Juvenile Court Rules  Orden permanenti di tribunal juvinil 1-26: Audiensias prizensial i a distansia

Kel orden permanenti li ta stabilesi modi ki audiensias prizensial i a distansia na tribunal juvinil ta fazedu.

Termu "protokolu iletróniku", "e-filing", "ki ta fazedu iletrónikamenti" ta rifiri pa submisons di dukumentus através di sistema di protokolu iletróniku pa motivus di arkivamentu na un kazu. Na manda un email ô di un dukumentu por fac-símile ka ta konstitui "protokolu iletróniku" di un dukumentu.

Termu "mistu", sima ta parsi na kel orden permanenti li, ta rifiri pa realizason di audiensia ku alguns partis, adivogadus i tistimunhas ki ta sisti prizensialmenti i otus ki ta sisti a distansia.

Termu "prizensial", sima ta parsi na kel orden permanenti li, ta rifiri pa realizason da audiensia ku tudu partis, adivogadus i tistimunhas prizenti peranti juiz na un tribunal.

Termus "audiensia a distansia" ô "a distansia", sima ta parsi na kel orden permanenti li, ta rifiri pa rizuluson di un asuntu através di uzu di tilifoni, konputador, videokunfirênsia, email, protokolus iletrónikus i/ô otus meius kunparável, ku tudu partis, adivogadus i tistimunhas ki ta sisti peranti juiz pa tal meius.

Tudu unidadis di tribunal Juvinil debi sta abertu pa públiku pa tudu motivus, konformi diskrevedu na ordens di tribunal supremu judisial, di gabineti izekutivu di tribunal di julgamentu i di kel orden permanenti li.

A partir di data di entrada em vigor di kel orden permanenti li, siguintis audiensias ta fazedu prizensialmenti.

A. Asuntus di kuidadu i pruteson

1. Audiensia di kustódia tenpuráriu/audiensia di 72 oras (G.L. 119, § 24), a nao ser ki pai/mai/tutor/guardion sta rinunsia audiensia
2. Audiensia di méritu/midjoris interesi/risizon di direitus parental, a nao ser ki pai/mai/tutor/guardion sta rinunsia audiensia
3. Kunfirensia di prontidon pa julgamentu
4. Pa ka risusita/ritirada di tratamentu médiku di suporti pa vida (G.L. c. 119, § 38A)

B. Prusesus di dilinkuensia/joven infrator

1. Audiensias priliminar
2. Audiensias di fiansa
3. Audiensias di pirikulosida (G.L. c. 276, § 58A)
4. Mosons pa suprimi
5. Audiensias di kunpitensia – si ta fazedu aprizentason di prova tistimunhal.
6. Oferta di akordu/admisons
7. Julgamentu sen júri
8. Julgamentu ku júri
9. Audiensias di ditenson probatóriu/audiensias di violason di liberdadi kondisional – kuandu joven ka sta sob kustódia.

C. Tutelas

1. Audiensia na moson pa tutor tenpuráriu
2. Audiensia di méritu/audiensia di nomiason di tutor permanenti
3. Audiensia na moson pa rivoga tutela ô rinúnsia di tutor

D. Pitisons di transtornu pa uzu di substânsias i/ô álkol (G.L. c. 123, § 35)

1. Tudu audiensias

E. Pitisons di saúdi mental (G.L. c. 123, §§ 7, 8)

1. Tudu audiensias

F. Ordens di privenson di asédiu (G.L. c. 258E)

1. Tudu audiensias

G. Prusesus di kriansa ki ta iziji asistênsia

1. Audiensias priliminaris
2. Kualker audiensia undi ki kustódia tenpuráriu di kriansa podi ser transfiridu pa dipartamentu di kriansas i famílias
3. Kualker audiensia undi ki kriansa sta sob kustódia di dipartamentu di kriansas i famílias i podu fora di kaza

A partir di data di entrada en vigor di kel orden permanenti li, siguintis audiensias ta fazedu a distansia.

Un audiensia ki debi fazedu a distansia pa kel orden permanenti li podi ser fazedu prizensialmenti na un kazu spisífiku, na diskreson di juiz atual.

A. Asuntus di kuidadu i pruteson

1. Identifikason di kriansas sujeitas na asuntus di kuidadu i pruteson
2. Audiensias di moson/status
3. Audiensias di kunfirensia pré-julgamentu
4. Ordens pa medikason antipsikótiku i tratamentu médiku extraordináriu
5. Audiensias di permanênsia

B. Kriansa ki ta iziji asistênsia (CRA)

1. Kunfirensia

C. Prusesus di dilinkuensia/joven infrator

1. Kunfirensia pré-julgamentu/konformidadi i ileison
2. Rilatórius/status di audiensias

A partir da data di entrada en vigor di kel orden permanenti li, siguintis audiensias pedi fazedu prizensialmenti ô a distansia na un kazu spisífiku, na diskreson di juiz atual.

