ການນັດໝາຍໄຕ່ສວນຄະດີ ຫຼືການຍື່ນຂໍອຸທອນ
ເອກະສານການອຸທອນກ່ຽວກັບ DUA:
- ສະເພາະແຂກຂອງ DUA ເທົ່ານັ້ນ ເຊິ່ງເປັນຜູ້ທີ່ມີເອກະສານທີ່ພິມອອກມາເພື່ອນຳສົ່ງ ທີ່ກ່ຽວຂ້ອງກັບການອຸທອນຄວນເຂົ້າມາໃນສູນການຈ້າງງານໃໝ່. ກິດຈະກຳອື່ນໆໃນການອຸທອນກ່ຽວກັບ DUA ແລະການກວດສອບສະຖານະພາບຂອງການອຸທອນຂອງພວກເຂົາ ສາມາດຊອກຫາໄດ້ທາງ ອອນລາຍ. ໝາຍເຫດ: ການຍື່ນເອກະສານເຫຼ່ານີ້ທີ່ສູນການຈ້າງງານໃໝ່ ຈະບໍ່ເຮັດໃຫ້ການອຸທອນຂອງທ່ານໄດ້ຮັບການດຳເນີນການຢ່າງໄວກວ່າການຍື່ນການອຸທອນດ້ວຍວິທີອື່ນ.
- ເຈົ້າໜ້າທີ່ເຮັດວຽກສະນັບສະໜູນການໄຕ່ສວນຄະດີ DUA ມີໜ້າທີ່ຊ່ວຍເຫຼືອຜູ້ອຸທອນ, ນາຍຈ້າງ ແລະຜູ້ຕ່າງໜ້າກ່ຽວກັບການຮ້ອງຂໍອຸທອນແລະການໄຕ່ສວນຄະດີ.
- ຖ້າທ່ານຕ້ອງການອຸທອນຄຳຕັດສິນຂອງ DUA ທ່ານສາມາດຍື່ນຂໍອຸທອນທາງອອນລາຍ online ຫຼືທາງໄປສະນີ ຫຼືທາງແຟັກກໍ່ໄດ້.
-
- ທາງອອນລາຍ: ວິທີທີ່ໄວທີ່ສຸດໃນການຍື່ນອຸທອນແມ່ນການຍື່ນທາງອອນລາຍເພື່ອ ເລີ່ມຕົ້ນຂັ້ນຕອນ ໂດຍການປະຕິບັດຕາມຂັ້ນຕອນດັ່ງຕໍ່ໄປນີ້: 1) ລັອກອິນເຂົ້າໄປທີ່ບັນຊີ UI ທາງອອນລາຍຂອງທ່ານ 2) ກົດ ເບີ່ງ (View) ແລະຢູ່ຕໍ່ທາງໜ້າຕ່າງເບື້ອງຊ້າຍ 3) ກົດ ການເງິນ (Monetary) ແລະບົດສະຫຼຸບປະເດັນການອຸທອນ 4) ເລືອກໝາຍເລກປະເດັນການອຸທອນ ແລະຈາກນັ້ນກົດ ການອຸທອນ (Appeal).
-
-
- ທາງແຟັກ: ປະກອບຄຳຂໍອຸທອນໃຫ້ສຳເລັດແລະເຊັນຊື່ ແລະສົ່ງແຟັກໄປທີ່ເບີ 617-727-9329.
