Press Release  Administrason Healey-Driscoll Lansa Prugrama di Subsídius di US$ 14,3 Milhões pa Riformas na Prugramas di Kuidadus Infantil ki ta Atendi Famílias di Baxu Rendimentu

Boston — Administrason Healey-Driscoll anunsia oji ki Dipartamentu di Edukason Infantil i Kuidadus (EEC) abri oportunidadis di kapital pa edukason infantil i instalasons fora di skola ki ta atendi famílias di baxu rendimentu.

Um total di US$ 14,3 milhões na finansiamentu sta dispunívil pa apoia prujetus di rinovason i konstruson pa ispandi kapasidadi i midjora kualidadi i asessibilidadi di ambientis di aprendizagem pa kriansas, na garanti ki és ten spasus sigurus, inklusivus i adikuadus pa dizinvolvimentu pa prendi, brinka i kria. Komu parti di abordagem di tudu guvernu di Administrason pa infrenta krizi klimátika, EEC ta da prioridadi a prujetus ki ta konsentra na energia limpu i diskarbonizason. Prujetus ki ta inklui melhorias di siguransa pa privini i rizolvi pusivil amiasas, komu atiradoris ativus i instalason di kâmeras di siguransa i sistemas di kontrolu di asessu, també ta ser priorizadus.  

"Nós administrason sta kumprimitidu pa poi edukason i kuidadus pré-skolar más baratu i asessível. Nu sta orgulhozu di ki és planu di kapital aumenta finansiamentu pa garanti midjor ki kés prugramas li ten rikursus finanserus ki és mesti pa da ambientis mudernus, saudável i sigurus pa nós fidjus prendi i brinka", fla Guvernadora Maura Healey. "Kés subsídius li també ta djudanu prugridi na nós metas klimátikus, ki é issensial pa garanti ki nós fidjus ten um futuru siguru. Nós é gratu pa Legislativu pa sés parseria na ispanson di oportunidadis di kapital na orsamentu di és ano pa midjora i ispandi oferta di krexis pa pais di baxu rendimentu, na apoia sés mobilidadi ikunômiku i pa fortaseli nós ikunomia." 

"Kel invistimentu di US$ 14 milhões li na prujetus di kapital pa prugramas di edukason i kuidadus infantil ta djuda poi nós stadu más baratu i ekuitativu, na kria tipus di spasus fízikus internus i isternus ki nós kriansas ta meresi pa prendi i brinka tudu dia", fla Guvernador Adjuntu Kim Driscoll. "Kés fundus li ta midjora ifisiênsia inergétiku di prugramas, ventilason i konservason di água, asessibilidadi pa famílias i edukadoris na prugramas i áreas di lazer au ar livri, ta kria novus salas di aula pa atendi nós famílias di baxu rendimentu i mutu más."

"Massachusetts é más forti kuandu nu ta trabadja djuntu pa atingi nós objetivus, prisipalmenti kuandu tem a ver ku pulítika klimátiku", fla Xefi di Klima, Melissa Hoffer. "Disizon di EEC di prioriza prujetus di energia limpu i diskarbonizason pa és doasons di kapital é um grandi izemplu di nós abordagem di guvernu interu pa krizi klimátiku. É imperativu ki nu sta intensionalmenti na inkurpora klima na tudu ki nu ta fazi pa ki Massachusetts podi prutegi futuru klimátiku na próximu gerason."

Kés subsídius di kapital di edukason infantil li ta pirmiti ki provedoris di edukason infantil baziadus na sentrus di kuidadus infantil familiares pa midjora spasus undi kriansas ta prendi. Subvenson ta pirmiti un variedadi di melhorias, ki ta inklui, entri otus, modifikasons pa midjora kualidadi di ar intirior, riparasons di emergênsia, tal komu substituison di telhado ou modernizason di sistemas ilétrikus ou di siguransa, i modifikasons na ambienti fíziku rilasionadus ku asessibilidadi ou otus melhorias pa salas di aula, áreas istirioris i muitu más. Prujetus di kapital anterioris apoiadus pa EEC ta varia di kaminhus sensorial au ar livri novus sistemas di siguransa di kartons di xave pa adisiona várius salas di aula i banheiros na um sentru.

Oportunidadis di kapital sta dispunível através di un kombinason di fontis di finansiamentu, ki ta inklui US$ 6,8 milhões di finansiamentu di Edukason Infantil i Tempu Fora di Skola (EEOST) di Planu di Invistimentu di Kapital FY24 - FY28 di Administrason i US$ 7,5 milhões di finansiamentu Early Edukation & Care Provider Kapital intrega na orsamentu di stadu di ano fiskal di 2024. Subvensons ta da $200,000 - $500,000 na finansiamentu pur prujetu. Pa primeru vez, krexis ku fins lukrativus i prugramas fora di skola ki ta atendi pelu menus 50% di kriansas ki ta resebi assistênsia finanseru pa krexis ta ser iligível pa meiu di um aplikativu siparadu. Un kandidatura pa prujetus maioris finansiadus (US$ 500,000 - US$ 1,000,000 pur prujetu) ta sta dispunívil através di EEOST na um futuru próximu.

