Pwogram PCA MassHealth – Limit pa semèn FAQ

Kesyon popilè (FAQ)

Kisa limit è pa semèn pou PCA vle di?

PCA yo gendwa travay jiska 66 è ototal pa semèn pou tout kliyan li yo. MassHealth pa kouvri tout è ki anplis pase 66 è.

Ki kalite è travay ki konte nan limit 66 è a?

È travay òdinè, è siplemantè, è nan jou konje, ak è pou sèvis jiri (jury duty) konte nan limit 66 è a.

Ki kalite è travay ki pa konte nan limit 66 è a?

È deplasman, PTO, fòmasyon EVV, oryantasyon pou nouvo anplwaye (NHO), e lòt è fòmasyon pa konte nan limit è pa semèn lan.

Kisa k ap rive si yon PCA depase 66 è?

Sa se yon vyolasyon. Lèt avètisman ap voye bay PCA a e kliyan an nan lapòs e nan Everbridge apre chak vyolasyon. Apre twazyèm vyolasyon an, pwoblèm nan ap refere bay MassHealth pou posiblite revokasyon nan pwogram lan.

1. Premye vyolasyon – yon premye avètisman emèt
2. Dezyèm vyolasyon – yon dezyèm avètisman emèt
3. Twazyèm vyolasyon – refere bay MassHealth pou petèt yon revokasyon

Si PCA a travay pou yon kliyan sèlman, alò toude PCA a e kliyan ap revoke nan pwogram lan apre twazyèm enfraksyon an.

Ki konsekans ki genyen nan yon revokasyon?

Si yon PCA revoke poutèt li fè vyolasyon limit è pa semèn lan, l ap entèdi pou l travay kòm yon PCA pandan 9 mwa apre revokasyon an.

Si l admèt nan pwogram lan ankò e l kontinye fè vyolasyon règlemantasyon pwogram lan, l ap revoke ankò e l ap entèdi an pèmanans nan pwogram lan.

Èske vyolasyon limit è pa semèn lan ka efase nan dosye anplwa yon PCA?

Wi. MassHealth gendwa efase vyolasyon poutèt ijans oubyen sitiyasyon ki pa t prevwa. Y ap efase tou apre konfòmite pandan senk peryòd konsekitif (10 semèn).

Reyadmisyon nan pwogram lan

PCA yo gendwa retounen apre 9 mwa. Si yo fè vyolasyon limit è pa semèn lan oubyen règ è siplemantè a twa fwa anplis apre yo anboche kòm PCA ankò, y ap revoke yon dezyèm fwa e y ap entèdi an pèmanans pou travay kòm PCA nan pwogram PCA a.

Kliyan yo gendwa retounen selon diskresyon MassHealth.

Additional Resources Resous siplemantè

Règlemantasyon pwogam PCA a: 130 CMR 422.000

Telechaje

Date published:	January 28, 2026