-
-
-
- ທາງໄປສະນີ: ການອຸທອນຄຳຕັດສິນທາງຈົດໝາຍສາມາດເຮັດໄດ້ 2 ວິທີ:
-
- ປະກອບແບບຟອມຂໍ້ມູນຄຳຮ້ອງຂໍອຸທອນທີ່ໄດ້ສົ່ງໃຫ້ທ່ານທາງໄປສະນີ ພ້ອມກັບ ໜັງສືແຈ້ງການເລື່ອງການຂາດຄຸນສົມບັດໃນການໄດ້ຮັບຄວາມຊ່ວຍເຫຼືອ ຫຼື
- ຂຽນຈົດໝາຍຮ້ອງຂໍອຸທອນ. ລວມເອົາຂໍ້ມູນຂອງທ່ານ:
- ເບີໂທລະສັບ
- ໝາຍເລກປະຈຳຕົວຜູ້ອຸທອນ (Claimant ID)
- ລາຍເຊັນ
-
- ສົ່ງແບບຟອມທີ່ປະກອບສຳເລັດ ຫຼືສົ່ງຈົດໝາຍໄປທີ່:
Department of Unemployment Assistance
Hearings Department
2 Avenue de Lafayette
Boston, MA 02111
ການກວດສອບສະຖານະພາບຂອງການອຸທອນກ່ຽວກັບ DUA
- ໂທຫາຫ້ອງການໄຕ່ສວນຄະດີລະດັບເຂດໄດ້ທີ່ເບີ (617) 626-5200
ການຖອນການອຸທອນ:
- ວິທີທີ່ໄວທີ່ສຸດໃນການຖອນການອຸທອນແມ່ນທາງອອນລາຍເພື່ອເລີ່ມຕົ້ນຂັ້ນຕອນ ໂດຍການປະຕິບັດຕາມຂັ້ນຕອນດັ່ງຕໍ່ໄປນີ້: 1) ລັອກອິນເຂົ້າໄປທີ່ບັນຊີ UI ທາງອອນລາຍຂອງທ່ານ 2) ກົດ ເບິ່ງ ແລະຢູ່ຕໍ່ທາງໜ້າຕ່າງເບື້ອງຊ້າຍ 3) ກົດ ການເງິນ (Monetary) ແລະບົດສະຫຼຸບປະເດັນການອຸທອນ 4) ເລືອກໝາຍເລກປະເດັນການອຸທອນ ແລະຈາກນັ້ນກົດ ຖອນ (Withdraw) ຫຼືສົ່ງ (Send) ຈົດໝາຍທີ່ເຊັນຊື່ລະບຸວ່າທ່ານຕ້ອງການຖອນການອຸທອນຂອງທ່ານ ແລະໃສ່ຊື່, ໝາຍເລກປະຈຳຕົວຜູ້ອຸທອນ ແລະໝາຍເລກປະເດັນການອຸທອນ ແລະສົ່ງເອກະສານທາງໄປສະນີໄປທີ່ພະແນກ ໄຕ່ສວນຄະດີ Hearings Department, 2 Avenue de Lafayette, Boston, MA 02111 ຫຼືສົ່ງແຟັກໄປທີ່ເບີ (617) 727-9329.
ການຂາດນັດບໍ່ໄດ້ເຂົ້້າຮ່ວມການໄຕ່ສວນຄະດີ ຕ້ອງການໃຫ້ມີການນັດໝາຍການໄຕ່ສວນຄະດີໃນມື້ໃໝ່ (ການຄືນສິດ):
- ຜູ້ອຸທອນແລະນາຍຈ້າງທີ່ຂາດນັດບໍ່ໄດ້ເຂົ້າຮ່ວມການໄຕ່ສວນຄະດີ ສາມາດຮ້ອງຂໍເອົາການຄືນສິດ (ວັນໄຕ່ສວນຄະດີໃໝ່). ເພື່ອຂໍຄືນສິດໃນການອຸທອນ ເຈົ້າໜ້າທີ່ໄຕ່ສວນຄະດີຕ້ອງຊາບເຫດຜົນວ່າຍ້ອນຫຍັງຄູ່ກໍລະນີຈຶ່ງບໍ່ໄດ້ເຂົ້້າຮ່ວມການໄຕ່ສວນຄະດີ.