A. Adosons

1. Tudu audiensias

B. Kriansa ki ta iziji asistênsia (CRA)

1. Audiensia di apurason di fatus, pa kualker kazu en ki kriansa ka sta sob kustódia di DCF i podu fora di kaza
2. Audiensia di dispuzison pa kualker kazu en ki kriansa ka sta sob kustódia di DCF i podu fora di kaza
3. Audiensia di rivizon di dispuzison pa kualker kazu en ki kriansa ka sta sob kustódia di DCF i podu fora di kaza

C. Prusesus di dilinkuensia/joven infrator

1. Kunfirensia di prontidon pa julgamentu

A. Otus tipus di kazus/audiensias

Kualker tipu di kazu i/ô iventu ka spisifikamenti namiadu na sesons III, IV ô V di kel orden permanenti li podi ser obidu di un maneira konformi ditirminadu pa juiz atual dizignadu pa kazu. Juiz atual debi garanti ki tudu partis i adivogadus involvedu na kazu for notifikadu si kazu ta ser obidu prizensialmenti, a distanasia ô komu mistu.

B. Audiensias mistu

Ixsetu kuandu proibidu pa regra di tribunal juvinil, kualker audiensia dizignadu komu prizensial, a distansia ô tudu dós na sesons III, IV ô V di kel orden permanenti li podi ser obidu komu un prusesu mistu, undi un ô más di partis, adivogadus i tistimunhas ta sisti a distanasia pa audiensias prizensial sob sesons III ô V, ô prizensialmenti pa audiensias a distansia sob sesons IV ô V.

Julgamentus ku júri na prusesus di dilinkuensia i jovens infratores ka debi ser obidu komu un audiensia mistu.

Disizon di fazu un audiensia mistu ta ser tomadu pa juiz atual ku kazi na sirkunstânsias di kazu, na rikursus di tribunal i na dispunibilidadi i nisisidadis di partis, adivogadus i tistimunhas.

A. Asesu públiku

Maioria di prusesus di tribunal juvinil é fitxadu pa públiku. Litigantis, tistimunhas ô menbrus di públiku ki ta buska informasons spisífiku na un audiensia ô kazu di tribunal juvinil debi entra en kontatu ku kartóriu di tribunal juvinil rilivanti pa ten más informasons.

B. Proibison di fotografa, grava ô transmiti audiensias a distansia ô mistu

Si konsededu asesu públiku pa un audiensia ô kazu di tribunal juvinil, ninhun pisoa debi tra fotografias, ô fazi kualker gravason ô transmison pa meius iletrónikus, di un audiensia judisial a distansia ô mistu, sen autorizason préviu di juiz ô majistradu-skrivon ku supervizon imidiatu na audiensia a distansia ô mistu, na konformida di ku regra 1:19 di tribunal supremu judisial, ki ta guverna asesu iletróniku pa tribunal.

A. Gravason i rijistu di audiensias a distansia

Tudu audiensias a distansia debi fazedu na un tribunal ô otu lokal ki podi ser gravadu pa sistema di gravason iletróniku di tribunal, For the Record (FTR). Majistradus-skrivons debi rijista tudu kazus na MassCourts di akordu ku prusidimentus normal.

B. Invistigadoris judisial i guardions Ad Litem

Kualker invistigador judisial nomiadu pa un asuntu di kuidadu i pruteson debi fazi invistigason konformi izijidu pa G.L. c. 119, §§ 21A, i 24. Invistigadoris judisial podi fazi intrivistas prizensial ô a distansia, na sés diskreson, a nao ser ordenadu di otu manera pa juiz atual, inbora midjoris prátika rikumendadu é pa intrivistas prizensial senpri ki pusível. Invistigadoris judisial debi manda pa email, kureiu ô fazi rilatóriu pisoalmenti na kartóriu. Invistigadoris Judisial debi tanbé garanti ki un kópia di rilatóriu arkivadu for dadu pa tudu adivogadus konstituídus i kualker parti pru se, ki sirvisu podi fazedu iletrónikamenti.

Kualker guardion ad litem nomiadu debi fazi sés trabadju konformi dilineadu pa skopiu di sés nomiason. Guardions ad litem podi fazi intrivistas prizensial ô a distansia, a nao ser ordenadu di otu manera pa juiz atual, na sés diskreson, inbora midjoris prátika rikumendadu é pa intrivistas prizensial senpri ki pusível.

C. E-Filing

Tudu dukumentus arkivadu pa meiu di e-filing debi ser arkivadu di akordu ku regras di tribunal juvinil na kuidadus i pruteson di kriansas, más na ninhun kazu menus di 24 oras antis da próximu data di audiensia ajendadu. Kualker dukumentus arkivadu iletrónikamenti menus di 24 oras antis da audiensia ajendadu ka ta ser aseitadu, a nao ser ki skrivon-majistradu, na sés diskreson, ditirmina ki arkivador ten bon kauza pa arkivamentu atrazadu.