Ki é Mudansa di Klima?
Mudança di klima é um longo periodo, ku temperatura e padrões di tempo.
Mudança di klima pode ser provokadu pa mudanças naturais na natureza y/o atividades di otus devido ao queima di combustíveis fósseis.
Ki Objetivus ki MDAR Ten?
ResilientMass Plan é Planu Stadual di Mitigason di Riskus y Adaptason Klimátiku di Massachusetts. Objetivu é garanti ma Stadu ta sta priparadu pa rizisti, rikupera rápidamenti, adapta y mitiga (branda) ivéntus di risku natural.
Kunpanha prugrésu ki fazedu na objetivus spisífiku di MDAR! (Filtra prugrama pur “Ajénsia Prinsipal”)
Kuzê ki N Pode Faze?
Módi ki N Pode Djuda Polinizadoris?
Apoia polinizadoris é un kuza bunitu 🐝
Alterason klimátiku pode ser prijudisial pa bedjera y otus polinizador, ki é menbrus isensial di nos ekosistéma lokal. Arandu, un plantason inpurtanti li na Massachusetts, ta dipende di bedjera y otus polinizador pa pruduson. Bu pode faze diferénsa na bu kintal, si bu planta un jardin favorável a polinizadoris, ku floris nativu.
Opsons di Bumble Bouquet
- 💐 New England Aster
- 💐 Butterfly Milkweed
- 💐 Partridge Pea
- 💐 Ox Eye Sunflower
- 💐 Black Eyed Susan
Atxa más informason sobri polinizadoris y plantason atravês di nos parseria ku #GrowingWild.
Agrikultoris di Massachusetts É Eróis di Klima
Teknolojia klimátiku ta prumove un klima más saudável 🚜
Txeu propriedadi agríkula di Stadu dja inplimenta prujétus di inerjia solar y teknolojia intilijenti. Utilizason di teknolojia klimátiku intilijenti ta rizulta na maior ifisiénsia di rikursus, inkluindu popansa di águ y riduson di fertilizanti y inerjia.
Ali sta alguns manera ki agrikultoris di Massachusetts ta mante #intilijenti en termus di klima:
- 👉 Prujétus di inerjia rinovável
- 👉 Kaptason di águ di txuba
- 👉 Agrikultura di plantason dirétu, pa midjora fertilidadi di sólu
- 👉 Sistémas di konpostajen, pa riduzi dispirdísiu agríkula
Agrikultoris ki ta utiliza teknolojia klimátiku intilijenti é eróis di klima! Na bu prósimu vizita, pergunta bus agrikultor lokal módi ki es ta utiliza teknolojia klimátiku intilijenti.
Kunpra Prudutus Lokal pa Apoia Propriedadis Agríkula Lokal
Kunpra Prudutus Lokal pa Apoia Propriedadis Agríkula Lokal
Kónpra di prudutus lokal ta apoia agrikultoris di Massachusetts y klima 🧺
Lokal pamódi? Un sistéma alimentar lokal fórti signifika un abastesimentu konsistenti di alimentus. Un sistéma alimentar lokal fórti ta garanti abastesimentu di alimentus más siguru, más konsistenti y más rizilienti pa jerasons futuru. Pikénus mudansa ta faze un grandi diferénsa. vizita propriedadis agríkula y merkadus di agrikultoris lokal, pa bu intxi bu pratu ku prudutus di Massachusetts.
Dispirdísiu di Alimentus (réstus di kumida) y Konpostajen
Konpostu: kes ‘réstu’ ki nu ka ta dispirdisa 🥕🗑️
Odja módi ki konpostu ta apoia un klima más saudável:
- 🔑 Riduson jeral di dispirdísiu (réstus)
- 🔑 Ta midjora saúdi di sólu
- 🔑 Ta abzorve karbónu na sólu
- 🔑 Ta midjora kapasidadi di plantason di mante águ
- 🔑 Ta riduzi erozon
Riduzi Bu Pegada di Karbónu
Riduzi bu pegada di karbónu 🐾
Na 2024, más di 10.000 katxor y 7.000 gatu foi inportadu di otus párti di país, enkuantu milharis di animal na abrigus di Massachusetts ta spéra pa ten un kaza. Ka bu sô kunpra prudutus lokal, adota animal di stimason di Mass., tanbe. Pensa global, adota lokal!
Organizasons privadu ten ki sta rijistadu na MDAR, pa garanti saúdi y siguransa di tudu animal ki adotadu na Stadu. Bu ta atxa un lista konplétu di abrigus lokal lisensiadu y más informason sobri prusésu di adoson na nos website.
Kuzê ki N Pode Faze?
Sabe más sobri módi ki moradoris di Stadu pode aji pa pruteje kumunidadis, popa dinhéru y inerjia, vizitandu Kanpanha di Ason Klimátiku di EEA.
Bo é un Agrikultor ô Prudutor?
Odja Prugrama di Subsídiu pa Agrikultura Intilijenti en rilason a Klima, di MDAR: Es prugrama ta oferese finansiamentu pa operasons agríkula, pa lida ku riskus di manera proativu y riforsa ses riziliénsia ikunómiku y anbiental, y tanbe prujétus pa aumenta ifisiénsia inerjétiku y utilizason di inerjia rinovável.
Ô odja un lista konplétu di prugramas di subsídiu di MDAR.
Bu sa ta djobe más Prugramas Klimátiku?
Konsigi un kópia di Manual di Rikursus Klimátiku di MDAR, pa bu fika ta konxe un variedadi di prugramas di guvérnu ki pode djudá-bu toma mididas klimátiku na bu operason:
Manda email pa MDAR.EJ@Mass.Gov pa más informason.