-
- ຈະຕ້ອງປະກອບແບບຟອມຮ້ອງຂໍເອົາການຄືນສິດໃຫ້ສຳເລັດ ຫຼືສົ່ງຈົດໝາຍທີ່ຂຽນເປັນລາຍລັກອັກສອນພ້ອມຄຳອະທິບາຍໄປທີ່ພະແນກໄຕ່ສວນຄະດີ. ແນະນຳໃຫ້ຜູ້ອຸທອນປະກອບແບບຟອມຮ້ອງຂໍເອົາການຄືນສິດ ທີ່ລວມມາພ້ອມກັບໜັງສືແຈ້ງການເລື່ອງການຂາດຄຸນສົມບັດໃນການ ໄດ້ຮັບຄວາມຊ່ວຍເຫຼືອ ຫຼືສາມາດສົ່ງຈົດໝາຍໄປທີ່ພະແນກໄຕ່ສວນຄະດີ
DUA Hearings department,
2 Avenue de Lafayette
Boston MA 02111
- ຈະຕ້ອງປະກອບແບບຟອມຮ້ອງຂໍເອົາການຄືນສິດໃຫ້ສຳເລັດ ຫຼືສົ່ງຈົດໝາຍທີ່ຂຽນເປັນລາຍລັກອັກສອນພ້ອມຄຳອະທິບາຍໄປທີ່ພະແນກໄຕ່ສວນຄະດີ. ແນະນຳໃຫ້ຜູ້ອຸທອນປະກອບແບບຟອມຮ້ອງຂໍເອົາການຄືນສິດ ທີ່ລວມມາພ້ອມກັບໜັງສືແຈ້ງການເລື່ອງການຂາດຄຸນສົມບັດໃນການ ໄດ້ຮັບຄວາມຊ່ວຍເຫຼືອ ຫຼືສາມາດສົ່ງຈົດໝາຍໄປທີ່ພະແນກໄຕ່ສວນຄະດີ
ສຳເນົາບັນທຶກການໄຕ່ສວນຄະດີ:
- ເພື່ອຮ້ອງຂໍເອົາສຳເນົາບັນທຶກການໄຕ່ສວນຄະດີທີ່ຄົບຖ້ວນສົມບູນ ກະລຸນາໂທຕິດຕໍ່ພະແນກ ໄຕ່ສວນຄະດີກ່ຽວກັບ DUA ທີ່ເບີ (617) 626-5200.
ໝາຍຮຽກ:
- ເພື່ອຮ້ອງຂໍໃຫ້ສານອອກໝາຍຮຽກ ກະລຸນາຮ້ອງຂໍທາງອອນລາຍເພື່ອເລີ່ມຕົ້ນຂັ້ນຕອນໂດຍການປະຕິບັດຕາມຂັ້ນຕອນດັ່ງຕໍ່ໄປນີ້:
1) ລັອກອິນເຂົ້າໄປທີ່ບັນຊີ UI ທາງອອນລາຍຂອງທ່ານ
2) ກົດ ເບິ່ງ ແລະຢູ່ຕໍ່ທາງໜ້າຕ່າງເບື້ອງຊ້າຍ
3) ກົດ ການເງິນ (Monetary) ແລະບົດສະຫຼຸບ ປະເດັນການອຸທອນ
4) ເລືອກໝາຍເລກປະເດັນການອຸທອນ ແລະຈາກນັ້ນກົດຄຳຮ້ອງຂໍໃຫ້ສານອອກໝາຍຮຽກ (Request a Subpoena) ຫຼືໂທຫາພະແນກໄຕ່ສວນຄະດີຂອງ DUA ທີ່ເບີ (617) 626-5200.
-
- ທ່ານຄວນຮ້ອງຂໍໃຫ້ສານອອກໝາຍຮຽກໂດຍໄວທີ່ສຸດເທົ່າທີ່ຈະເຮັດໄດ້ ເມື່ອມີການກຳນົດນັດໝາຍການໄຕ່ສວນຄະດີຂອງທ່ານແລ້ວ. ຕ້ອງນຳສົ່ງໝາຍຮຽກໃນຄະດີກ່ຽວກັບ DUA ຢ່າງໜ້ອຍສີ່ວັນ ກ່ອນວັນໄຕ່ສວນຄະດີ. ທ່ານສາມາດຂໍເອົາໝາຍຮຽກໄດ້ຈາກເຈົ້າໜ້າທີ່ຮັບຮອງເອກະສານ (notary public) ຫຼືຈາກຜູ້ພິພາກສາ.
ວິທີການຢັ້ງຢືນວັນໄຕ່ສວນຄະດີຂອງທ່ານ ຫຼືການນັດໝາຍການໄຕ່ສວນຄະດີ:
-
- ເພື່ອສອບຖາມກ່ຽວກັບການໄຕ່ສວນຄະດີທີ່ທ່ານລໍຖ້າກຳນົດນັດໝາຍ ກະລຸນາໂທໄປທີ່ເບີ (617) 626-5220.
ວິທີການຄົ້ນຫາສະຖານະພາບຂອງຄຳຕັດສິນໃນຄະດີຂອງທ່ານ:
-
- ເພື່ອສອບຖາມກ່ຽວກັບການໄຕ່ສວນຄະດີທີ່ໄດ້ໄຕ່ສວນໄປແລ້ວ ກະລຸນາໂທໄປທີ່ເບີ (617) 626-5220.
