager of CSN Services

MassHealth Office of Long Term Services and Supports

Avizu pa Ajénsias di CSN sobri Kobransa di Famílias pa Enpregu di Infermeras

Carus Menbrus y Famílias di CCM,

Ajénsia di CSN ka deve kobra família ki kontrata un infermera ki trabadja pa kel ajénsia antis. Kel li ta inklui kontratus di “Nãu kontratasãu”, akordus di “Danus likidadu”, kontratus ku títulus semelhanti. MassHealth kaba di aviza ajénsias sobri kel diretiva li através di un bulitin di fornesedor. Ta pode konsultadu kel bulitin na CCM Related Provider Bulletins | Mass.gov.

Si nhos família pididu pa sina un kontratu o un akordu sobri kel asuntu li, kel kontratu ka ta bale más. Si pididu pa sina un akordu semelhanti o si un ajénsia tenta obriga nhos kunpri un kontratu ki nhos sina na pasadu, pur favor nhos informa nhos jestor klíniku. CCM ta alerta MassHealth y MassHealth ta ba kontakta kel ajénsia.

Si nhos ten dúvida, pur favor nhos kontakta diretor klíniku di CCM

Mantenha,

Annie Kazarnovsky

Diretor di Prugrama di Sirvisus di CSN

MassHealth Office of Long Term Services and Supports

Email: [e-mail]

Ruzumu di Xamadas Trimestral di CCM dia 9 di otubru di 2025

Karus Menbrus y famílias di CCM,

MassHealth fazê un Xamada Trimestral pa Menbru y Família di CCM dia 9 di otubru. Kes material di kel xamada kolokadu na pájina di internéti CCM Member and Family Stakeholder Calls.

Material inkluídu:

1.    Prizentasãu na PowerPoint ki ta diskrebe Inisiativa di Prestasãu di Sirvisu di CSN ki MassHealth sta ta trabadja na el.

2.    Un gravasãu “live” di MassHealth ta prizenta un vista jeral di atualiazasãu di Prestasãu di Sirvisu di CSN.

Un Ruzumu di Runiãu, ki ta ruzimi kontribuisãu di partisipantis y respóstas di OLTSS pa perguntas di partisipantis, ta kolokadu na un data posterior y partilhadu ku família na kel altura.

Obrigadu,

Annie Kazarnovsky

Diretor di Prugrama di Sirvisus di CSN

Dipartamentu di MassHealth di Sirvisus y Apoiu di Longu Prazu

Email: [e-mail]

Konbérsu Trimestral di Menbru y Família di CCM ku MassHealth – Otubru di 2025

Karus Menbrus y Famílias di CCM, 

MassHealth sa ta ben ten un konbérsu trimestral ku menbrus y famílias di CCM pa diskuti atualizasãu na prestasãu di tudu sirvisus di CSN y pa da menbrus y famílias di CCM oportunidadi di riaji sobri kes sirvisu di CSN. 

Ki óra y undi: Kel xamáda ta ser kinta-fera, dia 9 di otubru di 1:30 – 3:00 di tardi via Zoom. 

Ajenda: 

Kinta-fera, 9 di Otubru 

01:30 – 02:00 di tardi 

• Atualizasãu sobri Midjoria na Prestasãu di tudu Sirvisus di CSN 

02:00 – 3:00 di tardi 

• MassHealth ta gostaba di pasaba réstu di kel ténpu di xamáda ta obi riasãu di menbrus y di famílias di CCM. 

Un konbérsu li ta kontise via Zoom y ta ten sirvisu di intérpreti na spanhol. Pur favor, nhos uza informasãu na email original pa participar. Nu ta konta ku nhos partisipasãu! 

