Prugrama di Justisa Anbiental (JA) di MDAR (MDAR's Environmental Justice Program)

Tudu algen ten direitu di sta prutejedu kóntra riskus anbiental y di vive y disfruta di un anbienti linpu y saudável.

MDAR ta sforsa pa prumove y integra konsiderasons di JA na tudu ses prugrama, pulítika y atividadi, pa garanti asésu igual y involvimentu signifikativu di tudu algen ki ta mora na Stadu, en rilason a sustentabilidadi ikonómiku y anbiental di agrikultura, y tanbe dizenvolvimentu, inplimentason y asesibilidadi ekuitativu a informason y a rikursus. 

Obzervason: tudu site di Mass.gov pode ser traduzidu autumátikamenti na “Skodje Língua” na párti di riba di ekran.   

Pidi Traduson di un dukumentu di MDAR  

Kuzê k’é Justisa Anbiental? 

Justisa Anbiental (JA) sta baziadu na prinsípiu di ki tudu algen ten direitu di sta prutejedu kóntra riskus anbiental y di vive y disfruta di un anbienti linpu y saudável. JA é pruteson igual y involvimentu signifikativu di tudu algen na dizenvolvimentu, inplimentason y aplikason di leis, rigulamentus y pulítikas anbiental, y tanbe distribuison ekuitativu di binifísius anbiental.

Pulítika di Justisa Anbiental, ki foi imitidu pa Gabineti Izekutivu di Inerjia y Asuntus Anbiental di Massachusetts na 2017 y atualizadu na junhu di 2021, ta difini “Populason di Justisa Anbiental” komu:

1. un zóna ki ta kunpri 1 ô más di sigintis kritériu:
   1. rendimentu medianu anual di agregadus familiar é ka más di ki 65 purséntu di rendimentu medianu anual di agregadus familiar na stadu interu;
   2. grupus minoritáriu ta riprizenta 40 purséntu ô más di populason;
   3. 25 purséntu ô más di agregadus familiar ka ta dumina inglês; ô
   4. grupus minoritáriu ta riprizenta 25 purséntu ô más di populason y rendimentu medianu anual di agregadus familiar di munisípiu undi zóna sta situadu, ka ta ultrapasa 150 purséntu di rendimentu medianu anual di agregadus familiar na stadu interu; ô
2. un párti jiográfiku di un zóna ki Sekretáriu dizigna komu un populason di justisa anbiental, di akordu ku lei. 

Direitus Sivil y Anti-Diskriminason: EEA ka ta diskrimina baziadu na rasa, kor, orijen nasional, difisiénsia, idadi, séksu, rendimentu, etnia, klasi, kondison fíziku, krénsa ô rilijion, identidadi di jéneru, orientason seksual, informason jenétiku, dumíniu di inglês, ô asendénsia, na administrason di ses prugramas ô atividadis, y el ka ta vinga nen intimida ninhun pesoa pamódi el izerse se direitu di partisipa na asons prutejedu pa Pártis 5 y 7 di 40 C.F.R., y tudu otu lei y rigulamentu federal y stadual aplikável en rilason a direitus sivil y anti-diskriminason. 

Stratéjia di Justisa Anbiental  

MDAR ten prazer di partilha lansamentu di Stratéjia di Justisa Anbiental (Kapítulu di MDAR ta kumesa na pájina 72). Nu kre agradese opinion y kumentáriu ponderadu y onéstu ki nu resebe di agrikultoris y organizasons parseru, duranti piríudu di kumentáriu públiku. Nhos kumentárius molda verson final di Stratéjia di Justisa Anbiental di MDAR, y nu sta prontu pa inplimenta kes ason anbisiozu ki aprizentadu n’el. 

Febreru di 2024 - Stratéjia di Justisa Anbiental 

Kenha ki kontribui pa ilaborason d’es dukumentu? 

Enbóra MDAR ilabora un verson inisial, verson final sta baziadu na variedadi di kumentárius ki resebedu duranti un piríudu di kumentáriu públiku ki dura ti febreru di 2023. Grupu di Trabadju di JA di MDAR analiza, inkorpora, y risponde kumentárius ki resebedu, y ri-formula stratéjia di akordu. 