ການຍື່ນຫຼືກວດເບິ່ງສະຖານະພາບຂອງການອຸທອນກ່ຽວກັບ PUA – ເວັ້ນເສຍແຕ່ວ່າທ່ານຈະມີເອກະສານທີ່ກ່ຽວຂ້ອງກັບການອຸທອນທີ່ທ່ານໄດ້ຍື່ນກ່ອນໜ້ານີ້ເພື່ອຈະນຳສົ່ງ, ສະຖານະພາບແລະເອກະສານໂຕ້ຕອບສື່ສານທັງໝົດທີ່ກ່ຽວຂ້ອງກັບການອຸທອນແມ່ນມີໃຫ້ໃນໜ້າ PUA Profile Page ສ່ວນຕົວຂອງທ່ານ.
ເອກະສານການອຸທອນກ່ຽວກັບ PUA: ສະເພາະແຂກຂອງ PUA ເທົ່ານັ້ນ ເຊິ່ງເປັນຜູ້ທີ່ມີທີ່ມີເອກະສານທີ່ພິມອອກມາເພື່ອນຳສົ່ງ ທີ່ກ່ຽວຂ້ອງກັບການອຸທອນຄວນນັດໝາຍເພື່ອມາໃນສູນການຈ້າງງານໃໝ່. ກິດຈະກຳອື່ນໆໃນການອຸທອນ PUA ແລະການກວດສອບສະຖານະພາບຂອງການອຸທອນຂອງພວກເຂົາ ສາມາດເຮັດໄດ້ທາງອອນລາຍ ທີ່ໜ້າ PUA Profile Page ສ່ວນຕົວຂອງທ່ານ. ໝາຍເຫດ: ການຍື່ນເອກະສານເຫຼ່ານີ້ທີ່ສູນການຈ້າງງານໃໝ່ຈະບໍ່ເຮັດໃຫ້ການອຸທອນຂອງທ່ານໄດ້ຮັບການດຳເນີນການຢ່າງໄວກວ່າການຍື່ນການອຸທອນດ້ວຍວິທີອື່ນ.
-
- ທາງອອນລາຍ: ວິທີທີ່ໄວທີ່ສຸດໃນການຍື່ນອຸທອນກ່ຽວກັບ PUA ແມ່ນການຍື່ນທາງອອນລາຍເພື່ອເລີ່ມຕົ້ນຂັ້ນຕອນ ໂດຍການປະຕິບັດຕາມຂັ້ນຕອນດັ່ງຕໍ່ໄປນີ້:
1) ລັອກອິນເຂົ້າໄປທີ່ບັນຊີ eservices ຂອງທ່ານ
2) ກົດ “ເພີ່ມເຕີມ” (“More”) ແລະເລືອກ “ຍື່ນອຸທອນ”
(“file an appeal”)
3) ກົດ “ຕໍ່ໄປ” (“Next”)
4) ໃສ່ເຫດຜົນໃນການອຸທອນ 4) ກົດສົ່ງ
- ທາງອອນລາຍ: ວິທີທີ່ໄວທີ່ສຸດໃນການຍື່ນອຸທອນກ່ຽວກັບ PUA ແມ່ນການຍື່ນທາງອອນລາຍເພື່ອເລີ່ມຕົ້ນຂັ້ນຕອນ ໂດຍການປະຕິບັດຕາມຂັ້ນຕອນດັ່ງຕໍ່ໄປນີ້:
-
- ທາງໄປສະນີ ຫຼືທາງແຟັກ: ຂຽນຈົດໝາຍຮ້ອງຂໍອຸທອນ. ລວມເອົາຂໍ້ມູນຂອງທ່ານ:
- ຊື່
- ເບີໂທລະສັບ
- ໝາຍເລກປະຈຳຕົວການອຸທອນ (Claim ID)
- ໝາຍເລກປະຈຳຕົວຈົດໝາຍ (Letter ID)
- ລາຍເຊັນ
- ທາງໄປສະນີ ຫຼືທາງແຟັກ: ຂຽນຈົດໝາຍຮ້ອງຂໍອຸທອນ. ລວມເອົາຂໍ້ມູນຂອງທ່ານ:
ສົ່ງຈົດໝາຍທີ່ປະກອບສຳເລັດຂອງທ່ານໄປທີ່:
Department of Unemployment Assistance
Hearings Department
2 Avenue de Lafayette
Boston, MA 02111
ສົ່ງແຟັກຈົດໝາຍທີ່ປະກອບສຳເລັດຂອງທ່ານໄປທີ່ເບີ (617) 727-9329