"Na injeta fundus na riformas, riparus i ispansons na krexis i instalasons fora di skola, nu podi garanti ki más alunus sta passa pa spasus di sala di aula ki ta prumovi aprendizagem, kresimentu i ispiriênsias edukasional puzitivus", fla Sikritáriu di Edukason, Patrick Tutwiler. " Kel finansiamentu di subvenson krítika li ta apoia nós sentrus di kuidadus infantil i organizasons kumunitárius na furnesimentu di spasus asessível, sigurus i inklusivus pa kriansas di tudu origens i abilidadis, inkuantu ta djudanu konstrui um futuru midjor i más sustentável."

Administrason també abri um Pididu di Informason (RFI) ki ta konsentra na apoiu prugramas di kuidadus infantil familiares (FCC) através di finansiamentu di kapital didikadu, na midjora asessu ekuitativu pa kapital. EEC sta buska feedback na midjor forma di invisti fundus di kapital na és pikenus imprezas ki ta pudia djuda-s konstrui rikeza i avansa pa propriedadi imobiliária, bem komu kria oportunidadis pa dizinvolvimentu di novus prugramas pa konstrui um maior asessu pa famílias. RFI també sta buska feedback sobri dizafius pa inisia um negósiu di FCC i di ser lisensiado, bem komu pa opera i sustenta prugramas di alta kualidadi, ki ta inklui, mas ka limitadu a, spasu fíziku, kustus di aranki, treinamentu i kualifikasons profissional i operasons di negósius.

"M sta gratu ki orsamentu stóriku di Stadu pa EEC i aumentu di finansiamentu na planu di kapital di Administrason na sta pirmiti ispandi oportunidadis di kapital na edukason i kuidadus pré-skolares, bem komu isplora midjor forma di apoia nós prugramas di kuidadus infantil familiares através di finansiamentu di kapital ki ta atenda pa sés nisisidadis i dizafius únikus komu pikenus imprezas, " fla Kumissária di Edukason i Kuidadus Infantil, Amy Kershaw. "Kel invistimentu di US$ 14 milhões li ta pirmiti ki nós kriansas, famílias i edukadoris pasa tempu na ambientis di aprendizagem di alta kualidadi más novus, más verdis, más sustentável i sigurus, na apoia famílias pa bai ou volta pa trabadju i di involvi na edukason i treinamentu."

“Ronda di pikenus subvensons di és ano ta abri oportunidadis pa muitu más prestadoris pa midjora sés instalasons. Nu sta gratus pa apoiu forti  di Administrason pa invistimentus di kapital pa kuidadus di kriansas. Tudu kriansas meresi um ambienti di prugrama ki for siguru, inrikisidor i ki kontribui pa dizinvolvimentu infantil puzitivu", fla Theresa Jordan, Diretora di Children's Investment Fund.

Oportunidadis di kapital é administradus pa EEC em parseria ku Children's Investment Fund (CIF), un filial di Community Economic Development Assistance Corporation (CEDAC). Kel inskrisons i RFI abri na 9 di Nuvembru. Submisons pa RFI sta privistu pa 15 di Dizembru. Kandidaturas di kapital ta fitxa 23 di Janeru i, pa primeru vez, ta aseita un sinatura iletróniku i ta inkli un submison totalmenti online. Sta dispunível sesons di informason:

• 28 di Nuvembru 11am i 6:30pm pa krexis sem fins lukrativus i prugramas fora di skola
• 29 di Nuvembru11am i 6:30pm pa RFI
• 30 di Nuvembru 11am i 6:30pm pa krexis ku fins lukrativus i prugramas fora di skola

"Kés oportunidadis di konseson li é otu grandi izemplu di Imenda di Partilha Justa na ason", fla Senador di Stadu Jason Lewis, Prizidenti di Senado di Kumison Mista di Edukason. "Ku apoiu adisional di pessoas di rendimentu más alta di nós stadu, nu podi kontinua ta invisti na edukason infantil asessível i di alta kualidadi pa tudu, pa meiu di oportunidadis di subsídius pa instalasons ki ta atendi famílias di baxu rendimentu. Através di kés subvensons li, nu ta kontinua també ku nós kumprimisu di kombati alterasons klimátikas na prumuson di infrastruturas inergétikus limpus.”

 "Kés subvensons li ta dizimpenha um papel krusial pa djuda prestaduris ta da ambientis ki ta rifliti valor di edukason prikosi i di kuidadus infantil. È invistimentus na lugares sigurus, apropriadus i sustentável pa kriansas prendi, kria i dizinvolvi na sés jornada edukasional", fla Diputada di Stadu Denise C. Garlick, Prizidenti di Kumison Mista di Edukason di Kâmara. 

###