Sabi más sobri sentrus di sirvisu di tribunal

Diskubri kal sirvisus ta oferesedu na sentrus di sirvisu di tribunal.

Ten novi (9) Sentrus di sirvisu di tribunal - un (1) sentru di sirvisu di tribunal virtual i oitu (8) sentrus di sirvisu di tribunal fíziku lokalizadu na ditirminadus tribunal.

Sentru di sirvisu di tribunal virtual:

• È abertu pa admisons di 9 a.m.–2 p.m, di sigunda ti sexta fera, pa uzuárius di tribunal ke ten ô ki kré inisia prusesus na nós sistema di tribunal.
• ta avalia ilijibilidadi di litigantis sen riprizentason pa sirvisus di sentru di sirvisu di tribunal;
• ta da informasons jurídikus i asistênsia limitadu pa tilifoni ô vídeo; i
• ta fazi inkaminhamentu pa un di sentrus di sirvisu di tribunal lokal i/ô sirvisus kumunitáriu/di asistênsia jurídiku.

Sentrus di sirvisu di tribunal ta oferesi:

• Sirvisus prizensial di sigunda–kinta fera, di 8:30 a.m.–1 p.m.; 2–4:30 p.m. i sexta-feira, di 8:30 a.m.–1 p.m.
• Sentru di sirvisu di tribunal di Taunton ta oferesi sirvisus prizensial só sigundas, tersas i kintas feiras, di 8:30 a.m.–1 p.m.; 2–4:30 p.m.
• Tudu sentrus di sirvisu di tribunal tanbé ta oferesi sirvisus a distansia di sigunda-sexta. Kuneta ku sentru di sirvisu di tribunal virtual pa admison.
• Pur favor nota ki:
  • Oráriu di funsionamentu ta inklui ténpu ki funsionárius ta sta ta trabadja ku uzuarius di tribunal.
  • Oráriu di admison prezensial ta finda kuandu ki atinjidu limiti di pesoas; óra ta muda kada dia ku bazi na lokalizasons i na volumi.

Lokalizasons di Séntrus di Sirvisus di Tribunal

Sentrus di sirvisu di tribunal sta abertu na 8 tribunal:

• Edward W. Brooke Courthouse in Boston
• Franklin County Courthouse in Greenfield
• Fenton Judicial Center in Lawrence
• George N. Covett Courthouse in Brockton
• Lowell Justice Center in Lowell
• Springfield Hall of Justice
• Taunton Trial Court Complex (oráriu prezensial ku limiti)
• Worcester Trial Court Complex

Séntru Virtual di Sirvisus di Tribunal

Antis di bu vizita bu sentru di sirvisu di tribunal lokal pisualmenti, pripara ku antisidênsia na kuneta ku sentru di sirvisu di tribunal virtual primeru. Bu ta ser kapaz di:

• Ditirmina ku antisidênsia si un di sentrus di sirvisu di tribunal lokal podi djudau ku bu situason,
• Responde purguntas sinplis,
• Konpleta un admison i analiza material ki bu mestiantis ki sentru di sirvisu di tribunal podi djudau,
• Po-u en kontatu ku un di kes oitu (8) Séntrus di Sirvisus di Tribunal Lokals i pripara-u pa sirvisus virtual ô Sirvisus prezensial, i
• Enkaminha-u pa rikursus na kumunidadi.

Modi Ki N Ta Entra En Kontatu Ku Sentru Virtual di Sirvisus di Tribunal?

• Djunta ku nos na Zoom. Dijita Númeru di ID di Runion 1615261140; ô
• Liga-nu pa [phone]. Dijita Númeru di ID di Runion 1615261140 i dipôs kalka # #

Modi Ki Séntrus Di Sirvisus Di Tribunal Pode Djuda-m?

Nu pode:

• Da Informasons Juridikus
• Djuda ku Formulárius di Tribunal Na Alguns Tipus di Prosésus
• Informasons sobri regras, prusidimentus i prátikas di tribunal
• Dukumentus di tribunal i instrusons skritu (alguns ta oferesedu na várius línguas)
• Da ajuda na lingua ki bu ta prifiri
• Po-u en kontatu ku Asistensia Juridiku i Apoiu na Kumunidadi
• konputadoris ku asesu pa rikursus online ki ta dipunível pa orden di xegada

Nu ka pode:

• Da-u Konsedju Juridiku ô Reprizenta-u na Tribunal
• Djuda-u Pripara pa Julgaméntu ô pa Diskubérta di Próvas
• Djuda-u si Bu Tiver Un Adivogadu
• Informa-u Sobri Stadu di bu Kazu ô Fla-u Kal ki Ta Bai Ser Rezultadu di Bu Kazu

Sentrus di Sirvisus di Tribunal Ka Pode Djuda ku Tudu Tipus di Prosésus

Izénplu di tipus di prosésus ki nu pode ser kapaz di djuda ku el ta inklui:

• Kazus di Familia (Divórsiu, guarda, manutenson di kriansa, vizitasons)
• Tutélas di Menóris ô di Adultus
• Mudansas di Nómis ô Koresons di Rejistus Inportanti
• Adiministrasons Voluntárius
• Kazus di Sinhoriu/Renderu
• Privenson di Abuzu/Ordis di Proteson Kontra Abuzu ô Ordis di Proteson Kontra Pirsigison
• Internamentu Sivil/Section 35
• Reklamasons di Poku Valor

Alguns Izénplu di tipus di prosésus ki nu Ka ta pode djuda ku el ta inklui:

• Susesons Formal/Informal di Bens
• Adosons
• Apelasons
• Imigrason
• Maioria di Kazus na Tribunal di Menóris
• Kazus di Tribunal Federal i  Kazus di Otus Stadus/País