Módi ki N ta sabe óra ki MDAR faze prugrésu en rilason a métas ki sta difinidu na Stratéjia di Justisa Anbiental? 

MDAR ta divulga prugrésu di asons privistu na Stratéjia di Justisa Anbiental, di sigintis manera:  

• Apartir di dizénbru di 2024, Gabineti di JA ta publika un rilatóriu anual di prugrésu.
• MDAR ta manda informason atualizadu trimestral sobri prugrésu di asons más inpurtanti ki identifikadu na Stratéjia di Justisa Anbiental, atravês di se Bulitin Informativu di Justisa Anbiental (odja sekson Prugrésu y Inisiativas di Justisa Anbiental). Subskreve a bulitin informativu, ô odja idisons antirior.
• MDAR ta ben lansa un inisiativa di transparénsia online, pa agrikultoris y organizasons interesadu pode kunpanha nos prugrésu na kes métrika y objetivu inpurtanti li.
• Ekipa di JA di MDAR sta abértu a partisipa na riunions di organizasons parseru. Kontaktá-nu si bu kre pa nu aprizenta y obi bu opinion sobri Prugrama di JA di MDAR y se prugrésu.  

Na ka konsigi kontribui pa Stratéjia di Justisa Anbiental. Módi ki N pode da opinion y kumentáriu gósi? 

MDAR ta adota un mudelu di opinion y kumentáriu permanenti, y el ta kunpanha kontribuisons inpurtanti pa nos prugramas y sirvisus. Pa da opinion y kumentáriu anónimu (ô ka anónimu) sobri trabadju di Justisa Anbiental di MDAR, prenxe es kistionáriu. EEA ta be revê y atualiza Stratéjia di JA, di três en três anu. 

Si bu tene algun pergunta sobri Stratéjia di Justisa Anbiental y módi ki el ta ben ser inplimentadu, kontakta Rebecca Davidson pa [e-mail].  

Stratéjia Preliminar di Justisa Anbiental y Versons Traduzidu 

Stratéjia Preliminar di Justisa Anbiental di 2022 sta dispunível.

Pididus di kópias inprimidu na kes língua di riba pode ser mandadu pa email: [e-mail] ô pur skritu:

Executive Office of Energy and Environmental Affairs (Gabineti Izekutivu di Inerjia y Asuntus Anbiental) 
100 Cambridge St., Suite 900  
Boston, MA 02114  
Attn: Caroline Lemoine, Deputy Director of EJ for External Stakeholder Coordination (Diretora-Adjunta di JA pa Kordenason ku Pártis Interesadu Stérnu) 

Pulítikas Antirior di Justisa Anbiental

Pulítika di Justisa Anbiental di 2017 sta dispunível na: English | Español (Spanish) | Português (Portuguese) |繁體中文 (Traditional Chinese) | Việt (Vietnamese) | Kreyòl ayisyen (Haitian Creole)

Pulítika di Justisa Anbiental di 2002 

Pididus di Traduson y Interpretason 

Sabe Más Sobri Sirvisus di Asésu Linguístiku di MDAR

Kursu di Spanhol di MDAR   

Entra en Kontaktu! 

Bulitin Informativu di Justisa Anbiental:

Inskreve na nos bulitin informativu di JA pa resebe informason atualizadu sobri atividadis di justisa anbiental di MDAR. Odja idisons antirior.  