ບັນຫາທີ່ຍັງຄ້າງຄາທີ່ເຮັດໃຫ້ມີການລະງັບການຈ່າຍເງິນ
ການທົບທວນຄືນ ຫຼືການດຳເນີນການແກ້ໄຂບັນຫາທີ່ຍັງຄ້າງຄາທີ່ເຮັດໃຫ້ມີການລະງັບການຈ່າຍເງິນ ເຊິ່ງຈຳເປັນຕ້ອງໄດ້ຮັບການຈັດການແກ້ໄຂບັນຫາໂດຍຜູ້ດຳເນີນການລະງັບຂໍ້ພິພາດທາງປົກຄອງຂອງ DUA (ເຊັ່ນ ເອກະສານທີ່ຈຳເປັນທັງໝົດ ແລະການຕອບແບບສອບຖາມທີ່ໄດ້ຈັດຫາໃຫ້)
- ຕິດຕໍ່ສູນຊ່ວຍເຫຼືອທາງໄກ ຫຼື teleclaims ທີ່ເບີ (617) 626-6800 ແລະເລືອກການເຕືອນ (prompt) ສຳລັບການຊ່ວຍເຫຼືອລູກຄ້າ.
- ການນຳສົ່ງເອກະສານ: ຖ້າທ່ານຕ້ອງການນຳສົ່ງຂໍ້ມູນເພີ່ມເຕີມເພື່ອສະນັບສະໜູນການຮ້ອງຂໍເອົາຄວາມຊ່ວຍເຫຼືອຂອງທ່ານ ທ່ານສາມາດນຳສົ່ງເອກະສານໄດ້ທາງອອນລາຍ ໂດຍລັອກອິນເຂົ້າໄປທີ່ບັນຊີ UI ອອນລາຍຂອງທ່ານ.
ການຈ່າຍເງິນ UI/PUA ສ່ວນທີ່ເປັນເງິນທີ່ໄດ້ຈ່າຍໃຫ້ເກີນຄືນ
ທາງ REC ບໍ່ໃຫ້ບໍລິການກ່ຽວກັບ UI /PUA ການຈ່າຍເງິນ UI/PUA ສ່ວນທີ່ເປັນເງິນທີ່ໄດ້ຈ່າຍໃຫ້ເກີນຄືນ.
ຖ້າທ່ານຈະຊຳລະເງິນຄືນດ້ວຍເຊັກທີ່ເປັນເຈ້ຍຫຼືຜ່ານທະນານັດ, ກະລຸນາຈົດເລກປະຈຳຕົວຜູ້ຍື່ນຄຳຮ້ອງຂໍເອົາເງິນຊ່ວຍເຫຼືອທີ່ທ່ານມີຢູ່ໃສ່ຫຼັກຖານການຈ່າຍເງິນ ແລະສົ່ງທາງໄປສະນີໄປທີ່ພະແນກຊ່ວຍເຫຼືອການຫວ່າງງານ:
Department of Unemployment Assistance
UI Benefit Collection.
P.O. Box 9699
Boston, MA 02114
ບໍລິການຄ່າລ້ຽງດູເດັກຂອງ DOR
- ທາງ REC ຈະບໍ່ສາມາດໃຫ້ບໍລິການສະນັບສະໜູນຫຼືຕອບຄຳຖາມກ່ຽວກັບບໍລິການຄ່າລ້ຽງດູເດັກຂອງ DOR ໄດ້. ສຳລັບບັນຫາທີ່ກ່ຽວຂ້ອງກັບການສະນັບສະໜູນຊ່ວຍເຫຼືອຄ່າລ້ຽງດູເດັກຂອງກົມພາສີອາກອນລາຍໄດ້ (Department of Revenue Child Support) ກະລຸນາໄປທີ່ https://www.mass.gov/orgs/child-support-enforcement-division
ການບໍລິການສຳລັບນາຍຈ້າງ
ການບໍລິການສຳລັບນາຍຈ້າງ (ເຊັ່ນ ໃບຢັ້ງຢືນການປະຕິບັດຕາມ ຫຼືການສົ່ງເງິນປະກອບສ່ວນການປະກັນການຫວ່າງງານ)
- ສູນການຈ້າງງານໃໝ່ຈະບໍ່ສາມາດຊ່ວຍເຫຼືອດ້ານບໍລິການຫຼືການຕອບຄຳຖາມທີ່ກ່ຽວຂ້ອງກັບຂໍ້ກັງວົນຂອງນາຍຈ້າງ ຫຼືການຮັບຊຳລະຄ່າປະກອບສ່ວນການປະກັນການຫວ່າງງານ.
