Sirvisus di Asésu Linguístiku di MDAR (MDAR's Language Access Services)

MDAR sta inpenhadu na oferese kes sirvisu nisisáriu pa tudu algen pode partisipa na nos prugramas, inkluindu sirvisus linguístiku. Sabe más sobri asésu a sirvisus linguístiku di MDAR, dibaxu:

Si bu teni algun prublema na intendi Ingles, fika avontadi y pidi ajuda ku lingua ki sta disponivel di grása, basta bu fazi pididu: Pur favor, manda e-mail pa [e-mail].

Traduson di Pájinas web di Mass.Gov 

Pur favor sabe: tudu siti di Mass.gov pode ser auto-traduzidu na "Selesiona Língua" na parti supirior di ekran. 

Pididus di Traduson y Interpretason

MDAR pode oferese traduson di dukumentus públiku, y tanbe sirvisus di interpretason pa riunions públiku (prizensial ô virtual), si bu pidi. Bu pode manda pididu di sigintis manera: 

• Prenxe Furmuláriu di Pididu di Traduson di Dukumentu
• Manda email pa Ekipa di JA di MDAR: [e-mail]

MDAR ta mante un lista atualizadu di matirial di dipartamentu ki dja foi traduzidu. 

Planu di Asésu Linguístiku di MDAR

Nun sforsu pa aumenta asésu a línguas na tudu dipartamentu, MDAR lansa un Planu di Asésu Linguístiku (“LAP”) na febreru di 2025.

LAP ta sforsa pa ilimina bareras ki ta inpidi pesoas ku limitason na inglês (“LEP”) di ten asésu a sirvisus linguístiku, y pa garanti ma tudu funsionáriu pode djuda pesoas ku limitason na inglês a ten asésu a kes rikursu. LAP ta sentraliza matirial di asésu linguístiku pa funsionárius y ta difini formason rigular pa nóvus funsionáriu.  

Si bu tene algun opinion y kumentáriu ô pergunta, bu pode prenxe es furmuláriu di opinion y kumentáriu ô kontakta [e-mail]

Planu di Asésu Linguístiku di MDAR 

Webinar (simináriu na internéti) sobri Asésu Linguístiku - 02/2025

Na febreru di 2025, Ekipa di Justisa Anbiental (JA) di MDAR rializa un webinar pa partilha más informason sobri sirvisus di asésu linguístiku dispunível pa pesoas ki ka ta fala inglês. 

Ekipa di JA analiza sigintis aspétu, ku ditalhi…  

• Módi ki bu ta pidi traduson di un dukumentu di MDAR, 
• Módi ki bu ta pidi interpretason pa un xamada di telefóni, riunion, ô ivéntu, 
• Divérsus matirial pré-traduzidu dispunível públikamenti; y 
• Módi ki bu ta utiliza teknolojia di traduson virtual di MDAR.  

Si bu tene algun pergunta sobri webinar, ô sobri algun di nos sforsu di asésu linguístiku, kontakta Kordenadora di Asésu Linguístiku di MDAR: [e-mail]   

Kursu di Spanhol di MDAR 

Na 2024 y 2025, MDAR kontrata Language Connections, un inpreza di traduson y interpretason di Boston, Massachusetts, pa dizenvolve y ministra un Kursu virtual di Spanhol pa Jestoris y bendedoris di Merkadus di Agrikultoris. 

Pa insentiva aprendizajen permanenti y dispunibiliza es informason pa otus algen ki sta interesadu na prende konseitus báziku di spanhol pa anbienti di Merkadu di Agrikultoris, nu publika kes matirial ki dizenvolvedu nun pájina web:

Kursu di Spanhol di MDAR   

Bu sa ta prokura Sirvisus di Asesibilidadi?

Pulítika di Gabineti Izekutivu di Inerjia y Asuntus Anbiental pa Garanti Asésu Signifikativu pa Pesoas ku Difisiénsias  

Si bu ten difisénsia, ten ajuda disponivel di grása, basta bu fazi pididu: Pur favor, manda e-mail pa [e-mail] ó txoma pa 617-626-1282.