Mantenha, 

Annie Kazarnovsky 

Diretor di Prugrama di Sirvisus di CSN  

Gabineti di Sirvisus y di Apoius di Longu Prazu di MassHealth (OLTSS) 

Gabineti Izekutivu di Saúdi y Sirvisu Umánu (EOHHS) 

Transferénsia di Jestoris Klíniku di CCM

Karus Menbrus y Famílias di CCM,

Risentimenti nu informa-nhos ma prugrama di Jestãu di Kazu di Kumunidadi

di MassHealth (CCM) staba ta muda se pulítika di avaliasãu anual pa menbrus di CCM ki é adultu. Kel mudansa li kumesa dia 1 di julhu di 2025. Desdi 1 di julhu, menbrus di CCM ki ten 18 anu o más meste konpleta ses avaliasãu ku ses jestor klíniku di dos in dos anu, invés di tudu anu. Pur kauza des mudansa, CCM tanbe meste justa vulume di trabadju di jestoris klíniku pa dividi trabadju di avaliasãu di menbrus di un manera igual entri es.

Pur kauza di ajustamentu di es trabadju li, txeu menbru ta transfiridu pa otus jestor klíniku di CCM. Kes transferénsia ta dikorri duranti alguns mes ki sta ben. Si nhos jestor klíniku sta ta muda, CCM ta faze tudu sforsu pa da-nhos kunhisimentu. Nu ta tenta tanbe ten sertéza ma nhos atual jestor klíniku ta prizenta-nhos na nhos nobu jestor klíniku. Nhos nobu jestor klíniku ta kontakta-nhos pa prizenta se kabésa, diskuti nhos preferénsa na fórma di kumunikasãu y pa splika kuza ki nhos pode spera di li pa dianti.

Alguns jestoris klíniku di CCM dexa risentimenti di trabadja ku CCM. Si nhos jestor klíniku ka sta ta trabadja más ku CCM, nhos ta sabe di nhos transferénsia diretamenti di nhos nobu jestor klíniku. Nu ta konprende ma kel li pode parse mutu di ripenti. Nu sta ta trabadja di pértu ku jestoris klíniku pa faze es tranzisãu más suavi pusível. Nu ta pidi menbrus y ses família pa telefona pa [phone] o pa email [e-mail] sobri kalker dúvida.

Obrigadu,

Annie Kazarnovsky

Diretor di Prugrama di Sirvisus di CSN

MassHealth OLTSS

Rezumu y Gravasãu di Telekonferénsia Trimestral pa Telefóni di CCM na dia 12 junhu di 2025

Karus Menbrus y Famílias di CCM,

MassHealth faze un telekonferénsia trimestral ku Menbru y Família di CCM dia 12 junhu. Nu publika “slides”  di es konferénsia y nu manda famílias es pa email dia 18 di junhu. Un gravasãu au vivu di MassHealth ki ta da un ideia jeral di kel prizentasãu y tanbe un rezumu di riasãu y purguntas di partisipantis dja kolokadu na pájina di internéti di menbru di CCM na CCM Member and Family Stakeholder Calls.

Obrigada,

Annie Kazarnovsky

Diretor di Prugrama di Sirvisus di CSN

Gabinéti di Apoiu y Sirvisu Prolongadu di MassHealth

Gabinéti Izikutivu di Saúdi y Sirvisu Umanu

Pulítika di Avaliasãu Di Dos in Dos anu pa Menbrus Adultus di CCM ta komesa dia 1 di júliu - 30 di Junhu di 2025

30 di Junhu di 2025

Karus Menbrus y Famílias di CCM,

Prugrama di MassHealth Community Case Management (CCM) sta ta faze alguns adaptasãu na se pulítika di avaliasãu anual di menbrus adultus di CCM. A partir di 1 di júliu di 2025, menbrus di CCM ku 18 anu ó más ten ki konpleta ses avaliasãu ku ses diretor klíniku di dos in dos anu in bes di anualmenti.

Kuandu é ki nha prósimu avaliasãu ta ser?

