Superior Court Rules  Orden permanenti 1-26 di tribunal supirior: Audiensias a distansia

Kel orden permanenti li ta entra en vigor na 1 di junhu di 2026 i ta rivoga i ta substitui orden permanenti 1-22 di tribunal supirior, ki entraba en vigor na 1 di sitenbru di 2022. Kel orden permanenti li ta manti en vigor ti novu orden di tribunal.

Konsistenti ku direitus konstitusional, statutárius i otus aplikável, i na interesi di justisa, sertus prusesus kriminal i sivil podi ser fazedu a distansia (pur izenplu, pa konputador, videokunfirensia ô tilifoni) di akordu ku kel orden permanenti li.

Asin ordenadu,

Michael D. Ricciuti
Xefi di tribunal di tribunal supirior 

A. Audiensias distansia prizumível

Audiensias na kazus kriminal é prizumivelmenti fazedu distansia, sen nisisidadi di moson skritu, pa:

• audiensias di fiansa pa pisoas sob kustódia ki rinunsia prizensa fíziku na tribunal;
• rivizons di fiansa i audiensias sen tistimunhas pa rivizons di ditirminasons di perikulosidadi di G.L. c. 276, § 58A pa pisoas sob kustódia
• audiensias na mosons di G.L. c. 276, § 58A ki fazeda sen tistimunhas;
• audiensias na mosons pa arkiva ô suprimi kel ki fazeda sen tistimunhas;
• kunfirensias di status i ajendamentu;
• kunfirensias di diskuberta, ki ta inklui audiensias na mosons ka probatóriu (undi un audiensia é justifikadu i réu rinunsia prizensa fíziku);
• kunfirensias pré-julgamentu; i
• kunfirensias di status di liberdadi kondisional.

B. Audiensias prizensial prizumível

Audiensias na kazus kriminal é prizumivelmenti fazedu prizensialmenti pa:

• audiensias inisial di fiansa pa pisoas ki ka sta sob kustódia;
• audiensias di perikulosidadi diG.L. c. 276, § 58A ku tistimunhas;
• mosons pa arkiva i suprimi kel ki fazeda ku tistimunhas;
• kunfirensias di alegason i audiensias di alegason di akordu ku Mass. R. Crim. P. 12;
• Audiensias Daubert-Lanigan;
• kunfirensias final di julgamentu, ki ta inklui mosons in limine;
• julgamentus;
• audiensias di sentensa; i
• audiensias inisial i final di violason di liberdadi kondisional

C. Audiensias priliminar

Ka ten métodu prizumível pa fazi un audiensia priliminar. Juízes é inkorajadu pa fazi audiensias priliminars a distansia kuandu réu sta sob kustódia i ta rinunsia prizensa fíziku, a nao ser ki ten un bon kauza pa réu i adivogadu sta fizikamenti prizenti.

D. Konverson di audiensias prizensial prizumível na audiensias a distansia na kazus kriminal

Un audiensia kriminal dizignadu komu prizumivelmenti prizensial di akordu ku Kel orden permanenti li podi ser fazedu a distansia konformi pididu konjuntu di partis, sen nisisidadi di moson skritu, i/ô kritériu di juiz, na konformida ku direitus konstitusional, statutárius i otus aplikável. Un juiz debi konsidera natureza di prusesu, ki ta inklui si é probatóriu, ta iziji dipoimentu di tistimunha ô un ditirminason di kredibilidadi, i puzisons di partis.

A. Audiensias a distansia prizumível

Audiensias na kazus sivil é prizumivelmenti fazedu a distansia pa:

• pitisons pa autorizason di abortu sob G.L. c. 112, §12R (audiensias Mary Moe);
• tribunal di niglijensia médiku;
• mosons ekuitativu, ki ta inklui mosons pa penhora, prusesu di kurador, alkansi i aplikason;
• kunfirensias inisial di jiston di kazus;
• disputas di diskuberta, ki ta inklui mosons pa konpela, mosons pa orden di pruteson (si algun audiensia for justifikadu);
• kunfirensias di ajendamentu;
• kunfirensias pré-julgamentu final;
• mosons pa diskarta;
• mosons pa altera un kexa (si algun audiensia for justifikadu);
• mosons pa julgamentu pa revelia/avaliason di danus; i
• mosons pa anula un revelia (si for justifikadu algun audiensia).

