Pulítika Di Tribunal Di Julgamentu Ki Ta Proíbi Diskriminason, Asédiu I Ritaliason Perguntas Frikuentis (Faqs) Pa Uzuárius Di Tribunal

Tribunal di julgamentu di Massachusetts sta inpenhadu na prumovi un anbienti rispetozu pa tudu indivídus ki mesti di asesu tribunal i sirvisus judisial. Nu ta oferesi kés FAQs pa da klareza i transparênsia sobri pulítikas i prusidimentus di tribunal di julgamentu.

Si bu ka sta konsigui atxa informason ki bu sta buska na kés FAQs li, kontata linha di apoiu di Office of Workplace Rights and Compliance (OWRC) pa [phone]ô email [e-mail] ten ajuda.

Sobri pulítika

1. Kal ki é pulítika di tribunal di julgamentu na diskriminason, asédiu i ritaliason?

Tribunal di julgamentu di Massachusetts ta proíbi diskriminason i asédiu baziadu na karaterístikas prutejedu (konsulta pergunta 4 sobri karaterístikas prutejedu). Regra Pulítika tanbé ta pruteji kualker parti ki partisipa na atividadis rilasionadu ku kexas di diskriminason, sima fazi un kexa ô da un diklarason di tistimunha.

2. Modi ki tribunal di julgamentu ta aplika kés pulítika li?

Office of Workplace Rights and Compliance (OWRC) di Tribunal di julgamentu é risponsável pa kunpri rikizitus di pulítika. OWRC é un gabineti indipendenti dentu di tribunal di julgamentu ki ta rispondi kexas di diskriminason, asédiu i ritaliason baziadu na un karaterístika prutejedu (konsulta pergunta 4 sobri karaterístikas prutejedu).

Ikipa di OWRC ta izamina tudu kexas. Kexas ki podi konstitui diskriminason i asédiu ô ritaliason baziadu na un karaterístika prutejedu ta ser tratadu pa OWRC. OWRC ten autoridadi pa tenta rizolvi kexa informalmenti entri partis ô persigui pa un invistigason konpletu (konsulta pergunta 10). Nu intantu, OWRC podi inkaminha kexas ki ka ta konstitui un violason di kel pulítika pa otu gabineti más apropriadu dentu di tribunal di julgamentu. OWRC ta ben informa parti ki sta fazi kexa sobri próximus pasus, seja rizuluson informal, inkaminhamentu ô invistigason konpletu, dipós di resebi un kexa.

3. Komu un uzuáriu di tribunal, N’ sta kubridu pa kel pulítika li?

Sin. Uzuárius di tribunal, ki ta inklui litigantis, tistimunhas, advogadus, juradus i menbrus di públiku, é kubridu pa pulítika. Tanbé é ta inklui prestadoris di sirvisus dizinpregadus, sima kontratadus, stajiários i vuluntárius. Si abó é un uzuáriu di tribunal ô prestador di sirvisus dizinpregadu, bu ten direitu di ten asesu a tribunal di julgamentu i di sta livri di diskriminason i asédiu baziadu na karaterístikas prutejedu inkuantu ta involvi ku asuntus na tribunal di julgamentu.

Pulítika tanbé ta prutejeu di ritaliason si bu rivindika bus direitus na kel pulítika li. Alén di keli, komu tribunal di julgamentu é risponsável pa da un lokal di trabadju sen diskriminason i asédiu pa sés funsionários, si un uzuáriu di tribunal ô prestador di sirvisus dizinpregu involvi na konduta diskriminatória ô di asédiu kontra funsionárius di tribunal di julgamentu na un violason di pulítika, tribunal di julgamentu ten direitu di toma mididas apropriadu pa rispondi tal konduta na nomi di sés funsionárius na kel pulítika li.

4. Kal ki é “karaterístikas prutejedu”?

Karaterístikas prutejedu é rasa, kor, sexu (ki ta inklui asédiu sexual, gravidez, partu i kondisons médiku rilasionadu ku gravidez ô partu, i amamentason), idadi (riba di 40), difisiensia, orientason sexual, identidadi di jêneru, sirvisu militar ô status di veterano, rilijion ô krensa rilijiozu, orijen nasional, informasons jenétikas, ansestralidadi. Kés karaterístikas prutejedu li é difinidu pa lei di stadu i/ô federal.

Pulítika ta proíbi diskriminason ô asédiu di indivídus ki sta pidi un akumodason adikuadu pa motivus di difisiensia, gravidez ô observânsias rilijioza.

Fazi di un kexa

5. N’ ten fazedu un kexa pa tribunal di julgamentu sobri diskriminason ô asédiu.  Kuzé ki N’ podi spera pa kontisi dipós?