• Si nhos ten 17 anu o ménus, nhos avaliasãu ta kontinua ta ser tudu anu. Nada ka muda.
• Si nhos é un novu menbru y adultu (18 anu o más), nhos ten ki faze un primeru avaliasãu y dispos un avaliasãu di konpanhamentu tres mes dipos. Nhos prósimu avaliasãu ta ser dos anu dipos di kel avaliasãu di tres mes.
• Si nhos dja é menbru y nhos tinha 18 anu o más na altura di nhos últimu avaliasãu, nhos prósimu avaliasãu pode varia asin:
  • Si nhos últimu avaliasãu fazedu entri 1 di julhu di 2024 y 30 di junhu di 2025, nhos prósimu avaliasãu ta ser dos anu dipos di kel data.
    • Izénplu 1: Un menbru di 25 anu di idadi tevi se avaliasãu di 5 di dizenbru di 2024. Prazu di se prósimu avaliasãu é dizenbru di 2026.
    • Izénplu 2: Un menbru ki ten 47 anu di idadi tevi se últimu avaliasãu dia 5 di maiu di 2025. Prazu di se prósimu avaliasãu é maiu di 2027.
  • Si nhos ten 18 anu o más y dja nhos marka nhos prósimu izami di avaliasãu pa dispos di 1 di juliu di 2025, nhos pode opta pa kontinua ku kel data markadu o spera pa más un anu. Nhos diretor klíniku ta kontakta-nhos pa diskuti kes opsãu ki nhos ten.
    • Izenplu: Un menbru ku 36 anu di idadi ten se avaliasãu markadu pa dia 5 di agostu di 2025. El pode o mante se avaliasãu pa dia 5 di agostu di 2025 o spera te agostu di 2026.

Y si N sta ben faze 18 anu?

• Si ka dura ki nhos faze 18 anu o nhos ta faze 18 kel anu li, nhos meste faze un avaliasãu antis di marka pa kel avaliasãu dentu 2 anu.
  • Izénplu 1: Un menbru ki faze 18 anu na janeru di 2025 y tinha se avaliasãu markadu pa marsu di 2025. Se prósimu avaliasãu ta ben ser na marsu di 2027.
  • Izénplu 2: Un menbru konpleta 18 na maiu di 2025, má se últimu avaliasãu foi na agostu di 2024. Prazu di se avaliasãu ta ser na agostu di 2025. Dipos di kel li, se prósimu avaliasãu ta ser na agostu di 2027.
  • Izénplu 3: Un menbru sta ta ba faze 18 anu na setenbru di 2025 y tevi se últimu avaliasãu na fevereru di 2025. Prazu di se prósimu avaliasãu ta ser na fevereru di 2026. Dipos di kel li, prazu di se prósimu avaliasãu ta ser na fevereru di 2028.

Y si N kre faze un avaliasãu tudu anu?

• Tudu menbrus di CCM pode pidi un avaliasãu prizensial kalker óra. Si nhos é un menbru adultu y ta prifiriba faze un avaliasãu anualmenti, nhos pode faze-l. CCM pode tanbe atxa klinikamenti nesesáriu faze un avaliasãu prizensial di un menbru adultu más bes o más sedu di ki konsulta markadu, si kondisãu di saúdi di menbru muda y kel mudansa ka pode avaliadu via telefóni.

Ta ben ten algun mudansa na kantu bes N ta kontaktadu pa nha diretor klíniku di CCM?

• Nãu, diretor klíniku di CCM di nhos ta kontinua ta kontakta-nhos tantu bes komu antis. Si nhos pidi diretor klíniku di CCM pa txoma nhos di tres in tres mes o di seis in seis mees, es ta kontinua ta sigi kel kronograma.

Kuzé ki ta kontesi ku nhas otorizasãu préviu (PAs)?

• Kes PA ta kontinua ta ser imitidu pa un anu másimu. Na fin di kel anu, un otu PA nobu ta ser imitidu pa sirbisus ku bazi na kel avaliasãu más resenti.
• Kes PA ka ta ser prolongadu pa dos anu. Konsiderandu ki menbrus di CCM ku mėnus di 18 anu di idadi ta kontinua ta ser avaliadu tudu anu, CCM ta kontinua ta otoriza PAs pa un anu másimu pa tudu menbru. Kel pulítika li é konsistenti ku otus programa di MassHealth

Pamódi ki kel mudansa li sta ta aplikadu so pa menbrus adultu y nãu pa kriansas di CCM?

