Housing Court Rules  Orden permanenti di tribunal di abitason 1-26: Audiensias judisial prizensial i a distansia

Kel orden permanenti li debi rivoga i substitui seson 2 di orden permanenti interinu di tribunal di abitason 1-23, komu é ta pertensi a iventus di tribunal a distansia i prizensial. Kuandu apropriadu, kel orden permanenti li ta pretendi ser konsistenti ku kualker ordens di supremu tribunal judisial ("SJC") i di gabineti izekutivu di tribunal di julgamentu.

Konsistenti ku mison di tribunal di abitason di julga tudu asuntus di un manera justu, ifisienti i oportunu, di aumenta asesu pa justisa i di apoia nisisidadis operasional di divizons di tribunal di abitason, ta fika ORDENADU, ku ifeitu a partir di 1 di junhu di 2026, ki divizons di tribunal di abitason ta opera sujeitu a dispuzisons di baxu. Kel orden permanenti li podi ser alteradu ô rivogadu na kualker mumentu i ta manti en vigor ti novu orden di tribunal.

Asin ordenadu,

Diana H. Horan
Juíza prizidenti di tribunal di abitason

Siguintis tipus di iventus di tribunal ta ser prizumivelmenti fazedu prizensialmenti:

1. mediason i julgamentu na tudu tipus di kazus, ki ta inklui tudu iventus di tribunal di primeiru i sigundu nível na kazus di prusesu sumativu;
2. prusesu en ki un avaliason di kredibilidadi é nisisáriu, konformi ditirminadu pa skrivon-majistradu, na konsulta ku rispetivu primeiru juiz;
3. moson ki ta iziji un audiensia probatóriu, konformi ditirminadu pa skrivon-majistradu, na konsulta ku rispetivu primeiru juiz; i
4. audiensias priliminar i prusesu pur dizakatu.

Siguintis tipus di iventus di tribunal ta ser prizumivelmenti fazedu a distansia:

1. jiston di kazus, pré-julgamentu i kunfirensias di status;
2. mosons di imirjensia (pur izenplu, undi un parti ka podi sisti pamodi avizu préviu kurtu, ki ta inklui mosons pa intironpi izekuson di avizus di dispeju di 48 oras), konformi ditirminadu pa skrivon-majistradu, na konsulta ku rispetivu primeiru juiz;
3. mosons ki ka ta iziji un audiensia probatóriu, konformi ditirminadu pa skrivon-majistradu, na konsulta ku rispetivu primeiru juiz.

A.

Na moson, pididu ô pa inisiativa própriu, tribunal podi izersi sé diskreson pa ajenda kualker iventu di tribunal pa fazedu prizensialmenti ô a distansia pa apoia nisisidadis operasional di divizon. Na izersi sés diskreson, tribunal podi autoriza un partisipanti (adivogadu, parti ô tistimunha) pa sisti a distansia inkuantu otus partisipantis ta sisti prizensialmenti, dés di ki for konsistenti ku pruteson di direitus konstitusional. Partisipanti ki fazi pididu debi sisti a distansia pa un prusesu ki di otu forma ta serba prizensial ka debi ten motivus pa opoi otus partisipantis ki sisti pisualmenti.

B.

Kada skrivon-majistradu, na konsulta ku rispetivu primeiru juiz, ta ditirmina prusesu pa ajendamentu i audiensia di kazus di aplikason di kódigu i kualker otus iventus di tribunal ka identifikadu na §§ I i II.

C.

Undi ki for legal i apropriadu, konformi ditirminadu pa tribunal, kualker funsionáriu di tribunal ô riprizentanti di ajensia terseirizadu—ki ta inklui juízes, spesialistas na abitason, intérpretes i riprizentantis di un ajensia administradora rijional—podi sisti a distansia na kualker tipu di iventu di tribunal pa apoia nisisidadis operasional di divizon. 

Ninhun pisoa debi tra fotografias, ô fazi kualker gravason ô transmison pa meius iletrônikus, di un audiensia judisial a distansia ô mistu, sen autorizason préviu di juiz ô di majistradu skrivon ku supervizon imidiatu na audiensia a distansia ô mistu, na konformida di ku regra 1:19 di supremu tribunal judisial, ki ta guverna asesu iletrôniku pa tribunal.

Pa motivus di asesu públiku pa audiensias prizensial, a distansia ô mistu ki é abertu pa públiku, menbrus di públiku podi asesa audiensias judisial di siguinti manera:

1. Pa audiensias prizensial, undi ninhun parti ta sisti a distansia, menbrus di públiku debi sisti prizensialmenti.
2. Pa audiensias a distansia, undi tudu partis ta sisti a distansia, menbrus di públiku podi asesa audiensia a distansia.
3. Pa audiensias mistu, undi pelu menus un parti ta sisti prizensialmenti, inkuantu pelu menus otu parti ô partisipanti ta sisti a distansia, menbrus di públiku debi sisti prizensialmenti.
   
   Menbrus di públiku podi pidi pirmison pa tribunal, na entra en kontatu ku kartóriu, pa asesa un audiensia mistu a distansia. Un pididu pa asesa un audiensia mistu a distansia sta sta sujeitu a diskreson i ditirminason di tribunal. Na ditirmina tal pididu, tribunal podi konsidera pontualidadi di pididu, entri kualker otus fatoris ki ta afeta nisisidadis operasional di divizon.

Menbrus di públiku ki ta buska informasons ô instrusons spisífiku na asesu públiku pa audiensias prizensial, a distansia ô mistu na un kazu spisífiku debi entra en kontatu ku kartóriu pa ten más ditalhis.