Probate and Family Court Rules  Orden permanenti 1-26 di tribunal di susesons i família: Audiensias prizensial i a distansia

1. Protokolus pa email ka é obrigadu ser aseitadu, ixsetu kuandu fazedu pa un menbru di ikipa di sentru di sirvisus di tribunal ô pa un adivogadu voluntáriu através di un prugrama adivogadu di dia na nomi di un litiganti sen riprizentason, ô si spisifikamenti autorizadu pa SJC ô pa gabineti izekutivu di tribunal di julgamentu.
2. Sinaturas iletróniku debi ta kontinua ta ser uzadu, konsistenti ku orden atual di SJC, a nao ser i ti ki for alteradu pa ordens ô regras subsikuenti.

Tribunal di susesons i família ta ben ajenda audiensias prizensial pa tudu asuntus, ixsetu pa asuntus identifikadu nu parágrafu C di baxu, i kualker asuntu ki un juiz ditirmina ki debi fazedu a distansia.  Audiensias prizensial ta fazedu na un kronograma skalonadu.

Kuandu un audiensia prizensial for ajendadu, un parti podi pidi ki audiensia fazedu a distansia, i juiz ta ben fazi disizon na kel pididu.

Alternativamenti, un juiz, konformi pididu, podi autoriza un partisipanti (un adivogadu, parti ô tistimunha) debi parsi a distansia inkuantu otus partisipantis ta sisti pisoalmenti, konsistenti ku prusesu legal i justisa fundamental. Partisipanti ki fazi pididu pa sisti a distansia pa un prusesu ki di otu forma ta serba prizensial ka debi ten motivus pa opoi otus partisipantis ki sisti pisualmenti.

Audiensias na siguintis asuntus ta ser prizumivelmenti fazedu a distansia i na un kronograma skalonadu, a nao ser ki juiz dizignadu ditirmina ki asuntu debi ser obidu pisualmenti ô tratadu administrativamenti.

1. Adoson
2. Pitison konjuntu di divórsiu
3. Audiensia di penson alimentar ki fazeda na sesons di kunfirensia di kazu
4. Rivizon di planu di tratamentu
5. Si ka fazedu rilatóriu di planu di kazu di guardion
6. Rivizon di planu di permanênsia/midjoris isforsus § 29B rivizon anual di kriansas sob kustódia di DCF
7. Kexa pa dipendênsia § 39M
8. Kunfirensia di jerensiamentu di kazu/status/ajendamentu
9. Disputa di diskuberta (pur izenplu, moson pa kunpela, moson pa anula)
10. Moson pa kontinua iventus ka di julgamentu
11. Moson pa diskarta
12. Moson pa altera un kexa/pitison, si audiensia for justifikadu
13. Moson pa avaliason di kustus di adivogadus
14. Moson pa kustus di adivogadu pendenti lite
15. Moson ki ka ta iziji un audiensia probatóriu

Na ausênsia di sirkunstânsias exsepsional, konformi ditirminadu pa juiz ki ta fazi audiensia, ninhun parti ô adivogadu di un parti podi sta fizikamenti prizenti na sala di audiensias pa un audiensia a distansia ajendadu.

Na kazus ku un ô más litigantis sen riprizentason, juízes debi konsidera pusibilida ki litigantis sen riprizentason podi teni asesu limitadu pa tikinolojia nisisáriu ô ixpiriensia limitadu ku tal tikinolojia, i djuda litiganti sen riprizentason ô oferesi opson di parsi pisoalmenti.

Ninhun pisoa debi tra fotografias, ô fazi kualker gravason ô transmison pa meius iletrônikus, di un audiensia judisial a distansia ô mistu, sen autorizason préviu di juiz ô di majistradu skrivon ku supervizon imidiatu na audiensia a distansia ô mistu, na konformida di ku regra 1:19 di supremu tribunal judisial, ki ta guverna asesu iletrôniku pa tribunal.

Pa motivus di asesu públiku audiensias prizensial, a distansia ô mistu ki é abertu pa públiku, menbrus di públiku podi asesa audiensias na truibunal di siguinti manera:

1. Pa audiensias prizensial, undi ninhun parti ta sisti a distansia, menbrus di públiku debi sisti prizensialmenti.
2. Pa audiensias a distansia, undi tudu partis ta sisti a distansia, menbrus di públiku podi asesa audiensia a distansia.
3. Pa audiensias mistu, undi pelu menus un parti ta sisti prizensialmenti, inkuantu pelu menus otu parti ô partisipanti ta sisti a distansia, menbrus di públiku debi sisti prizensialmenti.
   
   Menbrus di públiku podi pidi pirmison pa tribunal pa asesa un audiensia mistu a distansia.

Asesu públiku pa audiensias a distansia debi dadu atravez di asesu a tilifoni pa kada seson. Númerus di tilifoni debi sta dispunível na website di tribunal di susesons i família.

Menbrus di públiku ki ta buska informasons ô instrusons spisífiku na asesu públiku pa audiensias prizensial, a distansia ô mistu na un kazu spisífiku debi entra en kontatu ku kartóriu pa ten más ditalhis.

Asuntus ki é tratadu administrativamenti ta kontinua ta ser tratadu administrativamenti. Kés asuntus li ta inklui, más ka sta limitadu a: kazamentu sen dimora; modifikason konjuntu; konfirmason di nomiason parental di guardions, mosons inkontestadu/assentidu (pur izenplu, nomiason di GAL; kontinuason di data di audiensia; aprizentason atrazadu di sertidon di kasamentu); i pirmisons inkontestadu/rotineiru na asons di susesons (pur izenplu, pitison informal; transferênsia di tutela ô kuratela di otu stadu; kontas; nomiason di GAL; lisensa pa bendi; sirvisu alternativu; rinúnsia di fiadoris; moson pa aprizenta sertidon di óbitu atrazadu). Si tal asuntu ka for tratadu administrativamenti, un audiensia a distansia ta ser ajendadu.

Un juiz tanbé podi konsidera asuntus pa meiu di un prusesu di rivizon administrativa i ditirmina mosons di akordu ku regra 78.