B. Audiensias prizensial prizumível

Audiensias na prusesus sivil é prizumivelmenti fazedu prizensialmenti pa:

• audiensias ki ta buska ordens di ristrison tenpurárius i liminares;
• prusesus ki ta involvi ditirminasons di kredibilidadi;
• audiensias na mosons pa julgamentu sumáriu;
• audiensias na mosons pa julgamentu na alegasons;
• audiensias na mosons Daubert-Lanigan;
• kunfirensias final di julgamentu, ki ta inklui mosons in limine; i
• julgamentus.

C. Konverson di audiensias prizensial prizumível pa audiensias a distansia na prusesus sívil

Un audiensia kriminal dizignadu komu prizumivelmenti prizensial di akordu ku kel orden permanenti li podi ser fazedu a distansia konformi pididu konjuntu di partis, sen nisisidadi di moson skritu, i/ô kritériu di juiz, na konformida ku direitus konstitusional, statutárius i otus aplikável. Un juiz debi konsidera natureza di prusesu, ki ta inklui si é probatóriu, ta iziji dipoimentu di tistimunha ô un ditirminason di kredibilidadi, i puzisons di partis.

Un juiz podi ordena ki un audiensia kriminal ô sívil dizignadu komu prizumivelmenti fazedu a distansia di akordu ku kel orden permanenti li pa fazedu prizensialmenti si juiz ditirmina ki tal audiensia é nisisáriu pa rizuluson justu i ifisienti di un asuntu.

Un prusesu "mistu", undi alguns partisipantis sisti prizensialmenti i otus sistiba a distansia, podi ser fasedu koformi pididu i na diskreson di juiz, i na konformidadi ku direitus konstitusional, statutárius i otus aplikável. Kualker partisipanti ki pidi debi parsi a distansia na un prusesu prizensial ka ta ten motivus pa opoi kualker otu partisipanti ki parsi prizensialmenti.

Pa kualker audiensia a distansia ki ta involvi un litiganti sen riprizentason legal ku asesu limitadu ô poku familiaridu ku tikinolojia di audiensia a distansia, i pa garanti asesu justu pa justisa, juiz debi toma mididas razoável pa fasilita partisipason a distansia ô podi oferesi un alternativa prizensial.

Ninhun pisoa debi tra fotografias, ô fazi kualker gravason ô transmison pa meius iletrônikus, di un audiensia judisial a distansia ô mistu, sen autorizason préviu di juiz ô di majistradu skrivon ku supervizon imidiatu na audiensia a distansia ô mistu, na konformida di ku regra 1:19 di supremu tribunal judisial, ki ta guverna asesu iletrôniku pa tribunal.

Pa motivus di asesu públiku audiensias prizensial, a distansia ô mistu ki é abertu pa públiku, menbrus di públiku podi asesa audiensias judisial di siguinti manera:

1. Pa audiensias prizensial, undi ninhun parti ta sisti a distansia, menbrus di públiku debi sisti prizensialmenti.
2. Pa audiensias a distansia, undi tudu partis ta sisti a distansia, menbrus di públiku podi asesa audiensia a distansia.
3. Pa audiensias mistu, undi pelu menus un parti ta sisti prizensialmenti, inkuantu pelu menus otu parti ô partisipanti ta sisti a distansia, menbrus di públiku debi sisti prizensialmenti.
   
   Menbrus di públiku podi pidi pirmison pa tribunal pa asesa un audiensia mistu a distansia.

Menbrus di públiku ki ta buska informasons ô instrusons spisífiku na asesu públiku pa audiensias prizensial, a distansia ô mistu na un kazu spisífiku debi entra en kontatu ku kartóriu pa ten más ditalhis.