Distaki pa Agrikultoris, Prudutoris y Organizasons di MA:

• Pa Dia Povus Indíjena, ki ta kumemoradu segunda-fera, dia 9 di otubru di 2023, MDAR distaka Organizasons Indíjena y kontribuisons Indíjena pa agrikultura.
• Na febreru di 2024, MDAR aprizenta Agrikultoris Prétu y Organizasons lideradu pa Prétus na un idison di Bulitin informativu di JA pa kumemora Mês di Stória di Prétus.
• Pa kumemora Mês di Eransa di Aziátikus-Merkanu, Nativus di Avaí y di Ilhas di Pasífiku (AANHPI), na abril di 2024, MDAR distaka agrikultoris AANHPI di Stadu interu.
• Pa Mês di Eransa Spániku, ki ta kumemoradu di dia 15 di siténbru ti dia 15 di otubru di 2024, MDAR distaka agrikultoris spániku y ses kontribuison pa agrikultura na MA.
• Na nuvénbru di 2024, MDAR kumemora Mês di Eransa di Merkanus Nativu y Povus Indíjena, atravês di nos idison di Bulitin informativu di JA didikadu pa agrikultoris Indíjena di MA.  

Rilatóriu sobri Agrikultura y Merkadu:

MDAR tanbe ta manda Rilatóriu sobri Agrikultura y Merkadu, un bulitin informativu bimestral ki ta inklui Kuluna di Kumisáriu, informason atualizadu sobri prugramas y subsídius, informason atualizadu sobri workshops y atividadis idukativu, Notísias di USDA, y tanbe un Kalendáriu y un sekson di Klasifikadus.  Nu ta insentiva kualker algen interesadu na agrikultura di Massachusetts a inskreve na Rilatóriu. Pa sabe más sobri Rilatóriu di Agrikultura y Merkadu y odja idisons antirior, vizita ses website. 

Si bu kre kontribui ku datas, workshops, avizus, informason rilasionadu ku agrikultura, pa Rilatórius futuru, manda pididu pa [e-mail].  

Furmuláriu di Opinion y Kumentáriu:

Si bu kre manda opinion y kumentáriu anónimu (ô ka anónimu), prenxe furmuláriu di opinion y kumentáriu.

Pesoa di Kontaktu di MDAR pa JA é Rebecca Davidson, ki pode ser kontaktadu pa [e-mail] ô 857-202-7699. 

Rikursus Adisional

Inskreve pa Resebe Informason atualizadu sobri Justisa Anbiental di MDAR 

Riklamasons sobri Justisa Anbiental  

Pa kualker priokupason, riklamason, ilujiu ô ideia rilasionadu ku justisa anbiental, manda un email pa: [e-mail]. Pa más ajuda, kontakta Gabineti di Justisa y Ekuidadi Anbiental di EEA pa kes informason di kontaktu dibaxu: 

María Belén Power 

Undersecretary of Environmental Justice and Equity (Subsekretária di Justisa y Ekuidadi Anbiental)  

EEA Office of Environmental Justice and Equity (Gabineti di Justisa y Ekuidadi Anbiental di EEA)

100 Cambridge Street, 10th Floor 

Boston, MA 02114 

Email: [e-mail] 

[phone]  

Crystal A. Johnson 

Assistant Secretary of Environmental Justice (Sekretária-Adjunta di Justisa Anbiental)  

EEA Office of Environmental Justice and Equity (Gabineti di Justisa y Ekuidadi Anbiental di EEA) 

100 Cambridge Street, 10th Floor 

Boston, MA 02114 

Email: [e-mail] 

[phone]  

Caroline Lemoine 

Deputy Director (Diretora-Adjunta di Justisa Anbiental) 

EEA Office of Environmental Justice and Equity (Gabineti di Justisa y Ekuidadi Anbiental di EEA) 

100 Cambridge Street, 10th Floor 

Boston, MA 02114 

Email: [e-mail] 

[phone]

Leis Federal y Órdis Izekutivu

Órdi Izekutivu di Massachusetts sobri Justisa Anbiental:

Órdi Izekutivu 552 foi imitidu na dia 25 di nuvénbru di 2014, ta iziji pa Sekretarias toma mididas pa prumove justisa anbiental. 

Federal Law y Órdis Izekutivu 

Midjora Asésu a Informason

Pa prumove asésu ekuitativu a informason, MDAR publika un folhetu y panfletus ki ta oferese un vizon jeral di prugramas y sirvisus di ajénsia. Kes matirial li sta dispunível, é sô pidi, y es foi traduzidu pa várius língua. 

Pa pidi matirial inprimidu, kontakta [e-mail]