- ສຳລັບການບໍລິການການປະກັນການຫວ່າງງານ ແລະການສະນັບສະໜູນຊ່ວຍເຫຼືອນາຍຈ້າງ, ກະລຸນາໄປທີ່: https://www.mass.gov/unemployment-insurance-ui-for-employers
ເພື່ອຈ່າຍຄ່າປະກອບສ່ວນການປະກັນການຫວ່າງງານ ກະລຸນາປະຕິບັດຕາມຂັ້ນຕອນຕໍ່ໄປນີ້
- ລັອກອິນເຂົ້າໄປທີ່ບັນຊີ UI ທາງອອນລາຍຂອງທ່ານ
- ກົດ ຂໍ້ມູນການຊຳລະເງິນ
- ກົດ ສະຫຼຸບບັນຊີການຊຳລະເງິນ ເພື່ອເບິ່ງຍອດເງິນຄົງເຫຼືອໃນບັນຊີຂອງທ່ານ
- ເພື່ອເບິ່ງລາຍລະອຽດຍອດຄ້າງຂຳລະ, ກົດ ໜີ້ສິນທີ່ຍັງບໍ່ທັນໄດ້ຈ່າຍ ຫຼືເຄື່ອງຄິດໄລ່ດອກເບ້ຍ
- ກົດ ຊຳລະເງິນ
- ເລືອກ ວິທີການຊຳລະເງິນ ແລະປະຕິບັດຕາມການເຕືອນເທິງໜ້າຈໍ. ພິມໝາຍເລກຢັ້ງຢືນການຈ່າຍເງິນອອກມາເພື່ອເກັບໄວ້ເປັນບັນທຶກຫຼັກຖານຂອງທ່ານເອງ.
ການລະງັບການຈ່າຍເງິນຊົ່ວຄາວທີ່ກ່ຽວຂ້ອງກັບການຮ້ອງຂໍໃຫ້ຢັ້ງຢືນຕົວຕົນ
ຖ້າທ່ານໄດ້ຮັບໜັງສືແຈ້ງການໃຫ້ທ່ານຊາບກ່ຽວກັບວິທີຢັ້ງຢືນຕົວຕົນຂອງທ່ານໃໝ່ໃຫ້ແກ່ພະແນກຊ່ວຍເຫຼືອການຫວ່າງງານ ກະລຸນາປະຕິບັດຕາມຄຳແນະນຳຂ້າງລຸ່ມນີ້:
- ທ່ານມີບັນຫາກ່ຽວກັບການລະບຸຕົວຕົນໃນການຮ້ອງຂໍເອົາຄວາມຊ່ວຍເຫຼືອຂອງທ່ານ ເຊິ່ງເປັນອຸປະສັກໃນການໄດ້ຮັບເງິນຊ່ວຍເຫຼືອຂອງທ່ານ. ເພື່ອຢັ້ງຢືນຕົວຕົນຂອງທ່ານ, ກະລຸນານຳໃຊ້ ID.me, ພັນທະມິດດ້ານເຕັກໄນໂລຍີທີ່ເຊື່ອຖືໄດ້ຂອງ DUA. ກະລຸນາເຂົ້າເບິ່ງ ID.me ເພື່ອເຮັດຂັ້ນຕອນທາງອອນລາຍໃຫ້ສຳເລັດພາຍໃນ 10 ວັນ ນັບຈາກວັນທີໃນໜັງສືອແຈ້ງການສະບັບນີ້.