Un menbru di ikipa di OWRC ta ben entra en kontatu ku bó pa fala di natureza di bu kexa. Dipendendu di sirkunstânsias, OWRC podi interaji ku bó na kel mumentu pa fazi un intrivista di admison, ô és podi pidi ajendamentu di un intrivista di admison na un data lijeiramenti dipós ki for kunvinienti pa tudu ki sta involvedu.

Intrivistas di admison ta kontisi prinsipalmenti pa tilifoni ô videoxamada. Na maioria di kazus, dós indivídus di OWRC ta sta prizenti pa intrivista. Bu debi spera pa bu perguntadu perguntas sobri bu kexa, ki ta inklui nomis di pisoas involvedu, lokal, data i ora di insidenti(s) en kiston i modi ki é ta rilasiona ku karaterístika(s) prutejedu. Tanbé bu podi pididus kualker dukumentus rilivanti i informasons sobri pusível tistimunhas. Tanbé bu debi informa ikipa di OWRC si i modi ki insidenti fazi inpákitu pa bó.

Más inportanti, intrivista di admison tanbé é un oportunidadi pa bu fazi perguntas sobri OWRC, sés prusesus i ixplora opsons di rizuluson ku asistênsia di ikipa di OWRC.

6. Kal ki é alguns di opsons pa aborda nha kexa?

Dipendendu di kexa i di rizultadu dizejadu pa parti ki sta fazi kexa, OWRC podi aprizenta várius opsons. Minimamenti, OWRC podi obi bus priokupasons i, si bu prifiri ka pirsigui ku asuntu, OWRC podi sinplismenti stabilesi un rijistu di asuntu.

OWRC tanbé podi fasilita rizulusons informal. Keli podi inklui un brevi diskuson, intirvenson ô akonselhamentu ku parti ki sta rispondi. Si kel opson li for escolhida, OWRC ben notifika kuandu kel rizuluson  informal li tiver kontisedu, jeralmenti pur skritu. Opson final é ki OWRC ta ben fazi un invistigason konpletu (konsulta pergunta 13).

7. N’ sta priokupadu na pruteji nha identidadi duranti kel prusesu li. Kuzé ki OWRC podi fazi pa djuda ku kel priokupason li?

Pulítika di tribunal di julgamentu ta pirmiti ki un indivíduu fazi un kexa anonimamenti. Inkuantu keli é un opson, é podi aprizenta un dizafiu pa ikipa di OWRC pa fazi un invistigason. Kualker kexa ki fazedu anonimamenti debi ser más ditalhada pusível, ku máximu di informasons verifikável pusível, sima nomis di tistimunhas, datas, orárius i lokal.

Alternativamenti, bu podi fazi un kexa ku OWRC, más pidi anónimatu. OWRC ta ben pruteji bu identidadi máximu pusível inkuantu é ta navega na bu prusesu. Nu intantu, ku alguns kexas, identidadi di un indivíduu podi ser fasilmenti disernível pa rispondentis i/ô otus tistimunhus baziadu na ditalhis i na natureza di kexa, mesmu ki bu nomi ka for divulgadu.

En jeral, OWRC ta opera baziadu na “nisisidadi di sabi”. Komu tal, informasons limitadu podi ser partilhiadu ku indivídus silisionadu ki mesti sabi pa motivus di manti operasons di tribunal. Keli ta djudanu manti natureza kunfidensial di prusesu, pruteji integridadi di invistigason i apoia indivídus ki podi sta ku medu na manifesta. Pulítika tanbé ta proíbi ritaliason. Asi, kualker funsionáriu di tribunal ki ritalia kontra un parti ki sta fazi kexa ô tistimunha ta ser tratadu pa tribunal di julgamentu.

8. Office of Workplace Rights and Compliance é nha úniku opson pa persigui ku nha kexa?

No. Uzuárius di tribunal ten direitu di fazi un kexa pa kumison di Massachusetts kontra diskriminason (MCAD) inkuantu simultaneamenti ta aprizenta pa OWRC. Kumison di oportunidadis igual di inpregu (EEOC) tanbé é un opson pa trata kazus rilasionadu ku inpregu.

9. N’ podi fazi un kexa kontra un juiz ô un skrivon?

Sim. Nu intantu, pamodi statutus ki ta da supervizon spesial di juízes, skrivons, rijistadoris i gravador di tribunal di julgamentu, gabineti di direitus & konformidadi na lokal di trabadju (OWRC) ta ben inkaminha kualker kexas ki ta alega diskriminason, asédiu ô ritaliason pa un di kés funsionárius li pa xefi di justisa dipartamental.