• Kriansas ku prubléma di saúdi más konplikadu, ki ten ménus di 18 anu di idadi y ki inda sta ta pasa pa mudansa di dizenvolvimentu fíziku ten más probabilidadi di ten mudansa di nisidadi tudu anu. Un avaliasãu anual ta djuda-nu garanti ki ses nisidadi spesífiku ta ser konsideradu.

Kel mudansa di pulítika li ta entra en vigor na dia 1 di júliu di 2025. Na nhos prósimu konsulta markadu, nhos diretor klíniku di CCM ta diskuti kel mudansa y e ta splika kumodi ki el ta ditirmina data di nhos prósimu avaliasãu. Entritantu, si nhos ten algun dúvida, pur favor nhos kontakta diretor klíniku di CCM.

Mantenha,

Annie Kazarnovsky

Diretor di Prugrama di Sirvisus di CSN

MassHealth OLTSS

Ruzumu di Xamada Trimestral di CCM di dia 12 di Junhu di 2025

Karus Menbrus y família di CCM,

MassHealth fazê Xamada Trimestral pa Menbru y Família di CCM dia 12 di Junhu. Agostu. Kes material da kes xamada já kolokadu na pájina di internéti CCM Member and Family Stakeholder Calls.

Obrigadu,

Annie Kazarnovsky

Diretor di Prugrama di Sirvisus di CSN

Dipartamentu di MassHealth di Sirvisus y Apoiu di longu prazu

Email: [e-mail]

Novu Pulítika di Avaliasãu pa Menbrus Adultus di CCM - 13 di Junhu di 2025

Karus Menbrus y Famíias di CCM,

MassHealth y CCM sta ta adapta nos pulítika di avaliasãu anual pa menbrus di CCM ku 18 anu o más. A partir di dia 1 di júliu, menbrus adultus di CCM meste konkui ses avaliasãu, di dôs in dôs anu, ku ses diministrador klíniku in ves di tudu anu. Pa kes menbrus ku ménus di 18 anu di idadi, nhos avaliasãu ta kontinua ta konpletadu anualmenti.

MassHealth y CCM sta ta organiza un gia konplétu pa menbrus y famíias konprende kumó ki e ten influensia na kalendariza prósimu avaliasãu, ki ta ser mandadu pa email na prinsípiu di júliu. Diretoris di klínikas di CCM ta papia sobri kes mudansa ku tudu menbrus adultus di CCM y komu ki e ta afeta ses prósimu avaliasãu na nhos konsulta markadu. Si entritantu nhos tiver algun dúvida, pur favor nhos kontakta nhos diretor klíniku di CCM.

Mantenha,

Annie Kazarnovsky

Diretor di Prugrama di Sirvisus di CSN

Gabineti di Sirvisus y di Apoius di Longu Prazu di MassHealth

Ruzumu di Xamada Trimestral di CCM di dia 27 di febreru di 2025 – 16 di maiu di 2025

16 di maui di 2025

Karus Menbrus y família di CCM,

MassHealth fazê un Xamada Trimestral pa Menbru y Família di CCM dia 27 di febreru. Kes material já kolokadu na pájina di internéti CCM Member and Family Stakeholder Calls.

Material inkluídu:

1.    Prizentasãu na PowerPoint ki ta diskrebe Inisiativa di Prestasãu di Sirvisu di CSN ki MassHealth sta ta trabadja na el.

2.    Un Ruzumu di Runiãu ki ten kontribuisãu di partisipantis y respóstas di OLTSS pa perguntas di partisipantis.

3.    Un gravasãu “live” di MassHealth ta prizenta un vista jeral di atualiazasãu di Prestasãu di Sirvisu di CSN.

Obrigadu,

Abigail Newton

Dipartamentu di MassHealth di Sirvisus y Apoiu di longu prazu

Dipartamentu Izekutivu di Sirvisus di Saúdi y Umanu