- ໃນກໍລະນີສ່ວນຫຼາຍ ໂດຍການນຳໃຊ້ ID.me, ທ່ານຈະໄດ້ຮັບການແກ້ໄຂບັນຫາການລະບຸຕົວຕົນໃນການຮ້ອງຂໍເອົາຄວາມຊ່ວຍເຫຼືອຂອງທ່ານພາຍໃນ 24-48 ຊົ່ວໂມງ. ຖ້າທ່ານເຮັດຂັ້ນຕອນທາງອອນລາຍໃຫ້ສຳເລັດໄດ້ໄວເທົ່າໃດ, ທ່ານຈະໄດ້ຮັບເງິນຊ່ວຍເຫຼືອຂອງທ່ານໄດ້ໄວຂຶ້ນເທົ່ານັ້ນ.
- ID.me ແມ່ນຜູ້ໃຫ້ບໍລິການລະບຸຕົວຕົນທີ່ໄດ້ຮັບການຮັບຮອງຈາກລັດຖະບານກາງ ແລະມີຄວາມຊ່ຽວຊານໃນການປົກປ້ອງຂໍ້ມູນລະບຸຕົວຕົນແບບດິຈິຕອນ. DUA ໄດ້ເຮັດສັນຍາກັບ ID.me ເພື່ອຊ່ວຍໃຫ້ແນ່ໃຈວ່າທ່ານເປັນຜູ້ທີ່ທ່ານເວົ້າວ່າທ່ານແມ່ນໃຜແທ້ ແລະບໍ່ແມ່ນຄົນທີ່ອ້າງຕົວເອງວ່າແມ່ນທ່ານ ກ່ອນທີ່ພວກເຮົາຈະຈ່າຍເງິນຊ່ວຍເຫຼືອ ຫຼືອະນຸຍາດໃຫ້ເຂົ້າເຖິງຂໍ້ມູນທີ່ລະອຽດອ່ອນໃນບັນຊີ UI ທາງອອນລາຍຂອງທ່ານ. ຂໍ້ມູນເພີ່ມເຕີມກ່ຽວກັບ ID.me ມີຢູ່ທີ່ເວັບໄຊຂອງພວກເຂົາ
- ເພື່ອຢັ້ງຢືນຕົວຕົນຂອງທ່ານ, ກະລຸນາກົດ Massachusetts DUA’s Landing Page (ເປັນພາສາອັງກິດ) ຫຼື Massachusetts DUA’s Landing Page (ເປັນພາສາສະເປນ).
ໝາຍເຫດ: ທ່ານຕ້ອງເຮັດຂັ້ນຕອນການຢັ້ງຢືນ ID.me ໃຫ້ສຳເລັດ ເພື່ອຈະໄດ້ຮັບເງິນຊ່ວຍເຫຼືອຂອງທ່ານ. ເຖິງແມ່ນວ່າທ່ານໄດ້ສົ່ງການຫາຂໍ້ເທັດຈິງແລ້ວ, ກະລຸນາປະຕິບັດຕາມຄຳແນະນຳໃນຈົດໝາຍສະບັບນີ້ເພື່ອ ແກ້ໄຂບັນຫາ.
- ຖ້າທ່ານບໍ່ໄດ້ຍື່ນຄຳຮ້ອງນີ້ເພື່ອຂໍຄວາມຊ່ວຍເຫຼືອຈາກການຫວ່າງງານ, ກະລຸນາແຈ້ງໃຫ້ພວກເຮົາຊາບໂດຍເຂົ້າໄປທີ່ https://www.mass.gov/info-details/report-unemployment-benefits-fraud
ການລາຍງານການຍື່ນຂໍເອົາຄວາມຊ່ວຍເຫຼືອທີ່ເປັນການສໍ້ໂກງ ໂດຍການນຳໃຊ້ຂໍ້ມູນສ່ວນຕົວຂອງທ່ານ
- ຖຸ້າທ່ານເຊື່ອວ່າມີບຸກຄົນອື່ນໄດ້ຍື່ນຂໍເອົາເງິນຊ່ວຍເຫຼືອການຫວ່າງງານໂດຍໃຊ້ຂໍ້ມູນສ່ວນຕົວຂອງທ່ານ, ກະລຸນາໃຊ້ແບບຟອມ secure fraud reporting form ເພື່ອແຈ້ງເຕືອນພວກເຮົາ ຫຼືໂທຫາພະແນກບໍລິການ ລູກຄ້າຂອງ DUA ທີ່ເບີ (877) 626-6800.