Xefi di justisa dipartamental é risponsável pa invistiga un kexa kontra un juiz (ô podi aponta OWRC pa invistiga na bu nomi), ixsetu pa kexas aprizentadu pa kumison di konduta judisial. Pa kexas kontra skrivons, xefi di justisa dipartamental podi invistiga, podi autoriza OWRC pa invistiga ô pa inkaminha kexa pa kumitê di risponsabilidadi prufisional di tribunal di julgamentu pa skrivons di tribunal pa invistigason.

Duranti prusesu

10. N’ ka kré kontra ku ikipa di OWRC mi só. N’ podi trazi un riprizentanti?

Sin. Nu intantu, é bu risponsabilidadi garanti dispunibilidadi di bu riprizentanti pa riunion di admison. Ikipa di OWRC podi ser flexível si for nisisáriu akumoda várius orárius. Alén di keli, un riprizentanti podi sta prizenti pa konsulta i akonselhiau, nu intantu, és ka debi spera pa rispondi perguntas na bu nomi.

11. N’ podi grava áudio di riunion di admison?

OWRC jeralmenti ka ta pirmiti riunions di gravason di áudio. En vez di keli, ikipa di OWRC ta toma anotasons di riunion, i tanbé bu ta podi fazi anotasons si bu kré fazi kela. Akumodasons podi fazedu pa pisoas ku difisiensia.

12. I si N’ teni informasons adisional pa aprizenta dipós di nha intrivista inisial?

Si bu ten omitidu informasons rilivanti ô bu da konta di novus informasons, bu debi aviza bu pontu di kontatu di OWRC. Si nisisáriu, ikipa di OWRC podi ajenda intrivistas adisional pa djunta informasons adisional rilivanti.

13. Kuzé ki un "invistigason konpletu" ta inplika?

Prusesu di invistigason sta diskrevedu na pulítika. Li sta un brevi vizon jeral:

1. Dipós di konkluzon di admison, ikipa di OWRC ta ben entra en kontatu i intrivista tistimunhas i ta analiza provas dukumental rilivanti, si dispunível.
2. OWRC ben notifika parti ki sta rispondi alegasons kontra és, ta kontra ku és i ta da pa és oportunidadi di rispondi alegasons. Tanbé és podi ten asesu a un kópia di bu kexa.
3. OWRC ta ben toma tudu informasons rilivanti, ta analizas i ta ilabora un rilatóriu ki ta dukumenta sés pasus invistigativus, diskubertas di fatus i diskubertas rilasionadu a putensial violasons di pulítika.
4. OWRC ta ben partilha un raskunhu di sés rilatóriu ku jerenti apropriadu na tribunal di julgamentu.
5. Diretor di OWRC ta ben finaliza rilatóriu dipós di konsulta ku jerenti apropriadu.
6. Invistigador di OWRC ta ben manda kartas di inseramentu ditalhadu pa partis ki sta fazi kexa i parti ki sta rispondi, ta informas di konkluzon di invistigason. Kel karta ta diskrevi diskubertas di fatus i konkluzons ki atxadu. Partis ka ta resebi rilatóriu konpletu di invistigason.

Dipós di invistigason

14. Nha kexa foi fundamentadu (ô ka fundamentadu), kuzé ki kela signifika?

Si OWRC fundamenta bu kexa, é signifika ki tivi provas sufisienti pa konklui ki insidenti más ki provavelmenti ka kontiseba i ki konduta en kiston violaba pulítika di tribunal di julgamentu kontra diskriminason, asédiu i ritaliason.

Si OWRC ka fundamenta bu alegason, é podi ser pamodi várius motivus. Pur izenplu:

• Ka tivi provas sufisienti pa apoia bazi fatual di kexa.
• Un insidenti podi ter kontisedu, más insidenti ka podia ser ligadu a ninhun klasifikason prutejedu.
• Un insidenti podi ter kontisedu, más tinha provas sufisienti pa mostra ki asons ki da orijen pa kexa foi baziadu na un justifikativa lijítima i ka diskriminatóriu.

OWRC ta ben prizumi ki kexas ta aprizentadudi boa-fé. Si nu fundamenta un kexa, é ka prova di ki un pisoa fazeba konsientimenti un kexa falsu.

15. Si N’ ka konkorda ku konkluzon di invistigason, N’ podi rikori?

Ka ten ninhun prusesu di rikori pa un invistigason di OWRC, i konkluzons é final. Otus vias, sima MCAD ô EEOC, konformi obizervadu antis, podi sta dispunível pa bó. (konsulta pergunta 9).

Date published:	September 10, 2025
Last updated:	May 14, 2026