Land Court Rules  Orden permanenti di tribunal di teras 2-26: Audiensias a distansia pa iventus di tribunal

Tribunal di julgamentu, ki ta inklui dipartamentu di tribunal di teras, ta rikunhesi ki uzu di audiensias a distansia, ki ta inklui julgamentus i tudu otus iventus di tribunal ki fazedu na uza tudu tikinolojia dispunível, sima tilifoni, videokunfirensia (pur izenplu, ZOOM), ô otu tikinolojia kunparável, podi da ikunumia di rikursus i kustus, i midjora asesu pa justisa, ki ta inklui, na sertus kazus, undi tistimunhas i otus partisipantis sta prezu, inkapaz di parsi pisualmenti na tribunal, ô lokalizadu fora di Commonwealth ô un distânsia substansial di tribunal.

Kualker dipartamentu di tribunal di julgamentu podi, pa orden permanenti, pirmiti uzu di audiensias a distansia na tipus di iventus judisial dizignadu pa juiz atual di dipartamentu. Kel orden permanenti li ta identifika iventus judisial na tribunal di teras pa kal audiensias a distansia podi, na kazus apropriadu, ser pirmitidu.

A.

Dipartamentu di tribunal di teras ta pirmiti uzu di audiensias a distansia na kualker iventus di tribunal na kualker tipu di kazu dentu di jurisdison di tribunal, undi kel uzu for ditirminadu pa juiz ki sta jiri kazu, na sé diskreson, pa ser legal i apropriadu. Uzu di audiensias a distansia debi kontisi di akordu ku tudu leis, regras i diretrizes aplikável, ki ta inklui, títulu di izenplu, regras i leis aplikável di prusidimentu i prova. Juiz debi konsidera tudu fatoris apropriadu na ditirmina si uzu di un audiensia a distansia ta ser apropriadu i adikuadu na un iventu di tribunal spisífiku. Kel orden permanenti li ka ta kria ninhun direitu pa uzu di audiensias a distansia na kualker kazu ô iventu di kazu partikular undi juiz atual ta ditirmina, na sé diskreson, ki ka ta serba apropriadu pa fazeba el.

B.

Pididus pa uza un audiensia a distansia na un iventu di tribunal partikular podi ser prupodu pa tribunal pa un ô más partis, ô uzu di audiensia a distansia podi ser faladu di el pa juiz atual. Partis ki sta pidi uzu di audiensias a distansia é txeu motivadu pa fazel ku bastanti antisidênsia di iventu pa da oportunidadi adikuadu pa podi fazedu aranjus nisisáriu.

C.

Kel orden permanenti li di ninhun manera ta afeta ô limita dispunibilidadi ô uzu di telekunfirensia di áudiu konvensional, ki tribunal di teras ta inprega regularmenti.

D.

Na tudu kazus en ki un audiensia a distansia ten stadu autorizadu pa juiz atual, iventu debi prusidi na rijistu, ku kontiúdu di áudiu gravadu pa meius iletróniku.

E.

Dipartamentu di tribunal di teras podi promulga formulárius i prusidimentus padron pa uzu na pididu, konsiderason i, na kazus apropriadu, autorizason di uzu di audiensias a distansia pa iventus di tribunal.

F.

"Juiz", konformi uzadu na kel orden permanenti li, ta inklui (a) juiz atual i juízes asosiadu di dipartamentu di tribunal di teras, i (b) skrivon i skrivon adjuntu di tribunal di teras kuandu és sta obi i ta disidi kazus di izekuson fiskal i di risgati di títulus fiskal di akordu ku kapítulu sasenta.

G.

Ninhun pisoa debi tra fotografias, ô fazi kualker gravason ô transmison pa meius iletrônikus, di un audiensia na tribunal a distansia ô mistu, sen autorizason préviu di juiz ô di majistradu skrivon ku supervizon imidiatu na audiensia a distansia ô mistu, na konformida di ku regra 1:19 di supremu tribunal judisial, ki ta guverna asesu iletrôniku pa tribunal.

H.

Pa motivus di asesu públiku audiensias prizensial, a distansia ô mistu ki é abertu pa públiku, menbrus di públiku podi asesa audiensias na tribunal di siguinti manera:

1. Pa audiensias prizensial, undi ninhun parti ta sisti a distansia, menbrus di públiku podi sisti pisualmenti ô obi áudiu di audiensia na txoma pa linha di tilifoni di asesu públiku.
2. Pa audiensias a distansia, undi tudu partis ta sisti a distansia, menbrus di públiku podi obi áudiu di audiensia na txoma pa linha di tilifoni di asesu públiku.
3. Pa audiensias mistu, undi pelu menus un parti ta sisti pisualmenti, inkuantu pelu menus un otu parti ô partisipanti ta sisti a distansia, menbrus di públiku podi sisti pisualmenti ô podi obi áudiu di audiensia na txoma pa linha di tilifoni di asesu públiku.

Menbrus di públiku ki ta buska informasons ô instrusons spisífiku na asesu públiku pa audiensias prizensial, a distansia ô mistu na un kazu spisífiku debi entra en kontatu ku kartóriu pa ten más ditalhis.

I.

Kel orden permanenti 2-26 li ta substitui orden permanenti 1-20, datada di 24 di fevereru di 2020.