- ຖ້າທ່ານຕ້ອງການລາຍງານບັນຫາອື່ນທີ່ກ່ຽວຂ້ອງກັບການສໍ້ໂກງ ເຊັ່ນ ມີບາງຄົນໄດ້ລັກເອົາການຮ້ອງຂໍເອົາຄວາມຊ່ວຍເຫຼືອທີ່ຖືກຕ້ອງຕາມກົດໝາຍຂອງທ່ານ ແລະໄດ້ປ່ຽນຂໍ້ມູນບັນຊີທະນາຄານ ຫຼືຂໍ້ມູນ MFA ແລະອື່ນໆ ຫຼືການລາຍງານການສໍ້ໂກງອື່ນໆ ນອກເໜືອຈາກການຮ້ອງຂໍເອົາເງິນຊ່ວຍເຫຼືອທີ່ເປັນການຍື່ນຂໍຢ່າງ ທຸຈະລິດໃນນາມຂອງທ່ານ, ກະລຸນາສົ່ງອີເມວໄປທີ່ UIFraud@detma.org.
ການຢັ້ງຢືນທີ່ຢູ່ອາໄສ
ທາງ REC ບໍ່ໃຫ້ຄວາມຊ່ວຍເຫຼືອໃນການຢັ້ງຢືນທີ່ຢູ່ອາໄສ: ກະລຸນາຂຽນຄຳຮ້ອງຂໍຂອງທ່ານເປັນລາຍລັກອັກສອນສົ່ງໄປທີ່ພະແນກກົດໝາຍຂອງ DUA
Department of Unemployment Assistance
Legal Department
100 Cambridge Street
Boston, MA 02114
ການຍື່ນຄຳຮ້ອງທຸກຕໍ່ຄະນະກຳມະການຕໍ່ຕ້ານການເລືອກປະຕິບັດຂອງລັດ (Mass Commission Against Discrimination)
- ເພື່ອຍື່ນຄຳຮ້ອງຕໍ່ຄະນະກຳມະການຕໍ່ຕ້ານການເລືອກປະຕິບັດຂອງລັດ ກະລຸນາໄປທີ່: www.mass.gov/mcad.
ບໍລິການດ້ານປະກັນສັງຄົມ
(ເຊັ່ນ ການຍື່ນເລື່ອງໃໝ່ ຫຼືການຮ້ອງຂໍເອົາບັດທົດແທນ)
ເພື່ອຂໍຮັບບັດປະກັນສັງຄົມຈາກອົງການປະກັນສັງຄົມ (Social Security Administration) ກະລຸນາໄປທີ່ https://www.ssa.gov/ssnumber/ ຫຼືໄປທີ່ Thomas P. O’Neill, Jr. Federal Building, 10 Causeway Street, Boston, MA 02114
ແຫຼ່ງຂໍ້ມູນເພີ່ມເຕີມເພື່ອຕອບສະໜອງຄວາມຕ້ອງການຂອງທ່ານ
- ແຫຼ່ງຂໍ້ມູນ UI ທີ່ບໍ່ເປັນພາສາອັງກິດ; ລວມທັງການຍື່ນຄຳຮ້ອງຂໍເອົາຄວາມຊ່ວຍເຫຼືອ: ທາງ DUA ໃຫ້ຂໍ້ມູນຊ່ວຍເຫຼືອການຫວ່າງງານທາງອອນລາຍເປັນ 12 ພາສາ: ພາສາສະເປນ, ພາສາປອກຕຸຍການ, ພາສາເຮຕິຄຣີໂອ, ພາສາຈີນ, ພາສາຫວຽດນາມ, ພາສາລັດເຊຍ, ພາສາກຳປູເຈຍ, ພາສາລາວ, ພາສາອີຕາລີ, ພາສາຝຣັ່ງ, ພາສາເກາຫຼີ ແລະພາສາອາຫຼັບ. ທ່ານສາມາດປະກອບໃບສະໝັກ UI ໃຫ້ສຳເລັດແລະສົ່ງທາງອອນລາຍເປັນພາສາສະເປນ, ພາສາເຮຕິຄຣີໂອ, ພາສາປອກຕຸຍການ, ພາສາຈີນກາງ ຫຼືພາສາຫວຽດນາມ.
- ສຳລັບແຫ່ງຂໍ້ມູນຊ່ວຍເຫຼືອການຫວ່າງງານເປັນຫຼາຍພາສາທັງໝົດຂອງ DUA ກະລຸນາໄປທີ່ https://www.mass.gov/dua-multilingual-services