Links útil
Modi ki n’ ta sabi si n' teni un audiensia a distansia?
Tribunal ta ben informa si bu audiensia ta fazedu a distansia. Tribunal podi kontatau pa kureiu di EUA, email ô tilifoni. Tribunal tanbé ta ben informa otus partis di bu kazu.
Modi ki n’ ta pidi un audiensia a distansia?
Bu ten ki entra en kontatu ku kartóriu di skrivon, di rijistu ô di gravador pa pidi un audiensia a distansia.
Fazi bu pididu di audiensia a distansia antis di bu próximu data di audiensia pa tribunal ten tenpu di konsideral.
Inbora txeu audiensias judisial sta fazedu gosi a distansia (jeralmenti fazedu na Zoom), só alguns tipus di kazus i iventus judisial podi fazedu a distansia.
Kada dipartamentu judisial ten regras (ki ta txomadu "ordens permanenti") sobri tipus spisífiku di audiensias i iventus judisial ki podi fazedu a distansia. Tudu kés regras li sta dispunível na: Ordens permanentis di audiensias a distansia.
Links pa regras di kada dipartamentu di tribunal na audiensias a distansia tanbé sta di baxu:
- Orden permanenti di tribunal munisipal di Boston
- Orden permanenti di tribunal distrital
- Orden permanenti di tribunal di abitason
- Orden permanenti di tribunal juvinil
- Orden permanenti di tribunal di tera
- Orden permanenti di tribunal di susesons i família
- Orden permanenti di tribunal supirior
Jeralmenti, bu podi aprizenta un pididu ô moson pur skritu pa tribunal pa pidi un audiensia a distansia ô fazi un pididu oral pa un audiensia a distansia inkuantu na tribunal pa bu próximu data(s) di audiensia.
Tribunal ta ben analiza bu pididu di audiensia a distansia i ta ben informa si bu pididu foi konsididu ô negadu. Si bu pididu for konsididu, tribunal ta dau instrusons siparadu sobri asesu pa bu audiensia a distansia.
Modi ki n’ ta podi entru en kontatu ku tribunal?
Entra en kontatu ku tribunal pa númeru di tilifoni ô inderesu di email ki dadu na bu avizu judisial ô ta bai pa lokalizador di tribunal pa diskubri modi pa entra en kontatu ku tribunal ki ta atendeu. Tanbé bu podi bai pa sirvisus judisial a distansia ô virtual pa odja si bu tribunal ten un rijistu virtual.
Tribunal ta ben flan modi pa partisipa na audiensia a distansia?
Sin.Tribunal ta mandau instrusons sobri modi pa partisipa na bu audiensia a distansia pa vídeo ô pa tilifoni.
Tribunal judisial ta uza Zoom.
Prifirensialmenti, bu debi partisipa na audiensia a distansia atravéz di un konputador, tablet ô smartphone ku asesu a vídeo.
Pa instrusons adisional, kontata tribunal antis di dia di bu audiensia ajendadu.
I si n’ ka puder partisipa na audiensia a distansia na oráriu ajendadu?
Bu ten ki ten un bon motivu pa ka puder partisipa na audiensia a distansia na oráriu ajendadu. I bu ten ki informa tribunal más rápidu pusível dipós di resebi notifikason. Pur favor kontata tribunal undi bu audiensia sta ajendadu pa ten más informasons na modi pa muda data di bu audiensia.
I si n’ ka teni internet ô tilifoni?
Entra en kontatu ku tribunal más rápidu pusível. Bu podi ser kapaz di sisti audiensia pisualmenti. Ô, tribunal podi adia audiensia ti ki tudu alguén podi partisipa ô djudau atxa un manera di partisipa. Bu podi asesa Zoom na lokal silisionadu di tribunal na sés salas di tribunal di julgamentu ô prendi sobri inisiativa di bibliotekas públiku di bibliotekas di direitu di tribunal di julgamentu, undi txeu sirvisus di tribunal di julgamentu podi sta dispunível a distansia através di bu biblioteka lokal.
I si n’ mesti un intérprete?
Pa pidi un intérprete, kontata tribunal.
Modi ki n’ podi pripara pa un audiensia a distansia?
Lê kés dikas di audiensia a distansia pa djudau pripara pa bu audiensia a distansia.
Kuzé ki n’ debi spera duranti audiensia a distansia?
- Na dia di bu audiensia a distansia, bu audiensia podi ser un di txeu audiensias ki ta fazedu na kel dia la. Bu audiensia a distansia podi ka kumesa imidiatamenti. Bu podi ten ki spera. Pur favor, fika pasienti i fika ligadu a bu audiensia a distansia.
- Juiz ô skrivon ta ben garanti ki bu podi obi i fala, i ta analiza tudu regras.
- Bu audiensia é au vivu i ta ser gravadu. Tudu alguén la podi obi kuzé ki bu ta fala. Maioria di audiensias judisial é abertu pa públiku.
- Un audiensia a distansia é un audiensia judisial ofisial. Bu ten ki bisti prufisionalmenti i aji sima ki bu sta bai pa tribunal pisualmenti.
N’ podi tra fotus, transmiti ô grava audiensia a distansia?
No. Bu podi sta fazi ligason di un lokal a distansia, más un audiensia a distansia ainda é un audiensia judisial. Bu ka podi grava, transmiti ô tra fotus ô kapturas di tela di prusidimentus sen resebi pirmison di tribunal.
Kada dipartamentu di tribunal di julgamentu ten un regra ki isensialmenti ta fla:
Ninhun pisoa debi tra fotografias, ô fazi kualker gravason ô transmison pa meius iletrônikus, di un audiensia judisial a distansia ô mistu, sen autorizason préviu di juiz ô di majistradu skrivon ku supervizon imidiatu na audiensia a distansia ô mistu, na konformida di ku regra 1:19 di supremu tribunal judisial, ki ta guverna asesu iletrôniku pa tribunal.
Modi ki un menbru di públiku podi ten asesu a un audiensia a distansia?
Pa motivus di asesu públiku audiensias prizensial, a distansia ô mistu ki é abertu pa públiku, menbrus di públiku podi asesa audiensias judisial di siguinti manera:
- Pa audiensias prizensial, undi ninhun parti ta sisti a distansia, menbrus di públiku debi sisti prizensialmenti.
- Pa audiensias a distansia, undi tudu partis ta sisti a distansia, menbrus di públiku podi asesa audiensia a distansia.
- Pa audiensias mistu, undi pelu menus un parti ta sisti prizensialmenti, inkuantu pelu menus otu parti ô partisipanti ta sisti a distansia, menbrus di públiku debi sisti prizensialmenti. Menbrus di públiku podi pidi pirmison pa tribunal pa asesa un audiensia mistu a distansia.
Menbrus di públiku ki sta buska informasons ô instrusons spisífiku na asesu públiku pa audiensias prizensial, a distansia ô mistu na un kazu spisífiku debi entra en kontatu ku kartóriu di skrivon, di rijistu ô di gravador pa ten más ditalhis.
Informasons adisional na asesu públiku pa audiensias a distansia sta dispunível na orden permanenti di kada dipartamentu di tribunal i na pájinas di asesu públiku di baxu:
Undi ki n’ podi manda opinion ô sujistons sobri audiensias a distansia?
Tribunal di julgamentu ta agradesi bus kumentárius i sujistons na audiensias a distansia. Pur favor, mandas li: Notifika tribunal di julgamentu sobri perguntas, opinion ô sujistons.
| Date published: | June 25, 2026 |
|---|---|
| Last updated: | June 25, 2026 |