Modi pa pripara si bu audiensia a distansia for atravez di Zoom
- Ten serteza ma bu teni un bon ligason di internet.
- Si abó é novu na Zoom, lê guia di inísiu rápidu di Zoom pa ajuda.
- Baxa aplikativu di grasa di Zoom (un konta pagu di Zoom ka é nisisáriu pa un audiensia a distansia). Pa partisipa na bu audiensia a distansia, klika na link ki dadu ô poi ID di riunion i senha ki tribunal ta dau.
- Pratika i testa bu ikipamentu (na lokal di undi ki bu sta plania na partisipa) pelu menus un dia antis di audiensia pa bu podi xinti konfortável. Zoom ta oferesi aulas di grasa através di sés Sentru di ajuda online di Zoom.
- Kuandu ta uza Zoom, ten serteza ki bu nomi konpletu sta parsi (i ka bu númeru di tilifoni) pa djuda tribunal identifikau.
- Karega bu konputador ô dispuzitivu móvel. Si bu sta txoma atravez di tilifoni, ten serteza ma bu teni minutus i dadus sufisienti.
- Un tilifoni (fixu ô telemóvel) podi ser uzadu pa partisipa na un audiensia a distansia na Zoom. Tribunal ta ben dau informasons di xamada djuntu ku ID di riunion i senha.
- Uza skutadoris ô skutadoris mikrofoni inbutidu, si bu puder. Keli ta libera bu mó i ta midjora kualidadi di son.
- Kontata tribunal si bu kré aprizenta provas, seja pa meiu di un tistimunha ô ku dukumentus ô fotus. Na audiensia, juiz ô skrivon ta ben disidi si algun tistimunha ta podi da tistimunhu.
Pripara bu spasu
- Buska un lugar trankilu undi ninguén ka ta intironpeu.
- Ten tudu bus papél prontu, ki ta inklui un lista di kuzé ki bu kré fla tribunal.
- Sabi ki ora bu audiensia ta kumesa i modi pa fazi login ô ka númeru ta txoma.
Dikas di vídeo
- Na klika “inisia vídeo” ô boton “vídeo” ta primiti ki bu vídeo ta parsi.
- Si bu sta na Zoom ku vídeo, bu podi skodji vizualizason di falanti, undi pisoa ki fala ta ser izibidu, ô vizualizason di galeria pa odja tudu partisipantis.
- Ajusta kâmera na nível di bus odjus. Si bu sta uza bu tilifoni, pol na un apoiu pa bu podi djobi na el sen ten ki pegal ku mó.
- Djobi pa kâmera, ka pa tela, kuandu bu ta fala.
- Xinta na un sala ben iluminadu, ka mutu sukuru, nen mutu klaru. Sen luzes forti ô janelas bu trás.
- Zoom ten un rikursu di panu di fundu virtual ki ta mostrau un imajen komu bu panu di fundu, más keli podi afeta kualidadi bu vídeo. Vizita sentru di ajuda di Zoom pa prendi modi ki bu podi ativa un imajen di fundu virtual. Tanbé bu podi disfoka bu imajen di fundu.
Dikas di áudio
- Sigui regras ki juiz ô skrivon ta da na inísiu di audiensia.
- Klika na dizativa mikrofoni/áudio antis di fala.
- Fazi un pauza antis di fala, kazu ten algun atrazu di áudio/vídeo. Fala divagar i pa ka intironpi.
- Silensia bu mikrofoni kuandu bu ka sta fala pa midjora kualidadi di son i limita ruídu di fundu.
Kuzé ki ta kontisi si n’ teni difikuldadis tékniku?
- Si seson tirmina ô bu ligason konjela, imidiatumenti bu ten ki sigui pasus pa fazi login di novu (pur izenplu, klika na link di Zoom ô poi ID manualmenti di riunion i senha).
- Si bu kontinua ta ten prublemas di ligason i ka sta konsigui fazi login na otu dispuzitivu diferenti, bu podi liga pa audiensia a distansia na un tilifoni i partisipa sen vídeo.